విజయ్, కమల్, రజినీకాంత్ లకు విలన్‌గా విజయ్ సేతుపతి, ఆ ఒక్క హీరోతో ఛాన్స్ మిస్సయ్యిందంటూ ఆవేదన

విజయ్, కమల్, రజినీ లాంటి స్టార్ హీరోలకు విలన్‌గా నటించిన విజయ్ సేతుపతి, ఒక్క హీరో సినిమాలో  మాత్రం అవకాశం మిస్ చేసుకున్నందుకు బాధపడుతున్నాడు. ఇంతకీ ఎవరా స్టార్ హీరో..?

అజిత్‌తో విజయ్ సేతుపతి

కోలీవుడ్ లో చిన్న సినిమాతో హీరోగా పరిచయమైన విజయ్ సేతుపతి వరుసగా హిట్ సినిమాలు చేశారు. హీరోగానే కాకుండా విలన్, క్యారెక్టర్ ఆర్టిస్ట్‌గా కూడా మెప్పించారు. రజినీకాంత్, కమల్ హాసన్, విజయ్ లాంటి స్టార్ హీరోలకు విలన్‌గా నటించిన సేతుపతి, ఇప్పటివరకు అజిత్‌తో మాత్రం నటించలేదు.

మక్కల్ సెల్వన్ విజయ్ సేతుపతి

అజిత్‌తో ఎప్పుడు నటిస్తారనే ప్రశ్నకు సమాధానమిస్తూ, ఇప్పటివరకు ఏదీ ప్లాన్ ప్రకారం జరగలేదని, మంచి అవకాశం వస్తే నటిస్తానని, గతంలో ఓ సినిమాలో నటించాల్సి ఉండగా అది కుదర్లేదని, త్వరలోనే అజిత్‌తో నటిస్తానని ఆశిస్తున్నానని చెప్పారు.

అజిత్‌కు విలన్‌గా సేతుపతి

ఏ సినిమాలో అవకాశం మిస్సయ్యిందో చెప్పడానికి మాత్రం విజయ్ సేతుపతి నిరాకరించారు. గతంలో అజిత్, విఘ్నేష్ శివన్ కాంబినేషన్‌లో ఓ సినిమా ప్లాన్ అయ్యి ఆగిపోయింది. ఆ సినిమాలో అజిత్‌కు విలన్‌గా సేతుపతిని అనుకున్నారట. ఆ విషయాన్నే సేతుపతి చెప్పి ఉండొచ్చు.

సేతుపతికి ఇష్టమైన విలన్

హీరోగా నటించడం ఇష్టమా అని ఓ విద్యార్థి అడిగిన ప్రశ్నకు, అన్ని క్యారెక్టర్స్ ఇష్టమేనని, కానీ విలన్ పాత్రలు చేయడం ఇష్టమని, ఎందుకంటే వాటిలో స్వేచ్ఛ ఉంటుందని, హీరో పాత్రల్లో కొన్ని పరిమితులు ఉంటాయని విజయ్ సేతుపతి చెప్పారు.