Vijay Deverakonda: ఇచ్చిన మాట నిలబెట్టుకున్న విజయ్ - రష్మిక.. చిన్నారుల జీవితాల్లో వెలుగు నింపిన కొత్త జంట

పెళ్లి తర్వాత నటుడు విజయ్ దేవరకొండ, తన భార్య రష్మిక మందన్న, కుటుంబ సభ్యులతో కలిసి తన సొంతూరు తుమ్మన్‌పేటకు వెళ్లారు. ఆ సమయంలో అక్కడి విద్యార్థులకు ఇచ్చిన మాటను ఇప్పుడు నిలబెట్టుకున్నారు.

Image Credit : Youtube/ T Series

సినిమా పనుల్లో బిజీగా విజయ్ ‌- రష్మిక

స్టార్ హీరో విజయ్ దేవరకొండ, రష్మిక మందన్న పెళ్లి తర్వాత తమ తమ సినిమాలతో ఫుల్ బిజీగా ఉన్నారు. ఇద్దరు కలిసి కూడా ఓ సినిమా చేస్తున్నారు. ఒక వైపు సినిమాలతో ఫుల్ బిజీగా ఉన్నా కూడా విజయ్ దేవరకొండ సినిమాలతో పాటు సామాజిక సేవా కార్యక్రమాల ద్వారా ఎంతో మందికి సాయం చేస్తున్నారు.

Image Credit : X

స్కాలర్‌షిప్‌ల పంపిణీ

విజయ్-రష్మిక దంపతులు నాగర్‌కర్నూల్ జిల్లా అచ్చంపేటలోని ప్రభుత్వ పాఠశాల విద్యార్థులకు స్కాలర్‌షిప్‌లు పంచుతున్నారు. ఈ ఏడాది మొదట్లో పెళ్లి కాగానే విజయ్ తన సొంతూరు తుమ్మన్‌పేటకు వెళ్లినప్పుడు ఈ హామీ ఇచ్చారు.

Image Credit : Asianet News

ప్రభుత్వ పాఠశాల విద్యార్థులకు అండగా

ఆ పర్యటనలో, అచ్చంపేట డివిజన్‌లోని ప్రభుత్వ పాఠశాలల టాపర్లకు స్కాలర్‌షిప్‌లు ఇస్తామని విజయ్ మాట ఇచ్చారు. ఇప్పుడు ఆ మాట నిలబెట్టుకుంటూ 'ది దేవరకొండ ఫౌండేషన్' ద్వారా 44 స్కూళ్ల విద్యార్థులకు స్కాలర్‌షిప్‌లు అందిస్తున్నారు.

Image Credit : Vijay deverakonda FB

విద్యార్థులకు విజయ్ సూచనలు

9, 10వ తరగతులకు చెందిన మొత్తం 180 మంది ప్రతిభావంతులైన విద్యార్థులకు ఈ జంట ఆర్థిక సాయం అందించారు. గురువులు, తల్లిదండ్రుల మాట విని జీవితంలో ఉన్నత స్థాయికి ఎదగాలని విద్యార్థులకు సూచించారు.

Image Credit : instagram

గ్రామస్థుల ఘన స్వాగతం

ఇచ్చిన మాట నిలబెట్టుకోవడం కోసం జూన్ 14న విజయ్ తన భార్య రష్మికతో కలిసి నాగర్‌కర్నూల్ జిల్లా, అచ్చంపేట నియోజకవర్గంలోని తన సొంతూరు తుమ్మన్‌పేటకు వెళ్లారు. అక్కడ గ్రామస్థులు ఈ కొత్త దంపతులకు ఘన స్వాగతం పలికారు.

Image Credit : X

పూర్తి ఖర్చులు భరిస్తామని హామీ

అచ్చంపేట నియోజకవర్గంలోని 44 ప్రభుత్వ పాఠశాలల్లో చదువుతున్న 9, 10వ తరగతి విద్యార్థులకు 'ది దేవరకొండ ఫౌండేషన్' ద్వారా ఉన్నత చదువులకు అవసరమైన పూర్తి ఖర్చులను విజయ్, రష్మిక భరించనున్నారు.