గుర్తుపట్టలేని విధంగా విజయ్ దేవరకొండ, షాకింగ్ లుక్.. VD12 మూవీ రిలీజ్ డేట్ ఫిక్స్, టైటిల్ ఎప్పుడంటే..

విజయ్ దేవరకొండకి చివరగా ఫ్యామిలీ స్టార్ రూపంలో ఎదురుదెబ్బ తగిలింది. ఫ్యామిలీ స్టార్ చిత్రం ఆశించిన స్థాయిలో సక్సెస్ కాలేదు.అంతకుముందు నటించిన ఖుషి చిత్రం కూడా యావరేజ్ గా నిలిచింది. దీనితో విజయ్ దేవరకొండ తన తదుపరి చిత్రంపై ఎక్కువ ఫోకస్ పెడుతున్నారు. 

విజయ్ దేవరకొండ తదుపరి చిత్రం గౌతమ్ తిన్ననూరి దర్శకత్వంలో తెరకెక్కుతోంది. ఇది భారీ బడ్జెట్ లో తెరకెక్కుతున్న పీరియాడిక్ డ్రామా. VD 12 అనేది వర్కింగ్ టైటిల్. షూటింగ్ ప్రారంభం అయి చాలా రోజులు అవుతోంది. కానీ ఇంతవరకు టైటిల్ ప్రకటించలేదు. 

గౌతమ్ తిన్ననూరి చిత్రాలు చాలా వైవిధ్యంగా ఉంటాయి. జెర్సీ చిత్రం విమర్శకుల ప్రశంసలు దక్కించుకుంది. అలాంటి డైరెక్టర్ విజయ్ దేవరకొండ లాంటి అగ్రెసివ్ హీరోతో సినిమా చేస్తుంటే ఎలాంటి మ్యాజిక్ చేస్తారో అనే ఉత్కంఠ నెలకొంది. తాజాగా VD 12 నుంచి అదిరిపోయే అప్డేట్ వచ్చింది. 

VD 12 చిత్రాన్ని వచ్చే ఏడాది మార్చి 28న గ్రాండ్ గా రిలీజ్ చేయనున్నట్లు అఫీషియల్ గా అనౌన్స్ చేశారు. ఉగాది కానుకగా ఈ చిత్రం రిలీజ్ కి రెడీ అవుతోంది. అదే విధంగా టైటిల్ ని ఈ నెలలోనే ప్రకటించబోతున్నట్లు మేకర్స్ తెలిపారు. విజయ్ దేవరకొండ ఫ్యాన్స్ కి ఇది క్రేజీ న్యూస్ అని చెప్పొచ్చు. రిలీజ్ చేసిన పోస్టర్ లో విజయ్ దేవరకొండ గర్జిస్తూ కనిపిస్తున్నారు.