టాక్సీవాలా మూవీ తర్వాత లావైపోయా... మెడికల్ రిపోర్ట్స్ చూసి షాక్ అయ్యా...!
అనంతపూర్ ప్రాంతానికి చెందిన తెలుగు అమ్మాయి ప్రియాంక జవాల్కర్. మరాఠీ మూలాలు కలిగిన ప్రియాంక ఆంధ్రప్రదేశ్ లో పుట్టిపెరడం వలన తెలుగు అనర్గళంగా మాట్లాడతారు. అలాగే ఆమె తన ఐడెంటిటీ తెలుగు అమ్మాయిగానే చెప్పుకుంటారు.
విజయ్ దేవరకొండ హీరోగా 2018లో విడుదలైన టాక్సీవాలా చిత్రంతో వెండితెరకు పరిచయమైంది ప్రియాంక. క్యూట్ లుక్స్, సాలిడ్ ఫిజిక్ తో ప్రేక్షకులను బాగానే ఆకట్టుకున్నారు.
టాక్సీవాలా హిట్ టాక్ తెచ్చుకున్న నేపథ్యంలో ప్రియాంకకు వరుస ఆఫర్స్ వస్తాయని అందరూ భావించారు. అయితే మూడేళ్లు అవుతున్నా ప్రియాంకా నుండి మరో మూవీ రాలేదు.
తాజాగా ఓ ఇంటర్వ్యూలో పాల్గొన్న ప్రియాంక, ఈ విషయాలపై స్పందించారు. తన నుండి మూడేళ్ళ కాలంలో సినిమా రాకున్నప్పటికీ, ఖాళీగా లేనని ప్రియాంక తెలిపారు.
టాక్సీవాలా చిత్రానికి ముందే చాలా ఆఫర్స్ వచ్చాయి. వాటిలో కథ నచ్చడంతో గమనం మూవీ ఒకే చేశాను. ఇది 2019లో సెట్స్ పైకి వెళ్ళింది. ఆ తరువాత ఎస్ ఆర్ కల్యాణ మండపం మూవీ చేశాను. ఈ రెండు చిత్రాలు చేస్తున్న సమయంలో తిమ్మరుసు మూవీ ఆఫర్ దక్కింది.
గత సంవత్సరం ఈ చిత్రాలు విడుదల కావాల్సి ఉంది. కోవిడ్ కారణంగా విడుదల కాలేదు. ఈ ఏడాది మాత్రం ఇవి వరుసగా విడుదల కానున్నాయి. అలాగే ఇకపై ఇంత గ్యాప్ రాదని భావిస్తున్నాను.
తెలుగు అమ్మాయి కావడం వలన అవకాశాలు కోల్పోతున్నారా అంటూ కొందరు అడుగుతూ ఉంటారు. నిజానికి టాలీవుడ్ లో తెలుగు హీరోయిన్స్ కి బాగానే అవకాశాలు దక్కుతున్నాయి.
తెలుగు అమ్మాయి కావడం వలన అవకాశాలు కోల్పోయిన సంధర్భం నాకు ఎప్పుడు ఎదురు కాలేదు. రెమ్యూనరేషన్స్, కథ నచ్చక ఆఫర్స్ చేజారి ఉండవచ్చు. ఇక తమిళంలో ఓ మూవీకి సైన్ చేశాను. కోవిడ్ పరిస్థితుల కారణంగా అది ఆలస్యం అయ్యిందని... ప్రియాంక తెలిపారు.
చాలా సన్నబడి పోవడానికి కారణం చెబుతూ... టాక్సీవాలా చిత్రం తరువాత చాలా లావైపోయాను. థైరాయిడ్, హార్మోన్స్ ఇన్ బ్యాలన్స్ కారణంగా ముఖం నిండా మొటిమలు. వైద్య పరీక్షలు చేయించగా సమస్యలు అన్నీ బయటికి వచ్చాయి. అప్పుడు చాలా భయపడ్డాను. యోగా, వ్యాయాయం, డైట్ ఫాలో కావడం ద్వారా మరలా ఫిట్ గా తయారయ్యాను అన్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
