- Home
- Entertainment
- Thalapathy Vijay: అజిత్ సూపర్ హిట్ సినిమాలో విలన్గా విజయ్.. దళపతి డ్రీమ్ బయటపెట్టిన స్టార్ డైరెక్టర్
Thalapathy Vijay: అజిత్ సూపర్ హిట్ సినిమాలో విలన్గా విజయ్.. దళపతి డ్రీమ్ బయటపెట్టిన స్టార్ డైరెక్టర్
Thalapathy Vijay: అజిత్ కుమార్ హీరోగా నటించిన ఓ బ్లాక్బస్టర్ సినిమాలో విలన్గా నటించాలని విజయ్ ఆశపడ్డారట. ఈ విషయాన్ని ఆ సినిమా డైరెక్టరే స్వయంగా ఓ ఇంటర్వ్యూలో బయటపెట్టారు. ఇంతకీ ఆ సినిమా ఏంటి? ఆ కథేంటో చూద్దాం.
విజయ్ వర్సెస్ అజిత్
తమిళ సినీ ఇండస్ట్రీలో ఇద్దరు పెద్ద స్టార్లు ఎవరంటే ఠక్కున గుర్తొచ్చే పేర్లు అజిత్ కుమార్, దళపతి విజయ్. ప్రపంచవ్యాప్తంగా వీరికి భారీ స్థాయిలో అభిమానులు ఉన్నారు. వీరి సినిమాలు రిలీజ్ అవుతున్నాయంటే థియేటర్ల వద్ద పండగ వాతావరణం నెలకొంటుంది. ముఖ్యంగా, ఇద్దరి సినిమాలు ఒకేసారి విడుదలైతే, అభిమానుల మధ్య పోటీ వాతావరణం ఏర్పడుతుంది. అభిమానుల మధ్య యుద్ధ వాతావరణం చోటు చేసుకుంటుంది. సోషల్ మీడియా ఊగిపోతుంటుంది.
అజిత్ ఫోటో దాచుకున్న విజయ్
సినిమాల్లో వీరిద్దరూ కాంపిటీటర్ కనిపించినా, నిజ జీవితంలో మాత్రం మంచి స్నేహితులు. ఇటీవల జరిగిన ఓ సంఘటనే దీనికి ఉదాహరణ. ఓ రాజకీయ ప్రచార కార్యక్రమంలో, అభిమానులు అజిత్ కుమార్తో కలిసి ఉన్న ఫోటోను విజయ్కు ఇవ్వగా, ఆయన దాన్ని జాగ్రత్తగా తీసుకుని భద్రపరచుకోవడం అభిమానులను ఆకట్టుకుంది. అలాగే ఎన్నికల్లో ఓటు వేసేటప్పుడు అజిత్.. ఈల గుర్తు గురించి ఎన్నికల సిబ్బందిని అడిగి తెలుసుకున్నారని కూడా వార్తలొచ్చాయి.
అజిత్ సినిమాలో విలన్గా విజయ్
వీరికి సంబంధించి మరో ఆసక్తికరమైన విషయం వెలుగులోకి వచ్చింది. అజిత్ కుమార్ నటించిన ఓ ముఖ్యమైన సినిమాలో తాను కూడా నటించాల్సిందని విజయ్ ఆశపడినట్లు దర్శకుడు వెంకట్ ప్రభు ఓ ఇంటర్వ్యూలో వెల్లడించారు. 'సాయి విత్ చిత్ర' అనే కార్యక్రమంలో ఆయన మాట్లాడుతూ.. 'మంకత్తా` సినిమా విడుదలైన తర్వాత, విజయ్ తనకు ఫోన్ చేసి అభినందించారని చెప్పారు.
అజిత్ కి విలన్గా నటించేవాడిని - విజయ్
ఆ సినిమా విజయం గురించి మాట్లాడుతూ, 'ఆ సినిమాలో అర్జున్ చేసిన పాత్రకు నన్ను పిలిచి ఉంటే, నేను కచ్చితంగా నటించేవాడిని. అది ఇంకా పెద్ద స్థాయిలో ఉండేది' అని విజయ్ అన్నట్లు వెంకట్ ప్రభు తెలిపారు. 'మీరు ముందే చెప్పి ఉంటే నేను ప్రయత్నించేవాడిని' అని విజయ్ చెప్పడం, ఆయన ఎంత పెద్ద స్టార్ అయినా మంచి కథలు, విభిన్నమైన అవకాశాలు వస్తే చేయడానికి సిద్ధమే అనే విషయాన్ని ప్రతిబింబిస్తుంది.
విజయ్ సలహాలు
అదే సమయంలో, విజయ్ తన స్నేహితులకు మంచి సలహాలు కూడా ఇస్తారని వెంకట్ ప్రభు పేర్కొన్నారు. ముఖ్యంగా, ప్రేమ్జీని పిలిచి, 'నేను మీ అన్నతో సినిమా చేస్తే, నువ్వు నాతో నటించవద్దు. బదులుగా సినిమాకు సంగీతం అందించాలి' అని చెప్పినట్లు వెల్లడించారు. 'మంకత్తా` మూవీ 2011లో అజిత్ కుమార్ 50వ సినిమాగా విడుదలై ఓ మైలురాయిగా నిలిచింది. ఇందులో విలన్గా అర్జున్, హీరోయిన్లుగా త్రిష, లక్ష్మీ రాయ్, అంజలి, ఆండ్రియా, అలాగే వైభవ్ తదితరులు నటించారు.
కల్ట్ క్లాసిక్గా అజిత్ మూవీ
ఈ చిత్రానికి యువన్ శంకర్ రాజా సంగీతం అందించారు. ఆయన సంగీతం, ముఖ్యంగా సినిమా థీమ్ మ్యూజిక్, అభిమానుల నుండి భారీ స్పందనను పొందింది. ఇప్పటికీ 'మంకత్తా' సినిమా అభిమానుల ఫేవరెట్ జాబితాలో ఉంది. రీ-రిలీజ్లోనూ ఈ సినిమా మంచి వసూళ్లు సాధించి, తన క్రేజ్ను మరోసారి నిరూపించుకుంది. మొత్తంగా, ఈ సినిమా కేవలం కమర్షియల్ హిట్గా మాత్రమే కాకుండా, తమిళ ఇండస్ట్రీలో కల్ట్ క్లాసిక్గా నిలిచిపోయింది.
