హోస్ట్ గా ఆహా అనిపించబోతున్న విక్టరీ వెంకటేష్.. బుల్లితెర బాటపడుతున్న స్టార్ హీరోలు
వరుసగా స్టార్ హీరోలంతా బుల్లి తెర చేరుతున్నారు. ఇప్పటికే చాలా మంది స్టార్స్ స్మాల్ స్క్రీన్ పై హోస్ట్ లు గా సత్తా చాటుకున్నారు. ఇప్పుడు విక్టరీ వెంకటేష్(Venkatesh) కూడా డిజిటల్ స్క్రీన్ పై సందడి చేయబుతన్నారు.
టాలీవుడ్ స్టార్ హీరోలంతా వరుసగా బుల్లితెరకు చేరుతున్నారు. ఒకప్పుడు స్మాల్ స్క్రీన్ అంటే చిన్న చూపు ఉండేది. కాని డిజిటల్ స్క్రీన్ స్టార్స్ కు ఇప్పుడు బాగా వర్కౌట్ అవుతుంది. ఇమేజ్ ,స్టార్ డమ్ కూడా పెరుగుతుండటంతో.. సూపర్ స్టార్స్.. మెగాస్టార్స్ అంతా బుల్లితెర బాటపడుతున్నారు. ఎన్టీఆర్,నాగార్జున.. చిరంజీవి.. రీసెంట్ గా బాలయ్య.. ఇప్పుడు వెంకటేష్ కూడా స్మాల్ స్క్రీన్ పై హడావిడి చేయబోతున్నాడు.
టాలీవుడ్ లో హీరోగా తనకంటూ గుర్తింపు తెచ్చుకున్న ఫ్యామీలీ స్టార్ వింక్టరీ వెంకటేష్ (Venkatesh). తన మార్క్ సినిమాలతో సందడి చేసిన వెంకటేష్ ఇప్పటి వరకూ బుల్లి తెరమీద కనిపించలేదు. ఏవో అడ్వటైజ్ మెంట్స్ చేయడం తప్పించి స్మాల్ స్క్రీన్ టచ్ చేసింది లేదు. ఇక త్వరలో ఆ ముచ్చట తీరబోతున్నట్టు తెలుస్తోంది. ఇప్పటికే బాలయ్య బాబుతో అన్ స్టాపబుల్ షోను సక్సెస్ ఫుల్ గా రన్ చేస్తున్న ఆహా.. విక్టరీ వెంకటేష్ (Venkatesh)తో మరో షోను ప్లాన్ చేస్తున్నట్టు తెలుస్తోంది. ఇప్పటికే రానా నాయుడు వెబ్ సిరీస్ చేస్తున్నాడు వెంకటేష్ (Venkatesh). రానా (Rana) కూడా ఇందులో వెంకీతో స్క్రీన్ శేర్ చేసుకున్నాడు. మరి హోస్ట్ గా వెంకీ ఎలా ఉంటాడో చూడాలి.
హోస్ట్ గా స్మాల్ స్క్రీన్ ను దడదడలాడిస్తున్నాడు నటసింహం బాలకృష్ణ (Balakrishna). బాలయ్య ఏంటీ టాక్ షో చేయడం ఏంటీ అని అందరూ ఆశ్చర్య పోయారు. ఆహా వారు కూడా చాలా షోలు ప్లాన్ చేసి.. అవి వర్కౌట్ కాకపోవడంతో.. బాలయ్య( Balakrishna ) తో అన్ స్టాపబుల్ స్టార్ట్ చేశారు. కాని అన్ స్టాపబుల్(Unstoppable) షో.. అదిరిపోయే రెస్పాన్స్ తో దూసుకుపోతోంది. అన్ స్టాపబుల్ షోలో గెస్ట్ లుగా వచ్చిన టాలీవుడ్ స్టార్స్ తో ఓ ఆట ఆడుకుంటున్నాడు బాలయ్య బాబు. భారీ రేటింగ్ తో దూసుకుపోతున్న షోలో బాలయ్య అల్లరికి ఫ్యాన్స్ దిల్ ఖుష్ అవుతున్నారు. రీసెంట్ గా అఖండా సూపర్ హిట్ జోషల్ లో ఉన్నాడు బాలయ్య ( Balakrishna ). అన్ స్టాపబుల్(Unstoppable) ద్వారా వచ్చే రెమ్యూనరేషన్ కూడా కాన్సర్ పేషంట్స్ కు విరాళం ఇస్తున్నట్టు తెలుస్తోంది.
అటు గత మూడు ఏళ్లుగా.. మూడు బిగ్ బాస్(Big Boss) తెలుగు సీజన్లను సక్సెస్ ఫుల్ గా రన్ చేశాడు కింగ్ నాగార్జున(Nagarjuna). నిజానికి తెలుగు బిగ్ బాస్ అంటే నాగార్జునానే అన్నట్టు ఫిక్స్ అయిపోయారు జనాలు. ఆ తరువాత సీజన్లు కూడా నాగార్జునానే (Nagarjuna) హోస్టింగ్ చేసే అవకాశం ఉన్నట్టు తెలుస్తోంది. నిజానికి యాంకరింగ్ నాగ్ కు కొత్తేం కాదు. గతంలో మీలో ఎవరు కోటీశ్వరుడు షోను సూపర్ సక్సెస్ ఫుల్ గా నడిపించి చూపించాడు నాగ్. ఇప్పుడు అదే కాన్పిడెంట్ తో బిగ్ బాస్ ను కూడా భారీ రేటింగ్ తో నడిపిస్తున్నాడు.
యంగ్ టైగర్ ఎన్టీఆర్(NTR) దూకుడు ఎలా ఉంటుందో ప్రత్యేకంగా చెప్పాల్సిన అవసరం లేదు. అసలు తెలుగులో బిగ్ బాస్ సీజన్ కు స్టార్టింగ్ హోస్ట్ ఆయనే. ఫస్ట్ సీజన్ ను ఏ రేంజ్ లో సక్సెస్ చేశారో అందరికి తెలిసిన విషయమే. ఆతరువాత ఎందుకో బిగ్ బాస్ జోలికి వెళ్లలేదు తారక్. కాకపోతే రీసెంట్ గా మీలో ఎవరు కోటీశ్వరుడు షోను ఎవరు మీలో కోటీశ్వరుడు అనే చిన్న టైటిల్ ఛేంజ్ తో రీ స్టార్ట్ చేయగా.. ఆ షోను సక్సెస్ ఫుల్ గా హోస్టింగ్ చేశారు ఎన్టీఆర్(NTR). అటు ట్రిపుల్ ఆర్(RRR) హాడావిడి చూసుకుంటూనే.. ఇటు షోను పరుగులు పెట్టించాడు.
మెగాస్టార్ చిరంజీవి(Chiranjeevi) లాంటి సెలబ్రెటీ కూడా బుల్లితెర మోజు తీర్చుకున్నారంటే.. స్మాల్ స్క్రీన్ మ్యానియా ఎంత ఉందో అర్ధం చేసుకోవచ్చు. నాగార్జున(Nagarjuna) తరువాత ఎవరు మీలో కోటీశ్వరుడు తరువాత సీజన్ ను హోస్ట్ చేశారు మెగాస్టార్ చిరంజీవి(Chiranjeevi). నాగార్జున కంటే హోస్టింగ్ లో తానేమి తక్కువ కాదు అని నిరూపించుకున్నారు మెగాస్టార్.
టాలీవుడ్ లో మరో యంగ్ స్టార్ హీరో.. నేచురల్ స్టార్ నానీ(Nani) కూడా ఒక టైమ లో హోస్ట్ అవతారం ఎత్తారు. ఎన్టీఆర్ తరువాత బిగ్ బాస్(Big Boss) తెలుగు సీజన్ 2ను హోస్ట్ చేశారు నాని. షోను సక్సెస్ ఫుల్ గానే నడిపించినా.. సోషల్ మీడియాలో మాత్రం చాలా ట్రోల్స్ ను ఫేస్ చేశారు నాని. ఆతరువాత ఆయన యాంకరింగ్ జోలికి వెళ్లలేదు.
నెంబర్ వన్ యారీ షోతో టాలీవుడ్ స్టార్ రానా(Rana) యాంకర్ గా మారారు. చాలా సీజన్లను.. ఆయన సక్సెస్ ఫుల్ గా షోను రన్ చేశారు. యంగ్ స్టార్స్ తో రానా ఓ ఆట ఆడుకున్నారు. టైమ్ ను బట్టి.. పరిస్థితిని బట్టి నెంబర్ వన్ యారి సీజన్స్ ను మార్చుకుంటూ.. అప్ డేట్ చేసుకుంటూ.. వెళ్తున్నారు