- Home
- Entertainment
- Venkatesh First Heroine: 100 సినిమాల్లో నటించిన వెంకటేష్ హీరోయిన్, అంత్యక్రియలకు డబ్బులు లేని దీన స్థితిలో మరణం, ఎవరామె?
Venkatesh First Heroine: 100 సినిమాల్లో నటించిన వెంకటేష్ హీరోయిన్, అంత్యక్రియలకు డబ్బులు లేని దీన స్థితిలో మరణం, ఎవరామె?
విక్టరీ వెంకటేష్ ఫస్ట్ హీరోయిన్, 100 సినిమాల్లో నటించిన తార, లక్షల్లో రెమ్యునరేషన్, కోట్లలో ఆస్తులు సంపాదించిన నటి, చివరకు అత్యక్రియలకు కూడా డబ్బులు లేక హీరో సహాయంతో స్మశానానికి చేరిన తార ఎవరో తెలుసా?
ఇండస్ట్రీలో వెలుగు వెలిగిన హీరోయిన్
సినీతారల జీవితాలు వెండితెరపై చూపించినంత అందంగా ఉండవు. పేరుకి లగ్జరీ లైఫ్, లోపల ఎన్ని ప్రాబ్లమ్స్ ఉన్నా బయటకు కనిపించవు. లక్షల్లో రెమ్యునరేషన్, కోట్లలో ఆస్తులు సంపాదించని తారలు కూడా.. చివరకు దిక్కులేకుండా మరణించిన సందర్భాలు ఉన్నాయి.
తెలుగు సినీ పరిశ్రమలో అటువంటి తారలు చాలామంది ఉన్నారు. వెంకటేష్, బాలకృష్ట లాంటి స్టార్ హీరోల జతగా నటించిన ఓ హీరోయిన్ చివరకు చిన్న వయసులోనే మరణిస్తే.. అంత్యక్రియలు చేయడానికి కూడా డబ్బులు లేక ఆమె కుటుంబం ఇబ్బందులు పడింది. ఇంతకీ ఆ హీరోయిన్ ఎవరో కాదు అశ్విని.
100 సినిమాల్లో నటించిన అశ్విని..
అశ్విని అచ్చతెలుగు నటి. నెల్లూరులో పుట్టి పెరిగింది. భక్త ధ్రువ సినిమాతో చైల్డ్ ఆర్టిస్ట్గా ఇండస్ట్రీలో కెరీర్ స్టార్ట్ చేసింది. ఆతరువాత చదువుకోసం గ్యాప్ ఇచ్చి.. కొన్ని సంవత్సరాల తరువాత మళ్లీ హీరోయిన్ గా రీ ఎంట్రీ ఇచ్చింది. టాలీవుడ్ లో వెంకటేష్ ఫస్ట్ మూవీ కలియుగ పాండవులు సినిమాలో హీరోయన్ గా అశ్విని నటించింది. తెలుగులో , బాలకృష్ణ సరసన ‘భలే తమ్ముడు’ వంటి భారీ సినిమాల్లో ఆమె నటించి మెప్పించారు. 1980వ దశకం నుంచి తెలుగు, తమిళ భాషల్లో ఆమె సుమారు 100కు పైగా సినిమాల్లో నటించి స్టార్ హీరోయిన్ గా వెలుగు వెలిగింది.
భర్త చేతిలో మోసపోయిన హీరోయిన్
తెలుగు, తమిళ భాషల్లో హీరోయిన్ గా దూసుకుపోయింది అశ్విని. ఆమె కెరీర్ మంచి ఫామ్ లో ఉండగా.. ప్రేమించి పెళ్లి చేసుకుంది. పెళ్లి తరువాత అశ్విని జీవితం పూర్తిగా మారిపోయింది. పెళ్లి చేసుకున్న వ్యక్తి ఆమెను మోసం చేశారు. అశ్విని ఆస్తులు, డబ్బు తీసుకుని ఇబ్బందులు పెట్టాడు. దాంతో ఆర్థికంగా, మానసికంగా కృంగిపోయిన అశ్విని, ఆ ఒత్తిడిని భరించలేకపోయింది. ఒంటరితనంతో ఇబ్బంది పడింది. డిప్రెషన్ లోకి వెళ్లి సినిమాలు చేయడం మానేసింది.
ఆర్ధికంగా చితికిపోయిన తార..
కొంత కాలానికి తేరుకన్నా.. అప్పటికే జరగవలసిన నష్టం జరిగిపోయింది. అప్పటి వరకూ వచ్చిన అవకాశాలు ఆగిపోయాయి. అయినా సరే ఒంటరిగా బ్రతకలేక కార్తీక్ అనే పిల్లాడిని దత్తత తీసుకుని పెంచుకుంది. వెండితెరపై అవకాశాలు తగ్గడంతో బుల్లితెర వైపు అడుగులు వేసింది అశ్విని. కొన్ని సీరియల్స్ లో నటించింది. కానీ మునుపటి వైభవం మాత్రం సాధించలేకపోయింది.
45 ఏళ్ల చిన్న వయసులో మరణం..
హీరోయిన్ గా స్టార్ డమ్, కోట్లలో సంపాదించినా.. ఆ డబ్బు మొత్తం పోగొట్టుకుని కటిక పేదరికంలోకి వెళ్లిపోయింది అశ్విని. దానికి తోడు అనారోగ్యం వెంటాడటంతో ఉన్న కొంత డబ్బు ట్రీట్మెంట్ కు అయిపోయింది.
అయినా డబ్బు సరిపోకపోవడంతో చెన్నైలో ఆమెకు మిగిలిన ఏకైక ఆస్తి ఆమె ఇంటిని కూడా అమ్మేసి వైద్యం చేయించుకుంది. లంగ్ క్యాన్సర్ తో ఇబ్బంది పడ్డ అశ్విని.. 45 ఏళ్ల చిన్న వయసులో చెన్నైలోని ఒక అద్దె ఇంట్లో కన్నుమూసింది. అప్పటికే ఆమె కుటుంబం పేదరికంతో ఇబ్బందిపడుతున్నారు.
అత్యక్రియలకు సహాయం చేసిన హీరో..
100 సినిమాలు చేసిన హీరోయిన్, లక్షల్లో రెమ్యునరేషన్, కోట్లలో ఆస్తులు సంపాదిచిన అశ్విని.. చివరకు మరణించిన తర్వాత పార్థివదేహాన్ని సొంత ఊరైన నెల్లూరుకు తరలించడానికి కూడా కుటుంబం దగ్గర డబ్బు లేక ఇబ్బంది పడ్డారు. అదే సమయంలో తమిళ నటుడు, దర్శకుడు, పార్థిబన్ విషయం తెలుసుకుని వారికి ఆర్థిక సహాయం చేశారు. ఇండస్ట్రీలో గొప్పగా బ్రతికిన ఆమె జీవితం.. చివరకు ఇలా ముగిసింది.
