Ennenno Janmala Bandham: వేదని ఘోరంగా అవమానించిన యష్.. అసలు నిజాన్ని చెప్పి షాకిచ్చిన అభిమన్యు!

Ennenno Janmala Bandham: స్టార్ మాలో ప్రసారవుతున్న ఎన్నెన్నో జన్మల బంధం సీరియల్ ఎంతో ఆసక్తికరంగా కొనసాగుతూ ప్రేక్షకుల హృదయాలని గెలుచుకుంది. భార్యని అపార్థం చేసుకొని దూరం పెట్టాలనుకుంటున్న ఒక భర్త కథ ఈ సీరియల్. ఇక ఈరోజు ఏప్రిల్ 11 ఎపిసోడ్ లో ఏం జరిగిందో చూద్దాం. 

ఎపిసోడ్ ప్రారంభంలో ఈ గిఫ్ట్ కి ఎమోషనల్ వ్యాల్యూ ఏమీ లేదు అంటాడు యష్. ఆ మాటలకి మొదట బాధపడిన వేద తర్వాత సర్దుకొని ఎలా అయితేనేమి నేను ఇవ్వవలసిన గిఫ్ట్ ఆయనకి చేరిపోయింది అనుకుంటూ ఆనందపడుతుంది. అప్పుడే మాళవిక వచ్చి నువ్వు తూర్పున చూస్తుంటే ఆయన పడమర వైపు చూస్తున్నాడు. మీ ఇద్దరి మధ్యన ఏదో పెద్ద గ్యాప్ వచ్చినట్లుగా ఉంది అంటుంది. మేము ఏ దిక్కున చూసినా ఆయనకు నేనే దిక్కు. నా దిక్కు ఆయన అంటుంది వేద. నేను వదిలేసిన మొగుడికి సెకండ్ హ్యాండ్ వైఫ్ వి నువ్వు అంటూ వెటకారంగా మాట్లాడుతుంది మాళవిక. ఎవరో వదిలేస్తే వచ్చిన అదృష్టం కాదు నాది. ఆయనకి నాకు రాసిపెట్టి ఉంది. నా భర్త ఎప్పుడూ గర్వపడే పొజిషన్లోని ఉంటారు ఏడ్చి కుళ్ళుకొనే  పొజిషన్లో కాదు.

అయినా ఈ చెత్త వాగుడు వాగటానికే పిలవని పేరంటానికి వచ్చావా అంటుంది వేద. అంత కర్మ నాకు పట్టలేదు యశోద పిలిస్తేనే వచ్చాను అంటుంది మాళవిక మేము ఇద్దరం విడిపోయిన ఇప్పటికీ మా ఇద్దరి మధ్య ఒక అనుబంధం ఉంది. కలిసి ఉన్నప్పటికీ మీ ఇద్దరి మధ్యన ఆగాధం ఉంది. శరీరాలు కలవని పెళ్లి ఎప్పటికైనా పెటాకులు కాక తప్పదు అంటూ అక్కడ నుంచి వెళ్ళిపోతుంది మాళవిక.మరోవైపు డయాస్ మీద మాట్లాడుతున్న యష్ నా గురించి చక్కగా మాట్లాడారు కానీ నిజం ఏంటంటే కలలు ఎప్పటికీ నిజం కావు, ఒకవేళ అలా జరిగినా వాటిని నాశనం చేయడానికి మన పక్కన ఎవరో ఒకరు ఉంటారు. లైఫ్ ఎప్పుడు ఉజ్వలంగా ఉండదు, ఉజ్వల భవిష్యత్తు కోసం మన భవిష్యత్తుని మనం మార్చుకోకూడదు. ఆలోచిస్తే జీవితం మొత్తం చీకటి కలే.

రేపటిని ఎప్పుడూ ఎవరు చూడలేరు. ఇప్పుడు కూడా నాదేమీ ఉజ్వలమైన భవిష్యత్తు కాదు. నేను ఈ పొజిషన్ కి వచ్చినందుకు నామాజీ భార్యకి థాంక్స్ చెప్తున్నాను క్రెడిట్ మొత్తం ఆమెదే అంటూ అందరికీ షాక్ ఇస్తాడు యష్. ఎందుకు ఇలా చెప్తున్నాను అంటే తను నన్ను ద్వేషించింది, నన్ను వెన్నుపోటు పొడిచింది. జీవితంలో అన్నీ సాఫీగా వెళ్లిపోతున్నాయి అనుకునే టైంలో అనుకోకుండా వచ్చే దుఃఖం  వుందే అదే మనల్ని ముందుకి వెళ్ళటానికి ధైర్యాన్ని ఇస్తుంది. నా విషయంలో కూడా అదే జరిగింది. వెన్నుపోటు పొడవడం చూశాను ఒకసారి కాదు రెండుసార్లు చూశాను. చాలా బాధపడ్డాను. ఆరేళ్ల క్రితం నాకు చేయవలసింది చేయకుండా ఉంటే అసలు నేను ఇక్కడ దాకా వచ్చేవాడినే కాదు. నన్ను నేను తెలుసుకోవటానికి నన్ను రుజువు చేసుకోవడానికి మంచి అవకాశం అయింది ఇదంతా నీ వల్లే మాళవిక అంటాడు యష్.

నేను కొంచెం సైడ్ ట్రాక్ లోకి వెళ్లినట్లుగా ఉన్నాను అంటూ మీరందరూ నాకు అండగా ఉండాలని ఆశిస్తున్నాను ఎందుకంటే నేను ఎవరి మీద అయితే ఆశలు పెట్టుకుంటానో వాళ్ళు నన్ను మోసం చేస్తూనే ఉంటారు, నన్ను విడిచి వెళ్ళిపోతున్నారు నేను మాత్రం నాకు ఇచ్చిన పొజిషన్ ని వదులుకోను అంటూ స్పీచ్ ముగిస్తాడు యష్. ఆ మాటలకి కన్నీరు పెట్టుకుంటుంది వేద. ఇంటెన్షనల్ గా వేదని ఏడిపిస్తున్నావు నీకు జీవితాన్ని గిఫ్ట్ గా ఇచ్చిన వేదికి నువ్వు ఇచ్చే రిటర్న్ గిఫ్ట్ ఇదా ఇట్స్ వెరీ రాంగ్ అండ్ బాడ్  అనుకుంటాడు విన్ని. బాధతో ఏడుస్తూ అక్కడినుంచి వెళ్ళిపోతుంది వేద. ఆమె వెనకే వస్తాడు విన్ని. బయటికి వచ్చిన తర్వాత ఆయన అలా మాట్లాడే ముందు నేను బాధ పడతానని ఆలోచించరా? అందరి ముందు ఇన్సల్ట్ చేసి హార్ట్ చేశారు అనుకుంటుంది.

అంతలోనే మా బాబుకి బాగోలేదు అంటూ ఒక పేషెంట్ ఫోన్ చేయటంతో అక్కడ నుంచి వెళ్ళిపోతుంది విన్ని పిలిచినా వినిపించుకోదు. మరోవైపు యష్ కి కంగ్రాట్స్ చెప్తాడు అభి. నా చేతిలో ఓడిపోయానని బాగా కుళ్ళుకుంటున్నట్లు ఉన్నావు అంటాడు యష్. ఆడదాన్ని అడ్డం పెట్టుకొని గెలిచిన గెలుపు ఒక గెలుపేనా అంటాడు అభి. ఏం మాట్లాడుతున్నావు అంటాడు యష్. లోకమంతా కోడై కూస్తుంది నీ ప్రెసిడెంట్ పోస్టు నీకు క్రెడిట్ ఏమీ కాదు నీ భార్యకి విభిన్న అటాచ్మెంట్ వల్ల అంటాడు అభిమన్యు. పిచ్చి మాటలు మాట్లాడితే చంపేస్తాను అంటూ అభి కాలర్ పట్టుకుంటాడు యష్. నీ కన్నా నేను సీనియర్ ని కన్నా ఎక్కువ సర్కిల్ నాకు ఉంది అయినా నువ్వే ఎందుకు గెలిచావో తెలుసా ఢిల్లీ లెవెల్ లోవిన్ని కి ఉన్న ఇన్ఫ్లుయెన్స్ వల్ల.

అతను నీకు సపోర్ట్ చేయడానికి నీకేమైనా చైల్డ్హుడ్ ఫ్రెండా, లేకపోతే మీ ఇద్దరికీ మధ్య ఏమైనా ఎఫైర్ ఉందా.. నీ లైఫ్ ఎప్పుడు ఇంతే నామీద నువ్వు ప్రొఫెషనల్ గా గెలిచి ఉండొచ్చు కానీ పర్సనల్ లైఫ్ లో నా ముందు నువ్వు బోర్లా పడిపోయావు. యాటిట్యూడ్ బాడీలో కాదు బ్రెయిన్ లో ఉండాలి అంటాడు అభి.తరువాయి భాగంలో బాధపడుతూ కూర్చున్న యష్ దగ్గరికి వచ్చి నిన్ను చంపేసిన మాళవిక గుర్తొచ్చింది కానీ నీకు లైఫ్ ఇచ్చిన వేద వదిన గుర్తుకు రాలేదా అంటూ చివాట్లు పెడతాడు వసంత్.