OTT: ఉస్తాద్‌, హరిహర, గేమ్‌ ఛేంజర్‌, ఫ్యామిలీస్టార్‌, తమ్ముడు, కంగువా, కాంతార ఓటీటీ ప్లాట్‌ ఫామ్‌ ఫిక్స్..

ప్రస్తుతం సినిమాలకు ఓటీటీలు చాలా పెద్ద అసెట్‌గా మారుతున్నాయి. ఓటీటీ రేట్స్ భారీగా పలుకుతున్నాయి. చిన్న సినిమాలను ఓటీటీ సంస్థలు కొనడం తగ్గిస్తూ, పెద్ద సినిమాల విషయంలో పోటీ పడుతున్నాయి. తాజాగా పవన్‌ కళ్యాణ్‌ నటిస్తున్న `ఉస్తాద్‌ భగత్‌ సింగ్‌`, `హరిహరవీరమల్లు`, రామ్‌చరణ్‌ `గేమ్‌ ఛేంజర్‌`, విజయ్‌ దేవరకొండ `ఫ్యామిలీ స్టార్‌`, నితిన్‌ `తమ్ముడు`, అనుష్క `ఘాతి`, సూర్య `కంగువా`, రిషబ్‌ శెట్టి `కాంతార 2` చిత్రాల ఓటీటీలు ఫైనల్‌ అయ్యాయి. వీటిని ప్రైమ్‌ వీడియోస్‌ దక్కించుకోవడం విశేషం. 

SURVEY:వచ్చే పార్లమెంట్‌ ఎన్నికల్లో ఏ పార్టీ గెలుస్తుందని భావిస్తున్నారు. మీ అభిప్రాయం తెలపండి?

అమెజాన్‌ ప్రైమ్‌ ఈ మేరకు మంగళవారం భారీగా ఈవెంట్‌ నిర్వహించారు. ఇందులో తాము తీసుకున్న సినిమాలను ప్రకటించింది. సుమారు 70 సినిమాలను అధికారికంగా ప్రకటించింది. తెలుగు, హిందీ, తమిళం, కన్నడ, మలయాళంలో సుమారు 70 సినిమాలు, వెబ్‌ సిరీస్‌లు, ఓటీటీ ఫిల్మ్స్ ని ప్రకటించింది. ఇందులో పవన్‌ కళ్యాణ్‌ నటించిన రెండు సినిమాలుండటం విశేషం. 
 

పవర్‌ స్టార్‌ పవన్‌ కళ్యాణ్‌ ప్రస్తుతం `ఉస్తాద్‌ భగత్‌ సింగ్‌`, `హరిహర వీరమల్లు`, `ఓజీ` చిత్రాల్లో నటిస్తున్నారు.ఇందులో `హరిహర`, `ఉస్తాద్‌` చిత్రాల ఓటీటీ హక్కులను అమెజాన్‌ ప్రైమ్‌ సొంతం చేసుకుంది. హరీష్‌ శంకర్‌ దర్శకత్వంలో `ఉస్తాద్‌ భగత్‌ సింగ్‌` రూపొందుతుంది. నేడు ఈ మూవీ నుంచి కొత్త టీజర్‌ని విడుదల చేయగా, అది ఆకట్టుకుంటుంది. దీంతోపాటు క్రిష్‌ దర్శకత్వంలో `హరిహర వీరమల్లు` మూవీ రూపొందుతుంది. ఇది షూటింగ్‌ నిలిచిపోయిన విషయం తెలిసిందే. 
 

ఇక రామ్‌ చరణ్‌ `గేమ్‌ ఛేంజర్‌`ని కూడా ప్రైమ్‌ వీడియోస్‌ ఓటీటీ హక్కులను సొంతం చేసుకుంది. శంకర్‌ దర్శకత్వం వహిస్తున్న ఈ మూవీలో కియారా అద్వానీ హీరోయిన్‌గా నటిస్తుంది. ఇందులో చరణ్‌ ద్విపాత్రాభినయం చేయబోతున్నారు. సీఎంగా, ఐఏఎస్‌ అధికారికగా కనిపించబోతున్నారు. ఈ ఏడాది చివర్లో ఈ మూవీ రాబోతుంది. 
 

అలాగే విజయ్‌ దేవరకొండ మూవీ కూడా ఉంది. ఆయన ప్రస్తుతం `ఫ్యామిలీ స్టార్‌` మూవీలో నటిస్తున్నారు. మృణాల్‌ ఠాకూర్‌ హీరోయిన్‌గా చేస్తున్న ఈ మూవీకి పరశురామ్‌ దర్శకుడు. దిల్‌రాజు నిర్మించే ఈ మూవీ ప్రైమ్‌ వీడియోలో స్ట్రీమింగ్‌ కానుంది. 
 

నితిన్‌ సినిమా కూడా ఇందులో ఉంది. ఆయన వేణు శ్రీరామ్‌ దర్శకత్వంలో ఓ సినిమా చేస్తున్నారు. దీనికి టైటిల్‌ ఫిక్స్ చేశారు. `తమ్ముడు` అనే టైటిల్‌ని ఖరారు చేశారు. ఈ మేరకు ప్రైమ్‌ వీడియోస్‌ తమ జాబితాలోని సినిమాగా దీన్ని విడుదల చేసింది. 
 

మరోవైపు అనుష్క శెట్టి మూవీ కూడా ఉంది. ఆమె ప్రస్తుతం క్రిష్‌ దర్శకత్వంలో ఓ మూవీకి టైటిల్‌ని ఖరారు చేశారు. `ఘాతి` అనే పేరుని నిర్ణయించారు. దీన్ని ప్రైమ్‌ వీడియో సొంతం చేసుకుంది. లేడీ ఓరియెంటెడ్‌ మూవీగా ఇది రూపొందుతుంది. ప్రస్తుతం చిత్రీకరణ దశలో ఉంది. 

తమిళం నుంచి సూర్య మూవీ కూడా ప్రైమ్‌ జాబితాలో ఉంది. ప్రస్తుతం ఆయన `కంగువా` అనే చిత్రంలో నటిస్తున్నారు. భారీ విజువల్‌ వండర్‌గా, యాక్షన్‌ మూవీగా ఇది రూపొందుతుంది. శివ దర్శకత్వం వహిస్తున్నారు. దిశా పటానీ హీరోయిన్‌. బాబీ డియోల్‌ విలన్‌గా నటిస్తున్నారు. ఈ మూవీ టీజర్‌ విడుదలైంది. ఆద్యంతం గూస్‌బంమ్స్ తెప్పించేలా ఉంది. 
 

కన్నడ మూవీ `కాంతార` సంచలన విజయం సాధించిన విషయం తెలిసిందే. దీనికి ప్రీక్వెల్‌ రూపొందుతుంది.రిషబ్‌ శెట్టి తెరకెక్కిస్తున్నారు. ఈ మూవీ ఓటీటీ హక్కులను కూడా అమెజాన్‌ప్రైమ్‌ వీడియో సొంతం చేసుకుంది. ఇలా అన్ని భాషల్లో తాము హక్కులను సొంతం చేసుకున్న సినిమాల జాబితాని రిలీజ్‌ చేసింది అమెజాన్‌ప్రైమ్‌ వీడియో.