విధి విచిత్రం, స్టార్ హీరోతో సినిమా ఆగిపోయింది..ఆయన కొడుకుతో ఇండస్ట్రీ హిట్ కొట్టి చూపించాడు

హీరో సుమన్ తో సినిమా చేసే ఛాన్స్ వచ్చింది. పూరి అదే తొలి చిత్రం. అంతా ఒకే అనుకున్న తర్వాత ఆ మూవీ ఆగిపోయింది. జగపతి బాబుతో చేయాలని ట్రై చేసినా కుదర్లేదు. ఆ తర్వాత సూపర్ స్టార్ కృష్ణ తో ఛాన్స్ వచ్చింది. 

ప్రయత్న లోపం లేకుండా కష్టపడితే సక్సెస్ దక్కుతుందనేందుకు టాలీవుడ్ లో చాలా మంది ఆదర్శంగా నిలిచిన వారు ఉన్నారు. దర్శకులలో కృష్ణ వంశీ, పూరి జగన్నాద్, తేజ లాంటి వారు ఎన్నో ఒడిదుడుకులు ఎదుర్కొని దర్శకులుగా మారారు. వీరిలో పూరి జగన్నాధ్ జీవితం, కెరీర్ అయితే సినిమాటిక్ గా ఉంటుంది. ఊహించని ఎదురుదెబ్బలు ఆయనకి తగిలాయి. 

డైరెక్టర్ కావాలనే కసితో ఆయన ఎన్నో ప్రయత్నాలు చేశారు. యాడ్ షూట్ డైరెక్టర్ గా పనిచేశారు. టివిలో కూడా పనిచేశారు. ఇండస్టీలో కొన్ని పరిచయాలు ఏర్పడ్డాక హీరో సుమన్ తో సినిమా చేసే ఛాన్స్ వచ్చింది. పూరి అదే తొలి చిత్రం. అంతా ఒకే అనుకున్న తర్వాత ఆ మూవీ ఆగిపోయింది. జగపతి బాబుతో చేయాలని ట్రై చేసినా కుదర్లేదు. 

ఆ తర్వాత సూపర్ స్టార్ కృష్ణ తో ఛాన్స్ వచ్చింది. కొంతకాలం పూరి టివి సీరియల్స్ కి పనిచేశారు. పూరి పనితీరుతో నిర్మాత ఐబికె మోహన్ ఫిదా అయ్యారు. ఆయన ఆ సమయంలో కృష్ణ గారితో సినిమా చేయాలని చూస్తున్నారు. దీనితో పూరితో ఒక కథ రెడీ చేయించారు. 

పూరి చెప్పిన కథ కంటే..వివరించిన విధానం కృష్ణకి భలే నచ్చేసిందట. వెరైటీగా చేస్తానని పూరి నమ్మకం కలిగించారు. దీనితో కృష్ణ ఏమాత్రం ఆలోచించకుండా గ్రీన్ సిగ్నల్ ఇచ్చేశారు. సినిమా ప్రారంభం అయింది. థిల్లాన అనే టైటిల్ కూడా ఫిక్స్ చేశారు. అంతలోనే నిర్మాతకి ఆర్థిక ఇబ్బందులు ఎదురయ్యాయి. 

పలుమార్లు షూటింగ్ వాయిదా పడింది. ఇక చివరకి చేసేది లేక ఈ చిత్రాన్ని పూర్తిగా ఆపేశారు. ఆ విధంగా మరోసారి పూరి జగన్నాధ్ కి ఎదురుదెబ్బ తగిలింది. ఆ తర్వాత మరికొంతకాలం పూరి ఇబ్బందులు పడ్డారు. ఈసారి బలంగా కొట్టాలని ఫిక్స్ అయ్యారు. అప్పటికి చిరంజీవి తమ్ముడిగా రైజింగ్ లో ఉన్న పవన్ కళ్యాణ్ తో సినిమా చేయాలని పూరి డిసైడ్ అయ్యారు. 

కానీ పవన్ ని కలిసేందుకు ఒక్క మార్గం కూడా లేదు. అప్పుడే చోట కె నాయుడు తమ్ముడు శ్యామ్ కె నాయుడు గుర్తుకు వచ్చారు. చోటా కె నాయుడు సాయం తీసుకుని పవన్ ని పూరి కలిశారు. మొదట పవన్ కి ఇట్లు శ్రావణి సుబ్రహ్మణ్యం కథ చెప్పాలనుకున్నారు పూరి. కానీ పవన్ కి బద్రి అయితే బావుంటుందని దానిని చెప్పారు. ఆ విధంగా ఈ చిత్రం సెట్ కావడం. మూవీ సూపర్ హిట్ కావడం జరిగింది. ఇక ఆ తర్వాత పూరి కెరీర్ ఎలా టర్న్ అయిందో చెప్పనవసరం లేదు. 

సూపర్ స్టార్ కృష్ణతో మొదలు పెట్టిన సినిమా ఆగిపోయినప్పుడు పూరి బహుశా కలలో కూడా అనుకుని ఉండడేమో.. కృష్ణ గారి అబ్బాయి మహేష్ బాబుతో పోకిరి లాంటి ఇండస్ట్రీ హిట్ సినిమా చేస్తానని. ఆ స్థాయికి చేరుకుంటానని అప్పట్లో పూరి ఊహించి ఉండదు. పూరి కెరీర్ ని నెటిజన్లు గుర్తు చేసుకుంటూ విధి విచిత్రం అలాగే ఉంటుంది.. సూపర్ స్టార్ కృష్ణ తో ఛాన్స్ పోయినా..ఆయన కొడుకు మహేష్ బాబుతో  ఇండస్ట్రీ హిట్ కొట్టే అవకాశం దక్కింది అని అంటున్నారు.