ఉదయ్‌ కిరణ్‌ ఫస్ట్ హీరోయిన్‌ ఫస్ట్ క్రష్‌.. అంత చిన్న ఏజ్‌లోనా.. ఇప్పటికీ మర్చిపోలేకపోతున్న రీమా సేన్‌..

`చిత్రం` సినిమాతో టాలీవుడ్‌కి పరిచయమయ్యారు ఉదయ్‌ కిరణ్‌, రీమా సేన్‌. తేజ దర్శకత్వం వహించిన ఈ మూవీలో దాదాపు చాలా మంది కొత్త వాళ్లనే పరిచయం చేశారు. అలా హీరోహీరోయిన్ కూడా కొత్తవాళ్లే. తొలి చిత్రంతోనే సంచలనంగా మారింది ఉదయ్‌ కిరణ్‌, రీమా సేన్‌ జోడి. 
 

`చిత్రం` మూవీ పెద్ద హిట్‌ అయ్యింది. యూత్‌ని ఉర్రూతలూగించింది. కుర్రకారు ఈ మూవీని ఎగబడి చూశారు. ఓ రకంగా తెలుగు స్టేట్‌ యూత్‌ని పిచ్చెక్కించిందీ మూవీ. సంచలన విజయం సాధించడంతో ఉదయ్‌ కిరణ్‌, రీమా సేన్‌ కూడా స్టార్స్ అయిపోయారు. ఆ తర్వాత `మనసంతా నువ్వే`తో మరోసారి జోడీ కట్టారు, మరో హిట్‌ అందుకుని కెరీర్‌ పరంగా బిజీ అయ్యారు. 
 

ఇదిలా ఉంటే రీమా సేన్‌  తెలుగుతోపాటు తమిళం, హిందీ సినిమాలు కూడా చేసింది. ఇలా మూడు భాషల్లోకి వెళ్లడంతో ఎందులోనూ స్టేబులిటీ లేకుండా పోయింది. కానీ తెలుగులో బాగానే సినిమాలు చేసింది. `సీమ సింహం`, `అదృష్టం`, `వీడే`, `నీతో వస్తా`, `నీ మనసు నాకు తెలుసు`, `అంజి` సినిమాలు చేసింది. ఆ తర్వాత గ్యాప్‌ వచ్చింది. మూడేళ్ల తర్వాత `బంగారం`లో మెరిసింది. `యమగోల మళ్లీ మొదలైంది`, `ముగ్గురు` సినిమాల్లో కనిపించింది. కానీ ఆయాసినిమాలు ఆడలేదు. అటు తమిళం, హిందీలోనూ సినిమాలు చేసింది. అక్కడ కూడా బాగానే ఆకట్టుకుంది. 
 

కానీ 2012 తర్వాత ఆమె సినిమాలకు దూరమయ్యింది. బెంగాలీకి చెందిన రీమా సేన్‌.. వ్యాపారవేత్త శివ కరణ్‌ సింగ్‌ ని మ్యారేజ్‌ చేసుకుంది. దీంతో అప్పట్నుంచి సినిమాలు మానేసి పూర్తిగా ఫ్యామిలీకే పరిమితమయ్యింది. వీరిఇక కొడుకు రుద్రవీర్ జన్మించారు. కానీ ఇటీవల అడపాదడపా సోషల్‌ మీడియాలో యాక్టివ్‌గా ఉంటుంది రీమా సేన్‌. 
 

తాజాగా ఆమెకి సంబంధించిన ఓ ఇంటర్వ్యూ యూట్యూబ్‌లో వైరల్‌ అవుతుంది. ఆమె తన ఫస్ట్ క్రష్‌ గురించి చెప్పిన విషయాలు వైరల్‌ అవుతున్నాయి. స్కూల్‌ టైమ్‌లోనే రీమాకి ఫస్ట్ క్రష్ ఉందట. ఆ సమయంలో ఓ కుర్రాడిని చూసిందట. చూడ్డానికి చాలా ఫెయిర్‌గా ఉన్నాడట. బేసిక్‌గా అలా  ఫెయిర్‌గా ఉన్నవాళ్లు తనకు నచ్చరట. కానీ ఆ అబ్బాయి బాగా నచ్చాడట. అతన్ని అలా చూస్తూ ఉండిపోయిందట. 
 

ఓ సారి పార్టీలో కనిపించాడట. రెడ్‌ షర్ట్, బ్లాక్‌ జాకెట్‌ ధరించి ఉన్నాడట. అతన్ని చూసి పడిపోయినట్టు తెలిపింది. అయితే ఫేస్‌ గుర్తు లేదు కానీ, అతను లుక్‌, వేసుకున్న డ్రెస్‌ గుర్తుందని, ఆ విజువల్స్ ఇప్పటికీ మర్చిపోలేను అని తెలిపింది రీమా సేన్‌. కొన్నాళ్ల క్రితం `సాక్షి`కి ఇచ్చిన ఇంటర్వ్యూలో ఆమె ఈ విషయాలు చెప్పింది. ఇప్పుడు ట్రెండింగ్‌లోకి రావడం విశేషం.