TVK పార్టీ జెండాను ఆవిష్కరించిన విజయ్ దళపతి... రంగు ఏంటి ..? చిహ్నం ఏంటో తెలుసా?

తమిళగ వెట్రి కజగం పార్టీ జెండాను నటుడు విజయ్ ఆవిష్కరించి, ప్రత్యేక గీతాన్ని కూడా విడుదల చేశారు.

థళపతి విజయ్

తమిళగ వెట్రి కజగం పార్టీ అధ్యక్షుడు విజయ్ ఈరోజు ఆ పార్టీ జెండాను ఆవిష్కరించారు. దేశమంతటా మన జెండా ఎగురుతుంది, తమిళనాడు ఇకముందు గొప్పగా ఉంటుందని ప్రకటనలో పేర్కొన్న విజయ్, జెండాను ఆవిష్కరించారు.  ఈ సందర్భంగా ఆయన పార్టీ ప్రత్యేక గీతాన్ని కూడా ఆవిష్కరించారు. తమన్  సంగీతం అందించిన  ఈ పాటకు సాహిత్యం రచయిత వివేక్ అందించారు.

TVK పార్టీ

చెన్నై పనయూర్‌లోని తమిళగ వెట్రి కజగం కార్యాలయంలో ఈ జెండా ఆవిష్కరణ వేడుక జరిగింది. దీనికి తమిళనాడు అంతటా నుండి 250 మందికి పైగా కీలక నాయకులను ఆహ్వానించారు. అక్కడికి వచ్చిన నాయకులకు ఉదయం అల్పాహారంతో పాటు  మధ్యాహ్న భోజనాలు కూడా ఏర్పాటు చేశారు. ఈ కార్యక్రమంలో నటుడు విజయ్ తల్లిదండ్రులు ఎస్.ఎ.చంద్రశేఖర్ మరియు శోభ కూడా పాల్గొన్నారు.

TVK జెండా ఆవిష్కరణ

నటుడు విజయ్ పార్టీ కార్యక్రమంలో ఆయన తల్లిదండ్రులు పాల్గొనడం ఇదే తొలిసారి. అయితే విజయ్ భార్య సంగీత ఈ కార్యక్రమానికి గైర్హాజరయ్యారు. తెల్ల చొక్కా ధరించి ఈ జెండా ఆవిష్కరణ వేడుకకు హాజరయ్యారు నటుడు విజయ్. వేదికకు వచ్చిన వెంటనే మొదటగా తన తల్లిదండ్రులను కలిసి ఆశీర్వాదం తీసుకున్నారు నటుడు విజయ్.

TVK జెండా

విజయ్ ఆవిష్కరించిన తమిళగ వెట్రి కజగం జెండాలో ఎరుపు ,  పసుపు రంగులు ఉన్నాయి. అంతేకాకుండా అందులో రెండు ఏనుగులు, మధ్యలో వాగై పువ్వు కూడా ఉన్నాయి. జెండా ఆవిష్కరణ అనంతరం తమిళగ వెట్రి కజగం పార్టీ  జెండాను ఎగురవేశారు థళపతి విజయ్. ఆ సమయంలో నాయకులు దళపతి అంటూ నినాదాలు చేశారు.