సెకండ్ హాఫ్ నచ్చలేదు, మూవీ రిజెక్ట్ చేద్దామనుకున్న ప్రభాస్, కానీ జరిగింది మరొకటి!

ప్రభాస్ కి ఓ దర్శకుడు చెప్పిన కథ నచ్చలేదట. సెకండ్ హాఫ్ బాగోలేదు. ప్రాజెక్ట్ రిజెక్ట్ చేద్దామని అనుకున్నాడట. కానీ ఆ మూవీ చేశాడట. ఇంతకీ ఆ మూవీ ఏంటి? ఇంతకీ హిట్టా ఫట్టా?  

కెరీర్ బిగినింగ్ లో ప్రభాస్ మాస్ యాక్షన్ ఎంటర్టైనర్స్ చేశారు. ప్రభాస్ కి మొదటి విజయం అందించిన వర్షం లో కూడా యాక్షన్ డోస్ ఎక్కువగానే ఉంటుంది. అదే సమయంలో ఎమోషనల్ లవ్ డ్రామా సైతం సినిమాకు ప్రధాన బలం. ఛత్రపతి మూవీ ప్రభాస్ ని పూర్తి స్థాయి మాస్ హీరోగా నిలబెట్టింది. భారీ ఫ్యాన్  బేస్ తెచ్చిపెట్టింది. 

అయితే ప్రభాస్ ని ఫ్యామిలీ ఆడియన్స్ కి దగ్గర చేసిన చిత్రాలు మాత్రం డార్లింగ్, మిస్టర్ పర్ఫెక్ట్, మిర్చి అని చెప్పాలి. డార్లింగ్ అనంతరం అమ్మాయిల్లో ప్రభాస్ కి క్రేజ్ పెరిగింది. ప్రభాస్ కి లేడీ ఫాలోయింగ్ తెచ్చిపెట్టిన చిత్రాల్లో మిస్టర్ పర్ఫెక్ట్ సైతం ఒకటి. ఈ చిత్రానికి దశరధ్ దర్శకుడు. దిల్ రాజు నిర్మించారు. కాగా మిస్టర్ పర్ఫెక్ట్ సినిమా ప్రభాస్ చేయాల్సింది కాదట. ఆ ప్రాజెక్ట్ ఆయన రిజెక్ట్ చేద్దామని అనుకున్నాడట. 

ఈ విషయాన్ని నిర్మాత దిల్ రాజు ఓ ఇంటర్వ్యూలో స్వయంగా వెల్లడించారు. దిల్ రాజు మాట్లాడుతూ... స్టోరీ లైన్ చెప్పినప్పటి నుండి డైరెక్టర్ దశరధ్ తో నేను ట్రావెల్ అయ్యాను. ప్రభాస్ మలేషియాలో ఉన్నాడు. అక్కడ బిల్లా షూటింగ్ జరుగుతుంది. ప్రభాస్ ని కలిసి కథ వినిపించాము. ఆయనకు ఫస్ట్ హాఫ్ బాగా నచ్చింది. సెకండ్ హాఫ్ మాత్రం నచ్చలేదు. అదే విషయం చెప్పాడు. 

ఓకే మీరు హైదరాబాద్ వచ్చాక ఆఫీస్ కి రండి. సెకండ్ హాఫ్ పై కసరత్తు చేస్తాము, అని ప్రభాస్ కి చెప్పాను. సరే నేను హైదరాబాద్ వచ్చాక కలుస్తాను అన్నాడు. ఆఫీస్ కి బయలు దేరే ముందే మనసులో నెగిటివ్ థాట్ తో వచ్చాడు ప్రభాస్. అంటే ఈ ప్రాజెక్ట్ నేను చేయను అని చెప్పాలి, అని మనసులో అనుకున్నాడట. అయితే కథ మరోసారి విన్నాక ప్రభాస్ ఓకే చెప్పేశాడు. 

నేను ఖచ్చితంగా ఈ ప్రాజెక్ట్ చేయను అని చెప్పాలి అనుకుంటూ వచ్చాను. కానీ నువ్వు ఓకే చెప్పేలా చేశావని ప్రభాస్ ఆశ్చర్యం వ్యక్తం చేశాడు... అని అన్నారు. 2011లో మిస్టర్ పర్ఫెక్ట్ విడుదలై సూపర్ హిట్ టాక్ సొంతం చేసుకుంది. కాజల్ ప్రధాన హీరోయిన్ గా చేసింది. తాప్సి మరొక హీరోయిన్. వద్దనుకున్న ప్రాజెక్ట్ ప్రభాస్ కి హిట్ కట్టబెట్టింది. 

Mister Perfect movie

ఈ మూవీ విషయంలో మరో ఆసక్తికర పరిణామం కూడా చోటు చేసుకుందట. కాజల్ పాత్ర రకుల్ ప్రీత్ సింగ్ చేయాల్సిందట. కొన్ని రోజులు రకుల్ షూటింగ్ లో కూడా పాల్గొంది. దిల్ రాజు ఆమెను మధ్యలో తొలగించాడట. ప్రభాస్ మూవీ నుండి కనీస సమాచారం కూడా ఇవ్వకుండా తొలగించారని ఇటీవల రకుల్ ప్రీత్ సింగ్ తీవ్ర అసహనం వ్యక్తం చేసింది. 

రకుల్ వ్యాఖ్యలపై దిల్ రాజు క్లారిటీ ఇచ్చారు. రషెస్ చూశాక నాకు సంతృప్తిగా అనిపించలేదు. రకుల్ ప్రీత్ చాలా సన్నగా ఉంది. సినిమా మీద ప్రతికూల ప్రభావం పడుతుందనే సందేహం కలిగింది. నీకు సినిమా బాగా రావడమే ముఖ్యం. రకుల్ ని తీసేసినందుకు నాకు కూడా బాధేసింది.  అందుకే రకుల్ స్థానంలో కాజల్ ని తీసుకున్నాము. ఆల్రెడీ కాజల్ తో డార్లింగ్ చేస్తున్నానని ప్రభాస్ అన్నాడు. ఈ కథ వేరు. కాజల్ కరెక్ట్ అని నేను ఒప్పించాను, అని దిల్ రాజు అన్నారు. 

Rakul Preeth Singh

రకుల్ కి మరలా ప్రభాస్ కి జంటగా నటించే అవకాశం దక్కలేదు. రకుల్ ప్రీత్ ఫార్మ్ లో ఉన్న సమయంలో ప్రభాస్ పాన్ ఇండియా ప్రాజెక్ట్స్ బిజీ అయ్యారు. దాదాపు ఏడేళ్లలో బాహుబలి, బాహుబలి 2, సాహో చిత్రాలు చేశారు.