Illu Illalu Pillalu April 7 Episode: లారీతో యాక్సిడెంట్ ప్లాన్ చేసిన భాగ్యం, చందుకు బదులు బలైన ప్రేమ

Illu Illalu Pillalu April 7 Episode: ఇల్లు ఇల్లాలు పిల్లలు నేటి ఎపిసోడ్ లో చందుకి యాక్సిడెంట్ చేయించేందుకు భాగ్యం, వల్లి ప్లాను వేస్తారు.  కానీ చందు కు బదులుగా ప్రేమ యాక్సిడెంట్ కి గురవుతుంది. ఇంకా ఎపిసోడ్లో ఏం జరిగిందో తెలుసుకోండి. 

Image Credit : Jio hotstar

భాగ్యం ఇక మారదు

ఇల్లు ఇల్లాలు పిల్లలు నేటి ఎపిసోడ్లో వల్లి చేసిన మోసాన్ని తలుచుకొని చందు చాలా బాధపడతాడు. తప్ప తాగి ఇంటికి వస్తాడు. ఎలాగైనా వల్లిని తీసుకువచ్చి చందును మామూలు మనిషిని చేయాలని ప్రేమ, నర్మద అనుకుంటారు. చందుని వల్లి గురించి రామరాజుకు చెప్పకుండా అడ్డుకుంటారు. భాగ్యం, వల్లి మాత్రం చందుకు యాక్సిడెంట్ చేసి, అతనికి సేవలు చేయడానికి వల్లిని పంపించేందుకు ప్లాన్ వేస్తుంది. అందులో భాగంగానే యాక్సిడెంట్ కూడా ప్లాన్ చేస్తారు.

Image Credit : Getty

లారీతో యాక్సిడెంట్ ప్లాన్

చందుకు యాక్సిడెంట్ ప్లాన్ చేయమని ఒక వ్యక్తికి డబ్బులు ఇస్తారు. లారీతో చందు వెళుతున్న బైక్ ను నెమ్మదిగా ఢీ కొట్టమని చెబుతారు. చెట్టు చాటు నుంచి చందుకు జరిగే యాక్సిడెంట్ చూసేందుకు వెయిట్ చేస్తూ ఉంటారు. ఈ లోపు చందు, ప్రేమ కలిసి బండి మీద వస్తూ ఉంటారు. యాక్సిడెంట్ చేయాలనుకున్న వ్యక్తి దారిలో మేకులను పరుస్తాడు. ఆ మేకులు గుచ్చి చందు బైక్ పంచర్ అవుతుంది. దీంతో ప్రేమ, చందు కిందకు దిగుతారు. చందు బైక్ పక్కన నిల్చుని ఫోన్లో మాట్లాడుతూ ఉంటాడు. ప్రేమ ఓ సైడుకు వెళ్లి నిలుచుని ఉంటుంది. ఇదంతా వల్లి భాగ్యం చూస్తూ ఉంటారు.

Image Credit : Jio hotstar

ప్రేమ త్యాగం

ఈలోపు లారీలో ఉన్న సుపారీ తీసుకున్న వ్యక్తి చందును లారీతో ఢీకొట్టేందుకు వేగంగా వస్తూ ఉంటాడు. అది ప్రేమ చూస్తుంది. చూసి వెంటనే వెళ్లి చందును పక్కకు లాగి తోసేస్తుంది. కానీ లారీ ప్రేమను గుద్దేస్తుంది. ప్రేమను లారీ గుద్దేయడం వల్లి, భాగ్యం, ఇడ్లీ బాబాయ్ కూడా చూసి షాక్ అవుతారు. ప్రేమకు ఏమైందో అని కంగారు పడతారు. ధీరజ్ అప్పుడే అటుగా బండిమీద వస్తూ ఉంటాడు. ప్రేమ చందును కాపాడి తన ప్రాణాన్ని పణంగా పట్టడం చూస్తాడు. ప్రేమ అని గట్టిగా అరుస్తాడు. ఇక ఈరోజు ఎపిసోడ్ లో ఏమైందో మరికాసేపట్లో మేము అప్డేట్ చేస్తాము.