బిగ్ బాస్ హౌస్లో దమ్ము కొట్టే లేడీ కంటెస్టెంట్స్ ఎవరు? షాకింగ్ నిజాలు బయటపెట్టిన సోనియా!

బిగ్ బాస్ హౌస్లో అమ్మాయిలు కూడా సిగరెట్స్ తాగారు, కానీ అది చూపించరని ఎలిమినేట్ అయిన సోనియా వెల్లడించింది.  

ఒక అమ్మాయి ప్రెషర్ లో ఉన్నప్పుడు సిగరెట్ తాగుతాను అంటే, వద్దని నేను ఆపానని సోనియా అన్నారు. బిగ్ బాస్ షోలో సిగరెట్స్ తాగుతున్న ఆ లేడీ కంటెస్టెంట్స్ ఎవరనే చర్చ మొదలైంది. 

బిగ్ బాస్ తెలుగు సీజన్ 8 కంటెస్టెంట్స్ లో సోనియా ఆకుల ఒకరు. హౌస్లో మొదటి వారం అడుగుపెట్టింది. అయితే నాలుగు వారాలకే ఆమె జర్నీ ముగిసింది. సోనియా ఆకుల అత్యంత నెగిటివిటీ మూటగట్టుకుంది. సోషల్ మీడియాలో సోనియా ప్రవర్తన పై విమర్శలు వెల్లువెత్తాయి. 

పృథ్విరాజ్, నిఖిల్ లతో సోనియా సన్నిహితంగా ఉండటం ప్రేక్షకులకు నచ్చలేదు. వారితో సోనియా అసభ్యకర బాడీ లాంగ్వేజ్ కి సంబంధించిన వీడియోలు వైరల్ అయ్యాయి. అయితే తమను ఆడియన్స్ తప్పుగా అర్థం చేసుకున్నారు. పృథ్వి, నిఖిల్ తనకు అన్నదమ్ముల లాంటివాళ్లు. ఆ భావంతోనే వాళ్ళిద్దరితో సన్నిహితంగా ఉన్నట్లు సోనియా వెల్లడించారు. 

Bigg boss telugu 8

ప్రస్తుతం సోనియా వరుస ఇంటర్వ్యూలతో బిజీగా గడుపుతోంది. బిగ్ బాస్ నాన్ స్టాప్ కంటెస్టెంట్ యాంకర్ శివ సోనియాను ఇంటర్వ్యూ చేశాడు. నిఖిల్ సిగరెట్లు మానేస్తే ఏదైనా ఇస్తాను అన్నావ్? అసలు ఏమి ఇచ్చే దానివి? అని యాంకర్ శివ అడిగాడు. ఆ ప్రశ్నకు నవ్వేసిన సోనియా.. దాని వెనకున్న నేపథ్యం బయటపెట్టింది. 

వాటర్, చాయ్... ఏది కావాలన్నా నేను పృథ్వి, నిఖిల్ లను అడుగుతూ ఉంటాను. చాయ్ మాత్రం నిఖిల్ ని అడుగుతాను. ఎందుకంటే నిఖిల్ చాయ్ బాగా చేస్తాడు. ఒకరోజు నన్ను వాటర్ తెమ్మని నిఖిల్ అడిగాడు. నేను లేజీగా ఉండి, తెచ్చుకో పోరా అన్నాను. అదే పృథ్వి అడిగితే వెంటనే వెళ్లి తెచ్చేదానివి, నేను అడిగితే మాత్రం చేయవు.. అన్నాడు. 

అప్పుడు నేను నిఖిల్ తో... నువ్వు స్మోకింగ్ మానేయరా, నువ్వు ఏది అడిగినా ఇస్తాను, అన్నాను. నిజానికి వాడు స్మోక్ మానేయలేడు. అయితే నెంబర్ తగ్గించాలి అనుకున్నాడు. నిఖిల్ తో నైనిక అన్ని షేర్ చేసుకునేది. ఆమె నిఖిల్ సిగరెట్లు తెచ్చివ్వడం, ఎక్కువ తాగకుండా చూసేది. కానీ ఇవ్వన్నీ చూపించలేదు. 

కొందరు లేడీ కంటెస్టెంట్స్ కూడా స్మోక్ చేస్తారు. అది మాత్రం చూపించరు. ఓ అమ్మాయి ఒత్తిడిలో సిగరెట్ తాగడానికి సిద్ధమైంది. అనవసరంగా అలవాటు చేసుకోవద్దని నేను ఆపాను... అని సోనియా చెప్పుకొచ్చింది. సిగరెట్ తాగుతానన్న ఆ లేడీ కంటెస్టెంట్ ఎవరని యాంకర్ అడగ్గా.. సోనియా పేరు చెప్పలేదు. 

తన పెళ్ళికి నిఖిల్ కి చైన్, పృథ్వికి ఇయర్ రింగ్స్ ఇస్తానని వారితో చెప్పినట్లు సోనియా వెల్లడించింది. మీ పెళ్లిళ్లకు నాకు ఏం ఇస్తారని సోనియా వాళ్ళను అడిగిందట. ఈ మేరకు తమ మధ్య ఫన్నీ డిస్కషన్ నడిచేదని సోనియా చెప్పుకొచ్చింది. 

ఇక సోనియా ఆకుల కెరీర్ పరిశీలిస్తే... 2019లో విడుదలైన జార్జిరెడ్డి చిత్రంలో హీరో చెల్లి పాత్ర చేసింది. అనంతరం దర్శకుడు రామ్ గోపాల్ వర్మ నిర్మించిన కరోనా వైరస్, దిశా ఎన్కౌంటర్ చిత్రాల్లో ఆమె నటించారు. అత్యంత నెగిటివిటీ మధ్య హౌస్ నుండి బయటకు వచ్చిన సోనియాకు ఆఫర్స్ దక్కుతాయనే గ్యారంటీ లేదు. 

సోనియాకు ఆల్రెడీ మ్యారేజ్ ఫిక్స్ అయ్యిందట. డిసెంబర్ లో ఆమెకు వివాహం జరగాల్సి ఉంది. అత్తమామలు, భర్త అనుమతితో బిగ్ బాస్ షోకి వచ్చినట్లు సోనియా పేరెంట్స్ వెల్లడించారు. బిగ్ బాస్ షో ఎలా ఉంటుందో మాకు తెలుసు. బిగ్ బాస్ ఆదేశాల మేరకే  కంటెస్టెంట్స్ గేమ్ ఆడాలి. సోనియా ప్రవర్తనతో మాకు ఎలాంటి అభ్యంతరం లేదు. 

కానీ ఇరుగుపొరుగు వారు తప్పుగా భావిస్తున్నారు. పృథ్వి, నిఖిల్ లను సోనియా అన్నదమ్ములుగా భావిస్తుంది. కానీ వారి రిలేషన్ ని  చెడుగా చూపిస్తున్నారు. దయచేసి సోనియాను అపార్థం చేసుకోవద్దని.. గతంలో సోనియా పేరెంట్స్ వేడుకున్నారు.  

నోట్: ధూమపానం ఆరోగ్యానికి హానికరం