సోనియాకు పెళ్లి కుదిరిందా, ఆ విషయం దాచి లవ్ అఫైర్స్, ప్లాన్ మొత్తం నాశనం చేసిన పేరెంట్స్!

ప్రతి సీజన్లో ఓ కంటెస్టెంట్ అత్యంత నెగిటివిటీ మూటగట్టుకుంటుంది. తమ గేమ్ కోసం ఇతరులను ట్రాప్ చేయడం, తెలివిగా వాడుకోవడం, ఇతరులకు మర్యాద ఇవ్వకుండా మాట్లాడటం, మాటల్లో చేతల్లో నిజాయితీ లేకపోవడం వంటి లక్షణాలు ఆడియన్స్ కి నచ్చవు. 
 

అగ్రెసివ్ గా ఉన్నప్పటికీ జన్యూన్ గేమ్ ఆడే కంటెస్టెంట్స్ పట్ల పాజిటివ్ గా స్పందిస్తారు. గతంలో తేజస్వి మాడివాడ, శ్రీసత్య, శోభా శెట్టి, రతిక రోజ్ వంటి కంటెస్టెంట్స్ ప్రేక్షకుల నుండి తీవ్ర వ్యతిరేకత ఎదుర్కొన్నారు. ఈ సీజన్ కి సోనియా ఆకుల సోషల్ మీడియాలో నెగిటివిటీ ఫేస్ చేస్తుంది. 

ఈమె చర్యలు విభిన్నంగా ఉంటాయి. పృథ్విరాజ్, నిఖిల్ తో సన్నిహితంగా ఉంటుంది. ఒకరిని చిన్నోడా మరొకరిని పెద్దోడా అంటుంది. వాళ్లతో ఆమె ప్రవర్తించే తీరు ఒకింత ఇబ్బందికరంగా ఉంటుంది. చెప్పాలంటే ఒక ప్రేమికురాలిని తలపించేలా ఆమె బాడీ లాంగ్వేజ్ ఉంటుంది. ఈ క్రమంలో సోనియా...  బిగ్ బాస్ హౌస్లో ప్రేమదేశం మూవీ స్టోరీ రన్ చేస్తుందనే వాదన మొదలైంది. 

ఇదంతా బయటనుండి గమనిస్తున్న సోనియా పేరెంట్స్ మీడియా ముందుకు వచ్చారు. మా అమ్మాయికి ఎలాంటి ఎఫైర్స్ లేవు. ఆమెను తప్పుగా చూపించవద్దంటూ వారు వేడుకున్నారు. సోనియా పేరెంట్స్ మల్లీశ్వరి-చక్రపాణి మాట్లాడుతూ... మా అమ్మాయి బిగ్ బాస్ హౌస్లో గేమ్ బాగా ఆడుతుంది. కానీ కొందరు ఆమెను టార్గెట్ చేస్తూ గేమ్ ఆడుతున్నారు. 

మా అమ్మాయికి ఎలాంటి అఫైర్స్ లేవు. పెళ్లి కూడా కుదిరింది. డిసెంబర్ లో పెళ్లి జరగాల్సి ఉంది. బిగ్ బాస్ ఆఫర్ రావడంతో అత్తమామలు, భర్త అనుమతితో హౌస్లోకి వచ్చింది. బిగ్ బాస్ హౌస్లో రూల్స్ ఎలా ఉంటాయో మాకు తెలుసు. ఆమె గేమ్ పట్ల మాకు, సోనియా అత్తమామలకు ఎలాంటి అభ్యంతరం లేదు. 

కాకపోతే సోనియాను తప్పుగా చూపించడం వలన చుట్టుపక్కల వాళ్ళు అపార్థం చేసుకుంటున్నారు. పృథ్విరాజ్, నిఖిల్ లను సోనియా చిన్నోడు, పెద్దోడు అంటుంది. దానర్థం చిన్న అన్నయ్య, పెద్ద అన్నయ్య అని. లైవ్ లో ఈ విషయం చెప్పింది. కానీ ఎపిసోడ్లో చూపించలేదు. సోనియా నాకు తల్లితో సమానం అని నిఖిల్ చెప్పాడు. అది కూడా చూపించలేదు. 

సోనియాను చాలా వైల్డ్ గా ప్రొజెక్ట్ చేస్తున్నారు. ఆమె తన గేమ్ తాను ఆడుతుంది. మిగతా కంటెస్టెంట్స్ తో కలిసిపోవాలి అనుకుంటుంది. కొందరు ఆమెతో కలవడం లేదు. సోనియాకు ఫ్రెండ్స్ సపోర్ట్ చేస్తున్నారు. ఓట్లు వేయిస్తున్నారు. సన్నిహితులు ఫోన్ చేసి అభినందనలు తెలుపుతున్నారు. మాకు సంతోషంగా ఉంది. మీ సపోర్ట్ కి ధన్యవాదాలు.. అని పేరెంట్స్ వెల్లడించారు. 

సోనియా తల్లిదండ్రుల మాటలతో ఓ విషయం క్లారిటీ వచ్చింది. సోనియాకు ఆల్రెడీ పెళ్లి ఫిక్స్ చేశారట. కాబోయే భర్త  అనుమతితో బిగ్ బాస్ హౌస్లో అడుగుపెట్టింది. కానీ సోనియా మాత్రం ఈ విషయం బయటపెట్టలేదు. హౌస్లో ఎవరితో చెప్పలేదు. 

పెళ్లి కుదిరాక అబ్బాయిలతో సన్నిహితంగా ఉంటే మరింత నెగిటివిటీ వస్తుంది. గేమ్ ఎంత బాగా ఆడినా తేడా కొడుతుంది. అందుకే పెళ్లి విషయం సోనియా దాచి ఉండొచ్చు. సోనియా ప్లాన్ ని పేరెంట్స్ భంగం చేశారు. సోనియా ప్రవర్తన వారిద్దరితో బ్రదర్స్ అండ్ సిస్టర్ లా ఉంటే ఓకే.. లేదంటే సోనియాను నెటిజెన్స్ ఏకిపారేయడం ఖాయం. 

ఇక పక్కా ప్లాన్ తో గేమ్ ఆడుతున్న సోనియా ప్లాన్ లో ఇది కూడా భాగం కావచ్చు. ఒకవేళ తనపై నెగిటివిటీ వస్తే, పేరెంట్స్ మీడియాతో ఏం చెప్పాలో ఆమె హౌస్లోకి వెళ్లబోయే ముందే వివరించి ఉండొచ్చు.  బిగ్ బాస్ కంటెస్టెంట్స్ ని నమ్మడానికి వీల్లేదు. వారు హౌస్లోకి వెళ్లబోయే ముందు పీఆర్లతో చర్చించి రకరకాల భవిష్యత్ ప్రణాళికలు వేస్తారు.

బిగ్ బాస్ తెలుగు అప్ డేట్స్ కోసం క్లిక్ చేయండి.