Bigg Boss Telugu 7: విన్నర్ ని డిసైడ్ చేయనున్న మిడ్ వీక్ ఎలిమినేషన్... సంచలనం రేపుతున్న సమీకరణాలు!

ఈ సీజన్ కి మిడ్ వీక్ ఎలిమినేషన్ ఉంటుందా లేదా? అనే సస్పెన్స్ కొనసాగుతుంది. ఒక వేళ ఉంటే ఎవరు ఎలిమినేట్ అవుతారు?, ఎవరు ఎలిమినేట్ అయితే ఎవరికి ఫేవర్ అవుతుందో చూద్దాం...  

Bigg Boss Telugu 7

గత ఐదు సీజన్స్ పరిశీలిస్తే టాప్ 5 మాత్రమే ఫినాలే ఎపిసోడ్ లో ఉన్నారు. సీజన్ 6లో ఫైనల్ వీక్ లో ఆరుగురు అడుగుపెట్టారు. రేవంత్, శ్రీహాన్, కీర్తి, ఆదిరెడ్డి, రోహిత్, శ్రీసత్య చివరి వారం వరకు ఉన్నారు. అర్ధరాత్రి జరిగిన మిడ్ వీక్ ఎలిమినేషన్ తో శ్రీసత్య బయటకు వచ్చింది. 

సీజన్ 7లో కూడా ఆరుగురు ఫైనల్ వీక్ లోకి ఎంటర్ అయ్యారు. అయితే గ్రాండ్ ఫినాలేలో ఉండేది ఐదుగురే. ఒకరు మిడ్ వీక్ ఎలిమినేట్ అయ్యే ఛాన్స్ ఉంది. శోభ ఎలిమినేటైన తర్వాత నాగార్జున... శివాజీ, అమర్, ప్రశాంత్, యావర్, అర్జున్, ప్రియాంకలను ఫైనలిస్ట్స్ గా ప్రకటించారు. కాబట్టి మిడ్ వీక్ ఎలిమినేషన్ ఉండదు అనేది మరో వాదన. 

ఒకవేళ మిడ్ వీక్ ఎలిమినేషన్ ఉంటే... ఎవరు వెళ్లిపోవచ్చు?. ఖచ్చితంగా యావర్, అర్జున్ లలో ఒకరు ఎలిమినేట్ అవుతారు. ఉన్న ఆరుగురిలో వీరిద్దరే వీక్ కంటెస్టెంట్స్. ప్రియాంక కూడా వీక్ కంటెస్టెంట్, కానీ ఆమెకు లేడీ కార్డు ఉపయోగపడుతుంది. ఫైనల్ లో కనీసం ఒక ఫిమేల్ కంటెస్టెంట్ అయినా ఉండాలనే సమీకరణాలు ఆమెను సేవ్ చేస్తాయి. 

అర్జున్ వైల్డ్ కార్డు ఎంట్రీ. అది కూడా ఐదు వారాల తర్వాత హౌస్లోకి వచ్చాడు. ఫినాలే అస్త్ర గెలుచుకుని ఫైనల్ కి వెళ్ళాడు. ఆల్రెడీ ఫైనలిస్ట్ గా ప్రకటించారు. అతడు ఫైనలిస్ట్ గా ఎలిమినేట్ కావచ్చు. ఫినాలే అస్త్ర గెలవకపోతే అర్జున్ ఎలిమినేట్ అయ్యేవాడని నాగార్జున చెప్పాడు. కాబట్టి అర్జున్ ఎలిమినేట్ కావచ్చు.

లేదంటే యావర్ అవుతాడు. ప్రశాంత్, శివాజీ, అమర్ టైటిల్ రేసులో ఉన్నారు. ఆ ముగ్గురిలో ఎవరూ ఎలిమినేట్ అయ్యే ఛాన్స్ లేదు. కాబట్టి యావర్ మిడ్ వీక్ లో వెళ్లిపోవచ్చు. అర్జున్ కాకుంటే యావర్ మీద వేటు పడుతుంది. అర్జున్ ఫినాలే అస్త్ర గెలుచుకున్నాడు కాబట్టి, అతన్ని ఉంచి యావర్ ని ఎలిమినేట్ చేయవచ్చు.

ఇక యావర్ ఎలిమినేట్ అయితే అది ప్రశాంత్, శివాజీలకు కలిసొస్తుంది. స్పై బ్యాచ్ లో ఒకడైన యావర్ వెళ్ళిపోతే... అతని ఓట్లు శివాజీ, ప్రశాంత్ లకు పడతాయి. అమర్ కి మైనస్ అవుతుంది. టైటిల్ రేసులో ప్రశాంత్-శివాజీ నిలుస్తారు. 

ఒకవేళ అర్జున్ ఎలిమినేట్ అయితే... అమర్ కి కలిసొస్తుంది. అర్జున్ కూడా సీరియల్ నటుడే. ఈ కోణంలో మరో సీరియల్ నటుడు అయిన అమర్ కి అర్జున్ ఓటు ట్రాన్స్ఫర్ అయ్యే ఛాన్స్ ఉంది. కాబట్టి మిడ్ వీక్ ఎలిమినేషన్ విన్నర్ డిసైడ్ చేయనుంది...