లేటెస్ట్ కంటెస్టెంట్ తల్లిపై దాడి, పల్లవి ప్రశాంత్ అరెస్ట్... ఇండస్ట్రీని షేక్ చేసిన వివాదాలు!

బిగ్ బాస్ షో వివాదాలకు కేంద్ర బిందువు. ఈ షో బ్యాన్ చేయాలని సాంప్రదాయవాదులు చాలా కాలంగా డిమాండ్ చేస్తున్నారు. కాగా ఈ ఏడాది వివిధ భాషల్లో ప్రసారమైన బిగ్ బాస్ రియాలిటీ షోలలో ఊహించని పరిణామాలు చోటు చేసుకున్నాయి.  

Bigg boss

ఎక్కడో బ్రిటన్ లో బిగ్ బ్రదర్  పేరుతో మొదలైన రియాలిటీ షో స్ఫూర్తిగా ఇండియాలో బిగ్ బాస్ షోకి బీజం పడింది. హిందీలో సక్సెస్ కావడంతో ప్రాంతీయ భాషలకు కూడా వ్యాపించింది. అమ్మాయిలు, అబ్బాయిలు నాలుగు గోడల మధ్య కలిసి జీవించడం,  టాస్క్స్ , కాన్సెప్ట్స్ భారతీయ సంస్కృతికి విరుద్ధం. జెనరేషన్స్ పై ప్రతికూల ప్రభావం చూపించే అవకాశం కలదని కొందరి వాదన. 

బిగ్ బాస్ రియాలిటీ షో ఆడియన్స్ పై ఎలాంటి ప్రభావం చూపుతుంది అనేది పక్కన పెడితే... కంటెస్టెంట్స్ ఫ్యాన్స్ మధ్య గొడవలు.  కంటెస్టెంట్స్ కుటుంబ సభ్యులను, సపోర్ట్ చేస్తున్న వారిని దూషించడాలు వంటి దుష్పరిణామాలకు దారి తీస్తుంది. ఇక 2023లో బిగ్ బాస్ షో కేంద్రంగా అనేక వివాదాలు, ఊహించని పరిణామాలు చోటు చేసుకున్నాయి. అవేమిటో చూద్దాం.. 

బిగ్ బాస్ తెలుగు 7 టైటిల్ విన్నర్ పల్లవి ప్రశాంత్ అరెస్ట్ అయ్యాడు. డిసెంబర్ 17న ఫినాలే ముగిసింది. అన్నపూర్ణ స్టూడియో ఎదుట భారీగా చేరుకున్న ఫ్యాన్స్ పబ్లిక్, ప్రైవేట్ ప్రాపర్టీ నాశనం చేశారు. లా అండ్ ఆర్డర్ సమస్య ఉంది. మీరు వెనుక గేట్ నుండి వెళ్లిపోండని ప్రశాంత్ కి పోలీసులు సూచించారు. పోలీసుల మాట వినకుండా ప్రశాంత్ కారులో ర్యాలీ చేశాడు. సీరియస్ అయిన పోలీసులు పల్లవి ప్రశాంత్ పై కేసులు పెట్టి అరెస్ట్ చేశారు. 

పల్లవి ప్రశాంత్ కి మేజిస్ట్రేట్ 14 రోజుల రిమాండ్ విధించాడు. అనంతరం బెయిల్ పై విడుదలయ్యాడు. పల్లవి ప్రశాంత్ ఫ్యాన్స్ రన్నర్ అమర్ దీప్ కారుపై దాడి చేశారు. అద్దాలు పగలగొట్టి భయభ్రాంతులకు గురి చేశాడు. గతంలో ఎప్పుడూ ఇలాంటి సంఘటనలు జరగలేదు. 

తమిళ బిగ్ బాస్ సీజన్ 7 కంటెస్టెంట్ నటి విచిత్ర షో వేదికగా టాలీవుడ్ స్టార్ హీరోపై సిరీయస్ ఆరోపణలు చేసింది. 2001లో కేరళలో షూటింగ్ జరుగుతుండగా తెలుగు స్టార్ హీరో నన్ను రాత్రి గదికి రమ్మన్నాడు. నేను మాట వినలేదని తాగొచ్చి హోటల్ డోర్ బాదాడు. ఆ మూవీ సెట్స్ లో ఒకరు నా పై చేయి చేసుకున్నారు. కంప్లైంట్ చేసినా ఫలితం లేదని ఆమె వాపోయారు. ఆ హీరో బాలకృష్ణనే, భలేవాడివి బాసూ సినిమా షూటింగ్ లో ఇది జరిగిందని ప్రచారం అయ్యింది..

ఇదే సీజన్లో పాల్గొన్న కంటెస్టెంట్ కూల్ సురేష్ బిగ్ బాస్ హౌస్ నుండి పారిపోయే ప్రయత్నం చేశాడు. గోడ ఎక్కుతున్న సురేష్ ని చూసిన మరొక కంటెస్టెంట్ వచ్చి దింపాడు. హౌస్లో ఉండటం ఇష్టం లేకపోతే... రిక్వెస్టు చేసి బయటకు వచ్చిన వాళ్ళు ఉన్నారు. ఇలా పారిపోయిన వారు ఎవరూ లేరు..

నటి వనిత విజయ్ కుమార్ కూతురు జోవిక బిగ్ బాస్ తమిళ్ 7 కంటెస్టెంట్. జోవిక మేల్ కంటెస్టెంట్ ప్రదీప్ ఆంటోని మీద తీవ్ర ఆరోపణలు చేసింది. అతడు ఎప్పుడూ వాష్ రూమ్స్ దగ్గరే ఉంటున్నాడు. ఇంట్లో ఉన్న ఆడవాళ్లకు రక్షణ లేదని కంప్లైంట్ చేసింది. 

హోస్ట్ కమల హాసన్ రెడ్ కార్డు ఇచ్చి ప్రదీప్ ఆంటోనిని బయటకు పంపేశాడు. దీంతో జోవికపై ప్రదీప్ ఫ్యాన్స్ ఫైర్ అయ్యారు. జోవికను వెనకేసుకు వస్తుందని తల్లి వనిత మీద దాడి జరిగింది. ఒక వ్యక్తి ఆమె ముఖం మీద పిడిగుద్దులు కురిపించాడు. 

బిగ్ బాస్ షోలో పులిగోరు ధరించి కనిపించిన వర్తుర్ సంతోష్ జైలుపాలయ్యాడు. కన్నడ సీజన్ 10లో పాల్గొన్న సంతోష్ పులిగోరు ధరించడం వివాదాస్పదం అయ్యింది. బిగ్ బాస్ హౌస్ కి వెళ్లిన పోలీసులు అరెస్ట్ చేశారు. కోర్టు రిమాండ్ విధించగా అనంతరం బెయిల్ పై బయటకు వచ్చాడు.

బిగ్ బాస్ హౌస్లో లేడీ కంటెస్టెంట్ కి ప్రెగ్నెన్సీ టెస్ట్ జరిగిందన్న న్యూస్ సంచలనం రేపింది.బిగ్ బాస్ హిందీ సీజన్ 17లో కపుల్ అంకిత లోఖండే, విక్కీ జైన్ కంటెస్ట్ చేశారు. తనకు ఒంట్లో నలతగా ఉందని చెబితే... మెడికల్ రూమ్ కి తీసుకెళ్లి ప్రెగ్నెన్సీ టెస్ట్ చేశారని ఆమె భర్తతో చెప్పింది. పాజిటివ్ వస్తే పరిస్థితి ఏంటని ఆందోళన చెందింది. బిగ్ బాస్ హౌస్లో ప్రెగ్నన్సీ టెస్ట్ జరగడం ఇదే మొదటిసారి... ఇలా ఈ ఏడాది బిగ్ బాస్ షో వేదికగా అనేక వివాదాలు చోటు చేసుకున్నాయి...