Intinti gruhalakshmi: లాస్యను నందుకు సెటప్ అన్న బత్తాయ్ బాలరాజు.. తులసి సామ్రాట్ మూసి మూసి నవ్వులు!

ఈరోజు ఎపిసోడ్ ప్రారంభంలోనే....అభి, నాన్న ఏమి రాక్షసుడు కాదు మీరందరూ నాన్నని విలన్ చూస్తున్నారు అని అనగా ప్రేమ్ తింటున్నప్పుడైనా ప్రశాంతంగా ఉండనివ్వరా అని అంటాడు. అప్పుడు అభి కోపంతో అక్కడి నుంచి వెళ్ళిపోతాడు. అంకిత ఇదంతా నా వల్లే జరిగింది సరిగా వండాల్సింది. రాత్రికి నేను ఇంకా వంట చేయను బయటి నుంచి తెప్పించుకుందాము అని అనగా అనసూయ, వాడి మాటలు పట్టించుకోవద్దమ్మా ఏం పర్లేదు మేము తింటాము అని అంటుంది. అప్పుడు అంకిత అక్కడ్నుంచి వెళ్ళిపోతుంది.ఆ తర్వాత సీన్లో తులసి ఫ్లైట్ ను చూసి మురిసిపోయి, సామ్రాట్ గారు నాకు ఒక ఫోటో తీయండి.నేను మా ఇంట్లో వాళ్లకి పంపించాలి అని అంటుంది.
 

అప్పుడు సామ్రాట్ ఫోటోలు తీస్తూ ఉంటాడు. పక్క నుంచి లాస్య, నందులు కుళ్ళుకుంటూ ఉంటారు. అప్పుడు తులసి ఈ ఫోటోలు చూసుకుంటూ మురిసిపోతుంతుంది. అప్పుడు సామ్రాట్ మనసులో, చిన్న చిన్న ఆశలు తీర్చుకోవడంలో ఎంత సంతోషం ఉంటుందని ఇప్పుడే చూస్తున్నాను అని అనుకుంటాడు. ఆ తర్వాత సీన్లో ఇంట్లో వాళ్ళందరూ బయట కూర్చుని మాట్లాడితే ఉండగా తులసి ఫోటోలు పెట్టింది. ఫోన్ ని అందరూ లాక్కొని ఫోటోలు చూస్తూ మురిసిపోతూ ఉంటారు. పక్కనుంచి లాస్య,నందు లు తొంగి తొంగి చూస్తుండగా వెనకాతల నుంచి బొత్తాయి బాలరాజు మెడ పట్టేస్తదేమో జాగ్రత్త అని ఏటకారిస్తాడు.ఈలోగ తులసి, ఇంట్లో వాళ్ళందరికీ ఫోన్ చేసి సంబరపడిపోతూ ఉంటుంది. వాళ్ళందరికీ జాగ్రత్తలు చెబుతూ ఉంటుంది పక్క నుంచి సామ్రాట్ నవ్వుకుంటూ ఉంటాడు.
 

ఈలోగా బత్తాయి బాలరాజు సామ్రాట్ తో నేను సినిమా రైటర్ నీ వైజాగ్ బీచ్ దగ్గర కథ రాయడానికి వెళ్తున్నాను అని అంటాడు. అప్పుడు సామ్రాట్ మేము.. అని అనేలోగా నేను ఇక్కడ కంటెంట్ క్రియేటర్ ని ఉన్నాను కదా నేను చెప్తాను.అని చెప్పి మీరిద్దరూ, మొగుడు పెళ్ళాలు హైదరాబాద్ అంతా తిరిగేసారు.ఇప్పుడు వైజాగ్ అంతా తిరగడానికి వచ్చారు అని అనగా, నందు ఇంకొక మాట మాట్లాడితే నాలుక కోసేస్తాను అని అంటాడు. అప్పుడు సామ్రాట్, తెలియక మాట్లాడాడు లే అని అంటాడు. అప్పుడు లాస్య తెలియక మాట్లాడిన సామ్రాట్ కి నచ్చిందే మాట్లాడాడు కదా అని నందుతో అంటుంది. అప్పుడు బొత్తయి బాలరాజు, నందు లాస్య అని చూపిస్తూ నాకు తెలిసి ఈవిడ ఈయనకి సెకండ్ సెటప్ ఏమో అని అంటాడు సామ్రాట్ నవ్వుతూ ఉంటాడు.
 

అప్పుడు నందు మనసులో, ప్లైన్ దిగారా నీ సంగతి చెప్తాను అని అనుకుంటాడు. ఆ తర్వాత సీన్లో ఇంటి బయట అంకిత కూర్చొని బాధపడుతూ ఉండగా ప్రేమ్ అక్కడికి వచ్చి బాధపడొద్దు వదిన అంటాడు.ఆ కోపం నీమీద కాదు ఆస్తి తనకి ఇవ్వలేదు అని నాన్నతో చేయి కలిపి యుద్ధం మొదలు పెడుతున్నాడు అని అంటాడు ప్రేమ్. అప్పుడు అంకిత ఆ సంగతి వదిలేయ్ గాని అంత ఉప్పును కూడా మౌనంగా తిన్నావు అంటే నీ మనసు ఇక్కడ లేదు.ఇష్టం లేకపోయినా మీ అన్నయ్య నాకోసం ఇక్కడ ఉంటున్నాడు అలాగే నువ్వు కూడా వెళ్లి శృతి నీ ఒప్పించు.నాకు, మీ అన్నయ్య కి మధ్య ఎన్ని గొడవలు ఉన్నా నేను ఎప్పుడు మీ అన్నయ్యని వదులుకోవాలనుకోలేదు అలాగే మీరు కూడానా.
 

కానీ ఈ విషయం తులసి ఆంటీ వరకు తీసుకెళ్లకుండా మీలో మీరే పరీక్షించుకోండి అని చెప్పి వెళ్ళిపోతుంది అంకిత. ప్రేమ ఆలోచనలో పడతాడు. మరొక  ప్లైన్ టేక్ ఆఫ్ అవుతుంది. తులసి కిటికీలోనుంచి ఆనందంగా అంతా చూస్తూ మురిసిపోతుంది. సామ్రాట్ మాత్రం కళ్ళు మూసుకుని భయపడుతూ ఉంటాడు. అప్పుడు లాస్య నందుతో చూడు దాని నటన అని అనగా వెనకాతల నుంచి బత్తాయి బాలరాజు ఇదంతా విని వెళ్ళు నిజంగా తేడా మనుషులే అని అనుకుంటాడు.ఇంతట్లో తులసి సామ్రాట్ భయపడడం చూసి మీరు నిజంగానే భయపడుతున్నారా అసలు భయపడాల్సిన అవసరమే లేదు. మీరు కళ్ళు మూసుకొని హనుమాన్ చాలీసా చదవండి అని అనగా అబ్బాయి ని కదా ఎవరైనా చూస్తే నవ్వుతారు అని సామ్రాట్ అంటాడు.
 

అప్పుడు తులసి ఈ లింగ భేదాలని మానుకోండి. చిన్నప్పుడు నుంచి పెద్దోళ్ళు అందరూ నువ్వు అబ్బాయివి ఏడ కూడదు ఇది చేయకూడదు అని ఎత్తేస్తూ పెంచుతూ ఉంటారు. ఏ వాళ్లు మనుషులు కాదా? వాళ్లకి భయాలు ఉండవా?. మీరు ధైర్యంగా భయపడొచ్చు అని అంటుంది. ఇదంతా విని కుళ్ళుకున్న లాస్య నందులు అక్కడి నుంచి వెనక్కి వెళ్తారు.అప్పుడు లాస్య, ఎన్నిసార్లు ఫ్లైట్ ఎక్కిన సామ్రాట్ కి టేక్ ఆఫ్ ఫోబియా ఉన్నదంటే నేను నమ్మను.కావాలని సింపతి పొందడం కోసం అలా చెప్తున్నాడు అని అంటుంది.అప్పుడు నందు,అలాంటప్పుడు మనల్ని ఎందుకు వైజాగ్ పిలిచాడు అని అనగా వాళ్ళని చూసి మనం కుళ్ళుకోవాలి కదా అందుకే పిలిచాడు అని అంటుంది. ఇంతటితో ఎపిసోడ్ ముగుస్తుంది. తర్వాయి భాగంలో ఏం జరిగిందో తెలియాలంటే రేపటి వరకు ఎదురు చూడాల్సిందే