- Home
- Entertainment
- K-Dramas: కుర్రాళ్ల కు కిక్కిచ్చే టాప్ 5 కొరియన్ డ్రామాలు, ఓటీటీలో రచ్చ చేస్తున్న రొమాంటిక్ వెబ్ సిరీస్ లు, ఎక్కడ చూడొచ్చంటే?
K-Dramas: కుర్రాళ్ల కు కిక్కిచ్చే టాప్ 5 కొరియన్ డ్రామాలు, ఓటీటీలో రచ్చ చేస్తున్న రొమాంటిక్ వెబ్ సిరీస్ లు, ఎక్కడ చూడొచ్చంటే?
K-Dramas: ఈమధ్య ఇండియాలో కొరియన్ డ్రామాలకు డిమాండ్ భారీగా పెరిగిపోయింది. ముఖ్యంగా యూత్ అయితే K-Dramas అంటే పడిచస్తున్నారు. ప్రస్తుతం ఓటీటీలో ట్రెండింగ్ లో ఉన్న టాప్ 5 కొరియన్ రొమాంటిక్ వెబ్ సిరీస్ లు ఏంటో తెలుసా?
కొరియన్ డ్రామాలకు పెరిగిన డిమాండ్
రీసెంట్ గా మన దేశంలో, ముఖ్యంగా యూత్లో కొరియన్ డ్రామాల (K-Dramas) క్రేజ్ ఏ రేంజ్లో ఉందో ప్రత్యేకంగా చెప్పనక్కర్లేదు. థ్రిల్లర్, యాక్షన్ జోనర్లతో పోలిస్తే... మనసుకు హత్తుకునే ప్రేమకథలు, పగలబడి నవ్వించే కామెడీతో సాగే రొమాంటిక్ కామెడీ (Rom-Com) కే-డ్రామాలకు యూత్లో విపరీతమైన ఆదరణ ఉంది. కుర్రాళ్లకు మంచి ఎంటర్టైన్మెంట్ ఇస్తూ, వీకెండ్లో బింజ్ వాచ్ చేసేందుకు పర్ఫెక్ట్ ఛాయిస్గా నిలిచే టాప్ 5 కొరియన్ రొమాంటిక్ డ్రామాలు ఇవే
1. క్వీన్ ఆఫ్ టియర్స్ (Queen of Tears)
రీసెంట్ గా ఈ వెబ్ సిరీస్ ప్రపంచవ్యాప్తంగా సంచలనం సృష్టించింది. ఈ సిరీస్ ఒక సంపన్న కుటుంబానికి చెందిన అమ్మాయి, సాధారణ నేపథ్యం ఉన్న అబ్బాయి వివాహ బంధం చుట్టూ తిరుగుతుంది. రిలేషన్ షిప్ లో వచ్చే విభేదాలు, ప్రేమను తిరిగి గెలుచుకునే క్రమంలో సాగే ఎమోషన్స్ , హ్యూమర్ ప్రేక్షకులను కట్టిపడేస్తాయి. ఈ సిరిస్ నెట్ ఫ్లిక్స్ లో అందుబాటులో ఉంది.
2. లవ్లీ రన్నర్ (Lovely Runner)
టైమ్ ట్రావెల్ బ్యాక్డ్రాప్తో తెరకెక్కిన ఈ ఫాంటసీ రొమాంటిక్ కామడీ డ్రామా కుర్రాళ్లను విపరీతంగా ఆకట్టుకుంటుంది. తన అభిమాన స్టార్ను కాపాడుకోవడం కోసం హీరోయిన్ గతం లోకి వెళ్లడం, అక్కడ వారి మధ్య చిగురించే ప్రేమకథ చూస్తుంటే కడుపుబ్బ నవ్వించడమే కాకుండా మనసును తేలికపరుస్తుంది. ఈ సిరీస్ చూడాలి అనుకునే వారికి ప్రైమ్ వీడియోస్ తో పాటు నెట్ ఫ్లిక్స్ లో కూడా అందుబాటులో ఉంది.
3. బిజినెస్ ప్రపోజల్ (Business Proposal)
పక్కా యూత్ఫుల్ హంగులతో సాగే అవుట్ అండ్ అవుట్ ఫన్ రైడ్ ఇది. తన ఫ్రెండ్ తరఫున బ్లైండ్ డేట్కు వెళ్లిన హీరోయిన్, అక్కడ ఊహించని విధంగా తన కంపెనీ సీఈఓనే కలవడం.. ఆ తర్వాత వారి మధ్య జరిగే నాటకీయ పరిణామాలు ప్రేక్షకులకు నాన్-స్టాప్ వినోదాన్ని అందిస్తాయి. ఈ సిరీస్ కూడా నెట్ ఫ్లిక్స్ లో అందుబాటులో ఉంది.
4. ట్రూ బ్యూటీ (True Beauty)
స్కూల్ - కాలేజీ లైఫ్ బ్యాక్డ్రాప్లో సాగే ఈ లవ్ స్టోరీ కుర్రాళ్లకు భలే కిక్కిస్తుంది. మేకప్ వెనుక దాగి ఉన్న అసలైన అందం, ఆత్మవిశ్వాసం, ముక్కోణపు ప్రేమకథ ఆధారంగా సాగే ఈ సిరీస్లోని కామెడీ, ఫ్రెండ్షిప్ సన్నివేశాలు ఎంత చూసినా బోర్ కొట్టవు. ఈ సిరిస్ అమెజాన్ మాక్స్ ప్లేయర్ లో అందుబాటులో ఉంది చూసేయండి.
5. క్రాష్ ల్యాండింగ్ ఆన్ యు (Crash Landing on You)
రొమాంటిక్ డ్రామాలకు బెంచ్ మార్క్లాంటి సిరీస్ ఇది. పారాగ్లైడింగ్ ప్రమాదంలో ఉత్తర కొరియాలో ల్యాండ్ అయిన ఒక దక్షిణ కొరియా వ్యాపారవేత్తకు, అక్కడ ఆర్మీ ఆఫీసర్కు మధ్య సాగే అనూహ్యమైన ప్రేమకథ ప్రేక్షకులను మరో లోకంలోకి తీసుకెళ్తుంది. ఈ సిరీస్ కూడా నెట్ ఫ్లిక్స్ లో అందుబాటులో ఉంది యూత్, బ్యాచిలర్స్ తమ ఫ్రీ టైమ్లో సరదాగా రిలాక్స్ అవ్వడానికి, మనసును తేలికపరచుకోవడానికి ఈ 5 కే-డ్రామాలు బెస్ట్ ఛాయిస్!
