బన్నీతో గందరగోళం, ఇప్పుడు ఎన్టీఆర్ పై కూడా అనుమానం..దేవర, గేమ్ ఛేంజర్, ఓజి, తండేల్ చిత్రాల పరిస్థితి ఏంటి
టాలీవుడ్ లో ఈ ఏడాది ఒకటి కాదు రెండు కాదు పదుల సంఖ్యలో పాన్ ఇండియా చిత్రాలు తెరకెక్కుతున్నాయి. ఇటీవల ప్రభాస్ కల్కి చిత్రంతో వచ్చి ఫ్యాన్స్ దాహం తీర్చేశాడు. మిగిలిన హీరోల అభిమానులు కూడా వారి పాన్ ఇండియా చిత్రాల కోసం ఎదురుచూస్తున్నారు.
)
టాలీవుడ్ లో ఈ ఏడాది ఒకటి కాదు రెండు కాదు పదుల సంఖ్యలో పాన్ ఇండియా చిత్రాలు తెరకెక్కుతున్నాయి. వాటిలో ఎక్కువగా అగ్ర హీరోల చిత్రాలు ఉన్నాయి. ఇటీవల ప్రభాస్ కల్కి చిత్రంతో వచ్చి ఫ్యాన్స్ దాహం తీర్చేశాడు. మిగిలిన హీరోల అభిమానులు కూడా వారి పాన్ ఇండియా చిత్రాల కోసం ఎదురుచూస్తున్నారు. ఈ విషయంలో అల్లు అర్జున్ ఫ్యాన్స్ కి తీవ్ర నిరాశ తప్పడం లేదు. ఆల్రెడీ పుష్ప 2 ఒకసారి వాయిదా పడింది.
)
pushpa
ఇప్పుడు ఈ చిత్రం డిసెంబర్ లో అయినా వస్తుందా రాదా అనే అనుమానాలు ఉన్నాయి. ఎందుకంటే బన్నీ గడ్డం తీసేసి ఫ్యామిలీతో ఫారెన్ వెళ్ళాడు. సుకుమార్ తో విభేదాలు అన్నట్లుగా ప్రచారం మొదలైంది. ఇంకా షూటింగ్ చాలా పెండింగ్ ఉందని తదుపరి షెడ్యూల్ పరిస్థితి ఏంటో అర్థం కావడం లేదని జోరుగా ఊహాగానాలు వినిపిస్తున్నాయి.
ఇదిలా ఉండగా ఎన్టీఆర్ దేవర చిత్రం సెప్టెంబర్ 27న రిలీజ్ కి రెడీ అవుతోంది. ఇక ఉన్నది రెండు నెలల సమయం మాత్రమే. దేవర చిత్రం 400 కోట్ల భారీ బడ్జెట్ లో తెరకెక్కుతున్న పాన్ ఇండియా చిత్రం. ఇప్పటి వరకు ఒక టీజర్, ఒక సాంగ్ తప్ప ఇతర అప్డేట్ లేదు. సినిమా ఎంతవరకు పూర్తయింది ? పోస్ట్ ప్రొడక్షన్ వర్క్ ఎంతవరకు వచ్చింది ? ఇలాంటి అంశాలపై చిత్ర యూనిట్ ఎలాంటి అప్డేట్ ఇవ్వలేదు. దీనితో తారక్ ఫ్యాన్స్ లో చిన్నపాటి కంగారు మొదలైంది. పుష్ప 2 తరహాలో రూమర్స్ రాకుండా చిత్ర యూనిట్ ఏదో ఒక అప్డేట్ ఇవ్వాలని గోల చేస్తున్నారు.
రాంచరణ్ నటిస్తున్న పాన్ ఇండియా చిత్రం గేమ్ ఛేంజర్. శంకర్ దర్శకత్వంలో తెరకెక్కుతున్న ఈ చిత్ర పరిస్థితి ఏంటో ఎవ్వరికీ అర్థం కావడం లేదు. భారతీయుడు 2 గోల ఇక లేదు కాబట్టి ఇకనైనా రిలీజ్ అప్డేట్ ఇవ్వాలని ఫ్యాన్స్ అంటున్నారు.
పవర్ స్టార్ కళ్యాణ్, సుజిత్ కాంబినేషన్ లో తెరకెక్కుతున్న చిత్రం ఓజి. పవన్ కెరీర్ లో అత్యధిక బడ్జెట్ లో ఈ చిత్రం తెరకెక్కుతోంది. మిగిలిన హీరోల చిత్రాలు ఆలస్యం అయితే అది డైరెక్టర్ బాధ్యత. కానీ ఓజి చిత్రం ఆలస్యం అవుతోంది పవన్ కళ్యాణ్ వల్లే. ఎన్నికల తర్వాత పవన్ ఈ చిత్రాన్ని పూర్తి చేస్తారని.. ఈ ఏడాది ఓజి వస్తుందని అంతా భావించారు. కానీ ప్రస్తుతం పరిస్థితి అలా కనిపించడం లేదు. పవన్ కళ్యాణ్ రాజకీయాలతోనే బిజీగా ఉన్నారు.
నాగ చైతన్య చాలా ప్రతిష్టాత్మకంగా తీసుకుని నటిస్తున్న పాన్ ఇండియా చిత్రం తండేల్. పెద్ద సినిమాల తాకిడి వల్ల తండేల్ రిలీజ్ విషయంలో మేకర్స్ ఎటూ తేల్చుకోలేకున్నారు. డిసెంబర్ లో రిలీజ్ చేద్దాం అనుకున్న చాలా చిత్రాలు రేసులో ఉన్నాయి. తాజాగా జరుగుతున్న ప్రచారం మేరకు తండేల్ 2025 కి వాయిదా పడే అవకాశాలు ఉన్నట్లు తెలుస్తోంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
