NBK: బాలకృష్ణ వీక్‌నెస్ తెలిసిపోయింది.. అందుకే డైరెక్టర్లు ఆ పనిచేస్తున్నారా? ఇండస్ట్రీలో సరికొత్త చర్చ..

బాలకృష్ణ(Balakrishna)తో సినిమా చేయడం ఇప్పుడు ఈజీ అయిపోయిందా? ఆయన్ని ఓ సినిమాకి ఓకే చెప్పించడం ఎలానో దర్శకులకు తెలిసిపోయిందా? ఆయనతో సినిమా చేయాలంటే ఏం చేయాలో డైరెక్టర్స్ పట్టేశారా? బాలయ్య వీక్‌నెస్‌ కనిపెట్టారా? అవుననే సమాధానం వినిపిస్తుంది. ఇదే ఇప్పుడు టాలీవుడ్‌లో చర్చనీయాంశంగా మారింది. 

బాలకృష్ణ ప్రస్తుతం గోపీచంద్‌ మలినేని(Gopichand Malineni) దర్శకత్వంలో `ఎన్బీకే107` (NBK107) చిత్రంలో నటిస్తున్నారు. శృతి హాసన్‌ కథానాయికగా నటిస్తున్న చిత్రమిది. మాస్‌, యాక్షన్‌ ఎంటర్‌టైనర్‌గా సాగే చిత్రమిది. బాలయ్య ఇందులో సరికొత్త లుక్‌లో కనిపించబోతున్నారు. శరవేగంగా చిత్రీకరణ జరుపుకుంటోందీ సినిమా. ఇదిలా ఉంటే బాలయ్యతో గోపీచంద్‌ మలినేనికిదే మొదటిసారి. ఆ ఛాన్స్ `క్రాక్‌` కారణంగా వచ్చింది. 

రవితేజ(Raviteja)తో కలిసి గోపీచంద్‌ మలినేని రూపొందించిన `క్రాక్‌`(Krack) సినిమా మంచి విజయం సాధించింది. అందులోని మాస్‌ ఎలిమెంట్లు హైలైట్‌ అయ్యాయి. సినిమా హిట్‌ టాక్‌ వచ్చాక బాలయ్యకి ప్రత్యేకంగా షో వేసి చూపించారు దర్శక, నిర్మాతలు. సినిమా చూసిన బాలయ్య(NBK) ఇంప్రెస్‌ అయ్యారు. సినిమాపై ప్రశంసలు కురిపించారు. అంతేకాదు గోపీచంద్‌ డైరెక్షన్‌ నచ్చి వెంటనే కమిట్‌మెంట్ ఇచ్చారు. ఆయనతో సినిమా చేస్తానని కథ రెడీ చేసుకోమని చెప్పారు. దీంతో బాలయ్య కోసం గోపీచంద్‌ మలినేని మంచి మాస్‌ స్టోరీని ప్రిపేర్‌ చేయడం, ఆయనకు నచ్చి వెంటనే ఓకే చేయడంతో `ఎన్బీకే 107` పట్టాలెక్కింది. 

నెక్ట్స్ బాలయ్య చేయబోతున్న సినిమా NBK108 విషయంలోనూ అదే జరిగింది. అనిల్‌ రావిపూడి(Anil Ravipudi) రూపొందించిన `సరిలేరు నీకెవ్వరు`, ఇటీవల చేసిన `ఎఫ్‌3` సినిమాలు చూశారు బాలకృష్ణ. ఆయా చిత్రాల్లోనూ అనిల్‌ రావిపూడి ఫన్‌ నచ్చింది. `సరిలేరు నీకెవ్వరు`లోని కమర్షియల్‌ అంశాలకు బాలయ్య ఫిదా అయ్యారు. దీంతో వెంటనే ఆయనతో సినిమా చేసేందుకు కమిట్‌మెంట్‌ ఇచ్చారు. అదే తరహాలో మంచి కథతో బాలయ్యని ఇంప్రెస్‌ చేశారు అనిల్‌ రావిపూడి. ఇప్పటి వరకు తాను తీయనటువంటి పూర్తి యాక్షన్‌ సినిమాని తీయబోతున్నారు. ఇటీవలే ఈ సినిమాని అఫీషియల్‌గా ప్రకటించిన విషయం తెలిసిందే. 
 

ఇప్పుడు మరో డైరెక్టర్‌కి కమిట్‌ మెంట్‌ ఇచ్చారు బాలయ్య. ఇటీవల తనయుడు కళ్యాణ్‌ రామ్‌(Kalyan Ram) హీరోగా నటించిన `బింబిసార`(Bimbisara) సినిమాని చూశారు బాలకృష్ణ. కొత్త దర్శకుడు వశిష్ట(Vashist) దీనికి దర్శకత్వం వహించారు. నందమూరి ఫ్యామిలీతో చాలా కాలంగా ట్రావెల్‌ అవుతున్న వశిష్ట కళ్యాణ్‌ రామ్‌తో చేసిన `బింబిసార` భారీ విజయాన్ని సాధించింది. థియేటర్‌కి జనం రావడం లేదనే బాధ పడుతున్న సమయంలో బూస్ట్ నిచ్చింది. కొత్త ఉత్సాహాన్ని తీసుకొచ్చింది. 

ఈ సినిమాని బాలయ్య కోసం ప్రత్యేకంగా ప్రదర్శించారు. సినిమా చూసిన నందమూరి నటసింహం కళ్యాణ్‌ రామ్‌ నటనకు, దర్శకుడు వశిష్ట టేకింగ్‌కి ఫిదా అయ్యారు. సినిమా అద్భుతంగా ఉందని ప్రశంసలు కురిపించారు. అంతేకాదు త్వరలో కలిసి మనం సినిమా చేద్దామంటూ దర్శకుడు హామీ ఇచ్చారు. సరిగ్గా గోపీచంద్‌ మలినేని, అనిల్‌ రావిపూడిలకు కూడా ఇదే తరహాలోనే ఆఫర్లు వచ్చాయి. ఇప్పుడు వశిష్టకి కూడా బాలయ్యతో సినిమా ఆఫర్‌ కన్ఫమ్‌ అయినట్టే అని అంటున్నారు నెటిజన్లు. 
 

ఇదే ఇప్పుడు చర్చగా మారింది. బాలకృష్ణతో సినిమా చేయాలంటే ప్రత్యేకంగా ఆయన చుట్టూ తిరిగాల్సిన పనిలేదని, ఓ హిట్‌ సినిమా తీసి ఆయనకు ప్రత్యేక షోస్‌ వేస్తే ఛాన్స్ పక్కా అని ఫిక్స్ అయిపోతున్నారు. బాలయ్య వీక్‌నెస్‌ తెలుసుకున్న డైరెక్టర్లు ఇప్పుడు ఇదే స్ట్రాటజీని ఫాలో అయ్యే పనిలో బిజీగా ఉన్నారట. కానీ సినిమా తీసి హిట్‌ కొట్టడం, బాలయ్యకి నచ్చేలా మాస్‌ ఎలిమెంట్లు ఉండేలా చూసుకోవడమనేది అందరికి సాధ్యం కావడం కష్టమనే చెప్పాలి. అదే సమయంలో ఏదో ఒకరికి ఇద్దరి విషయంలో అలా జరిగిందని, అందరికి అలానే జరగాలని లేదు. టాలెంట్‌తోనే ఏదైనా సాధ్యం.