థగ్ లైఫ్ నుండి స్క్విడ్ గేమ్ 3 వరకు, OTTలో టాప్ 5 సినిమాలు , వెబ్ సిరీస్ ఏవో తెలుసా?

14

Image Credit : Asianet News

ఓటీటీ కి ఎప్పటికప్పుడు డిమాండ్ పెరుగుతూనే ఉంది. ఓటీటీలో కంటెంట్ కూడా భారీగా పెరుగుతుంది. డిఫరెంట్ కంటెంట్ పెరగడంతో, ఓటీటీ కోసమే ప్రత్యేకంగా సినిమాలు, వెబ్ సిరీస్‌లు నిర్మిస్తున్నారు. థియేటర్లలో సినిమాలు చూసేవారి కంటే ఓటీటీలో చూసేవారే ఎక్కువ. ప్రపంచంలో ఏ భాషలో సినిమా విడుదలైనా ఇంట్లోనే చూడొచ్చు కాబట్టి ఓటీటీ వేదికలు వరంలా మారాయి. థియేటర్లలో వారానికో సినిమా విడుదలయ్యేలాగే ఓటీటీలో కూడా కొత్త సినిమాలు, వెబ్ సిరీస్‌లు విడుదలవుతున్నాయి. జూన్ 30 నుండి జూలై 6 వరకు ఓటీటీలో అత్యధికంగా వీక్షించబడిన వాటి జాబితాను ఓర్మాక్స్ తాజాగా రిలీజ్ చేసింది.

24

Image Credit : x/production house

ఓటీటీలో అత్యధిక వీక్షణలు సాధించిన సినిమాల జాబితాలో హెడ్స్ ఆఫ్ స్టేట్ 5వ స్థానంలో ఉంది. అమెజాన్ ప్రైమ్‌లో స్ట్రీమింగ్ అవుతున్న ఈ సినిమాలో ప్రియాంక చోప్రా నటించింది. ఈ సినిమా వారంలో 17 లక్షల వ్యూస్ ను సాధించింది. 4వ స్థానంలో కీర్తి సురేష్ నటించిన ఉప్పు కప్పురంబు ఉంది. శశి దర్శకత్వం వహించిన ఈ సినిమాలో కీర్తి సురేష్‌తో పాటు సుహాస్ కూడా నటించారు. ఈ హాస్య చిత్రం అమెజాన్ ప్రైమ్‌లో 20 లక్షల వ్యూస్ ను సాధించింది.

34

Image Credit : X

ఇక మణిరత్నం దర్శకత్వంలో కమల్ హాసన్, సింబు, త్రిష నటించిన థగ్ లైఫ్ జూన్ 5న థియేటర్లలో విడుదలైంది. థియేటర్లలో డిజాస్టర్ అయిన ఈ సినిమాను జూలై 3న నెట్‌ఫ్లిక్స్‌లో విడుదల చేశారు. థియేటర్ లో డిజాస్టర్ అయిన ఈసినిమా ఓటీటీలో బ్లాక్ బస్టర్ హిట్ అయ్యింది. 

24 లక్షల వ్యూస్ తో థగ్ లైఫ్ ఈ లిస్ట్ లో  3వ స్థానంలో ఉంది. ఈ జాబితాలో అక్షయ్ కుమార్ నటించిన కేసరి చాప్టర్ 2, అజయ్ దేవగన్ నటించిన రైడ్ 2 వరుసగా 2, 1 స్థానాల్లో ఉన్నాయి. జియో హాట్‌స్టార్‌లో స్ట్రీమింగ్ అవుతున్న కేసరి చాప్టర్ 2, 30 లక్షల వ్యూస్ సాధించింది. నెట్‌ఫ్లిక్స్‌లో స్ట్రీమింగ్ అవుతున్న రైడ్ 2, 55 లక్షల వ్యూస్ సాధించింది.

44

Image Credit : @chandan roy

వెబ్ సిరీస్‌లు ఓటీటీ కోసమే ప్రత్యేకంగా నిర్మిస్తారు. ఇక ఓటీటీలో టాప్ వ్యూస్ సాధించిన వెబ్ సిరీస్‌ల జాబితాలో అమెజాన్ ప్రైమ్‌లో స్ట్రీమింగ్ అవుతున్న ది ట్రెయిటర్స్ 31 లక్షల ప్యూస్ సాధించి 5వ స్థానంలో ఉంది. ది గ్రేట్ ఇండియన్ కపిల్ శర్మ షో సీజన్ 3 నెట్‌ఫ్లిక్స్‌లో 32 లక్షల వీక్షణలతో 4వ స్థానంలో ఉంది.

 క్రిమినల్ జస్టిస్: ఎ ఫ్యామిలీ మ్యాటర్ జియో హాట్‌స్టార్‌లో 48 లక్షల వీక్షణలతో 3వ స్థానంలో ఉంది. నెట్‌ఫ్లిక్స్‌లో విడుదలైన స్క్విడ్ గేమ్ సీజన్ 3, 60 లక్షల వ్యూస్ తో 2వ స్థానంలో ఉంది. అమెజాన్ ప్రైమ్‌లో స్ట్రీమింగ్ అవుతున్న పంచాయత్ సీజన్ 4, 78 లక్షల వ్యూస్ తో 1వ స్థానంలో ఉంది.