ఆ స్టార్ హీరో సినిమా వలన సాయి పల్లవికి నిద్రలేని రాత్రులు, నిర్మాతను కలిసి మొరపెట్టుకున్న ఆమె చెల్లి!

సాయి పల్లవి ఓ స్టార్ హీరో కారణంగా డిప్రెషన్ కి లోనైందట. కన్నీళ్లు పెట్టుకుని తన బాధ చెల్లికి చెప్పిందట. సాయి పల్లవి చెల్లి నేరుగా నిర్మాతను కలిసిందట. ఆ మేటర్ ఏమిటో చూద్దాం..  

sai pallavi

సాయి పల్లవి ప్రత్యేకమైన హీరోయిన్. విలువలు కలిగిన నటి. కేవలం టాలెంట్ తో సిల్వర్ స్క్రీన్ పై రాణిస్తుంది. సాయి పల్లవి తన పాత్రకు ప్రాధాన్యత ఉంటేనే ప్రాజెక్ట్ కి సైన్ చేస్తుంది. స్టార్ హీరో అయినా... భారీ రెమ్యునరేషన్ ఇచ్చినా ఆమె కేర్ చేయదు. ఏకంగా చిరంజీవి మూవీలో పాత్ర రిజెక్ట్ చేసిన ఘనత ఆమె సొంతం.

వేదాళం రీమేక్ గా తెరకెక్కిన భోళా శంకర్ చిత్రంలో సిస్టర్ రోల్ కి సాయి పల్లవిని సంప్రదించగా ఆమె రిజెక్ట్ చేశారు. ఆ పాత్రకు స్క్రీన్ స్పేస్ ఉన్నప్పటికీ రీమేక్ కావడంతో సాయి పల్లవి చేయను అన్నారు. పాత్రల ఎంపిక విషయంలో ఆమె అంత నిక్కచ్చిగా ఉంటుంది. అదే సమయంలో ఎక్స్ పోజింగ్ కి, గ్లామర్ రోల్స్ కి దూరంగా ఉంటుంది.

ప్రేమమ్ మూవీతో హీరోయిన్ గా మారిన సాయి పల్లవి ఫిదా చిత్రంతో తెలుగు ప్రేక్షకులను పలకరించింది. ఫిదా బ్లాక్ బస్టర్ కొట్టింది. వరుణ్ తేజ్ హీరోగా నటించిన ఫిదా చిత్రానికి శేఖర్ కమ్ముల దర్శకుడు. సాయి పల్లవి పాత్ర ఆ మూవీలో ప్రధానంగా ఉంటుంది. ఒక రకంగా ఉమెన్ సెంట్రిక్ మూవీకి దగ్గరగా ఫిదా ఉంటుంది.

మొదటి చిత్రంతోనే తెలుగు ప్రేక్షకులను తన మాయలో పడేసుకున్న సాయి పల్లవి ఎంసీఏ, లవ్ స్టోరీ చిత్రాలతో మరింత దగ్గరైంది. సాయి పల్లవి నటించిన బెస్ట్ మూవీస్ లో శ్యామ్ సింగరాయ్ ఒకటి. ఈ చిత్రంలో ఆమె దేవదాసి పాత్ర చేయడం విశేషం. కాగా ఈ సినిమా విషయంలో సాయి పల్లవి చాలా ఇబ్బందులు పడిందట. ఈ విషయాన్ని ఆమె స్వయంగా వెల్లడించింది. 

శ్యామ్ సింగరాయ్ లో తన పార్ట్ మొత్తం నైట్ షూట్ చేశారట. సాయి పల్లవికి గతంలో రాత్రుళ్ళు షూటింగ్ చేసిన అనుభవం లేదట. రాత్రి మొదలుకుని తెల్లారే వరకు షూటింగ్ జరిగేదట. మరలా ఉదయం ఇతర చిత్రాల షూటింగ్స్ లో ఆమె పాల్గొనాల్సి వచ్చేదట. దాంతో నిద్రలేక సాయి పల్లవి తీవ్ర మానసిక ఒత్తిడికి గురైందట. ఈ విషయం తన చెల్లి పూజ ఖన్నాకు చెప్పి బాధపడిందట. 

ఒక్కరోజు సెలవు దొరికితే బాగుండని ఏడ్చేసిందట. అక్క బాధ చూడలేక పూజ ఖన్నా శ్యామ్ సింగరాయ్ నిర్మాత వెంకట్ బోయినపల్లిని నేరుగా కలిసిందట. ఒక్క రోజు అక్కకు సెలవు ఇప్పించండి అని అడిగిందట. ఒక్క రోజు కాదు పది రోజులు సెలవు తీసుకో. అనంతరం ప్రశాంతంగా షూటింగ్ కి హాజరవ్వు అని సాయి పల్లవితో వెంకట్ బోయినపల్లి అన్నారట. సాయి పల్లవి హ్యాపీగా ఫీల్ అయ్యిందట. 

నాని, సాయి పల్లవి, కృతి శెట్టి నటించిన శ్యామ్ సింగరాయ్ చిత్రానికి రాహుల్ సంకీర్త్యన్ దర్శకుడు. ఈ మూవీ మంచి విజయం అందుకుంది. ప్రస్తుతం సాయి పల్లవి అమరన్ సక్సెస్ ఎంజాయ్ చేస్తుంది. శివ కార్తికేయన్ హీరోగా నటించిన ఈ మూవీ తమిళ, తెలుగు భాషల్లో ఆదరణ దక్కించుకుంది. అమరన్ మేజర్ ముకుంద్ వరదరాజన్ జీవిత కథ ఆధారంగా తెరకెక్కింది. సాయి పల్లవి నటనకు ప్రశంసలు దక్కాయి. 

ఇక తెలుగులో తండేల్ మూవీలో నటిస్తుంది. నాగ చైతన్య హీరో కాగా ఎమోషనల్ లవ్ డ్రామాగా దర్శకుడు చందూ మొండేటి తెరకెక్కిస్తున్నాడు. అల్లు అరవింద్ నిర్మాత. పాన్ ఇండియా చిత్రంగా పలు భాషల్లో విడుదల చేయనున్నారు. నాగ చైతన్య జాలరి కుర్రాడి పాత్ర చేస్తున్నారు. సాయి పల్లవి చేతిలో మరో భారీ ప్రాజెక్ట్ రామాయణం. రన్బీర్ కపూర్ రాముడు పాత్ర చేస్తున్నాడు. సీతగా సాయి పల్లవి అలరించనుంది. రెండు మూడు భాగాలుగా రామాయణం విడుదల కానుందని సమాచారం.