కీడు జరుగుతుందని తెలిసినా ఆ మూవీలో నటించిన ఎన్టీఆర్, రికార్డులు తిరగరాసింది కానీ, ఏంటా చిత్రం..

స్వర్గీయ నందమూరి తారక రామారావు వందల చిత్రాల్లో నటించారు. పౌరాణిక చిత్రాలలో నటించి తెలుగు ప్రేక్షకుల హృదయాల్లో నిలిచిపోయారు. భక్తిరసా చిత్రాలు, జానపద చిత్రాలు, పౌరాణిక చిత్రాల్లో ఎన్టీఆర్ నటన అద్భుతంగా ఉంటుంది.

Sr NTR

స్వర్గీయ నందమూరి తారక రామారావు వందల చిత్రాల్లో నటించారు. పౌరాణిక చిత్రాలలో నటించి తెలుగు ప్రేక్షకుల హృదయాల్లో నిలిచిపోయారు. భక్తిరసా చిత్రాలు, జానపద చిత్రాలు, పౌరాణిక చిత్రాల్లో ఎన్టీఆర్ నటన అద్భుతంగా ఉంటుంది. కృష్ణుడిగా, రాముడిగా, పరమశివుడుగా, రావణుడిగా కనిపించిన ఎన్టీఆర్ విశ్వామిత్ర లాంటి పాత్రలని కూడా పోషించారు. 

ఎన్టీఆర్ సినీ రంగంలో కెరీర్ ముగింపు దశకి చేరుకున్న తరుణంలో మరో అద్భుతమైన చిత్రంలో నటించారు. ఆ చిత్రం పేరు శ్రీమద్విరాట్ వీరబ్రహ్మేంద్రస్వామి చరిత్ర. పోతులూరి వీరబ్రహ్మేంద్ర స్వామి జీవిత చరిత్ర ఆధారంగా ఎన్టీఆర్ స్వీయ దర్శకత్వంలో ఈ చిత్రాన్ని తెరకెక్కించారు.  వీరబ్రహ్మేంద్ర స్వామి గెటప్ లో ఎన్టీఆర్ ఒదిగిపోయి నటించారు. ఆయన కాలజ్ఞానాన్ని ఎన్టీఆర్ ఈ చిత్రం ద్వారా కళ్ళకి కట్టినట్లు చూపించారు. సిద్దయ్య పాత్రలో నందమూరి బాలకృష్ణ నటించారు. క్లైమాక్స్ లో బాలకృష్ణ నటన అద్భుతంగా ఉంటుంది. 

1980లో ఈ చిత్ర షూటింగ్ మొదలైంది. 50 రోజుల్లో షూటింగ్ పూర్తి చేశారు. కానీ సెన్సార్ లో ఈ చిత్రానికి అడ్డంకులు ఎదురయ్యాయి. భోగి వేమన యోగిగా ఎలా మారాడు అనే సన్నివేశాలు ఆరంభంలో ఉంటాయి. అందులో వేమన వదిన పాత్రని నగ్నంగా చూపిస్తారు. ఆ సన్నివేశంపై సెన్సార్ సభ్యులు అభ్యంతరం తెలిపారు. కానీ ఆ సీన్ ని తొలగించడానికి ఎన్టీఆర్ అంగీకరించలేదు. దాదాపు నాలుగేళ్లు ఈ వివాదం కోర్టులో కొనసాగింది. 

ఈ చిత్రం ప్రారంభించే ముందు ఎన్టీఆర్ ని కొందరు సన్నిహితులు హెచ్చరించారట. ఈ చిత్రంలో నటిస్తే మీకు కీడు జరిగే అవకాశం ఉంది. గతంలో చాలా మంది వీరబ్రహ్మేంద్ర స్వామి చిత్రాన్ని తెరకెక్కించాలనుకుని విరమించుకున్నారు అని చెప్పారట. కానీ ఎన్టీఆర్ మొండిగా ముందుకు వెళ్లారు. చివరికి ఈ చిత్ర ఎన్టీఆర్ పార్టీ స్థాపించి ముఖ్యమంత్రి అయ్యాక రిలీజ్ అయింది. 1983లో ఎన్టీఆర్ ముఖ్యమంత్రి కాగా 84లో ఈ చిత్రం రిలీజ్ అయింది. 

సినిమా రిలీజ్ కి కొన్ని నెలల ముందు ఎన్టీఆర్ అనారోగ్యానికి గురై ముఖ్యమంత్రి పదవికి కొంతకాలం దూరంగా ఉండాల్సి వచ్చింది. ఆ టైంలో ఎన్టీఆర్ కి హార్ట్ సర్జరీ జరిగింది. సినిమా అయితే విడుదలై సంచలన విజయం సాధించింది. 30 లక్షల బడ్జెట్ లో తెరకెక్కిన ఈ చిత్రం 6 కోట్ల వరకు వసూళ్లు రాబట్టింది. మొదటి వారంలోనే అత్యంత వేగంగా 1 కోటి రూపాయలు వసూళ్లు రాబట్టిన చిత్రంగా  శ్రీమద్విరాట్ వీరబ్రహ్మేంద్రస్వామి చరిత్ర రికార్డ్ సృష్టించింది.