- Home
- Entertainment
- Comedians: పవన్, మహేష్ కి ఇంకో ఆప్షన్ లేదు.. అలీకి దెబ్బపడింది అందుకే, బ్రహ్మానందంపై షాకింగ్ కామెంట్స్
Comedians: పవన్, మహేష్ కి ఇంకో ఆప్షన్ లేదు.. అలీకి దెబ్బపడింది అందుకే, బ్రహ్మానందంపై షాకింగ్ కామెంట్స్
కమెడియన్ అలీకి ఇటీవల టాలీవుడ్ లో అవకాశాలు తగ్గాయి. అలీతో పాటు చాలా మంది సీనియర్ కామెడియన్లకు, నటులకు ఛాన్సులు సరిగ్గా రావడం లేదు. దీనిపై దర్శక నిర్మాత తమ్మారెడ్డి చేసిన వ్యాఖ్యలు వైరల్ అవుతున్నాయి.
Comedian Ali
తెలుగు సినిమాలో కమెడియన్లకు ఎప్పుడూ ప్రత్యేక స్థానం ఉంటుంది. ఎలాంటి సినిమా అయినా కామెడీ సీన్లు ఒకటి రెండు అయినా ఉండాల్సిందే. వినోదాత్మక చిత్రాల్లో దర్శకులు కామెడీకి పెద్దపీట వేస్తుంటారు. బ్రహ్మానందం, అలీ, ఎమ్మెస్ నారాయణ, బాబు మోహన్ లాంటి కమెడియన్లు టాలీవుడ్ లో తిరుగులేని గుర్తింపు సొంతం చేసుకున్నారు.
విమర్శించిన వారితోనే నటించడం ఇబ్బందిగా ఉంటుంది
కానీ ఇప్పుడు వాళ్ళ ప్రభావం బాగా తగ్గిపోయింది. అవకాశాలు తగ్గిపోయాయి. దీనికి చాలా కారణాలు కనిపిస్తున్నాయి. అయితే అలీకి అవకాశాలు తగ్గడానికి పొలిటికల్ రీజన్స్ అనే ప్రచారం ఉంది. దీనిపై దర్శక నిర్మాత తమ్మారెడ్డి భరద్వాజ ఓ ఇంటర్వ్యూలో స్పందించారు. ఈ రోజు నేను నిన్ను తిట్టి రేపు ఉదయం నీతో కలసి నటించాలి అంటే ఇబ్బందిగానే ఉంటుంది. అలాంటప్పుడు కొన్ని అవకాశాలు తగ్గుతాయి.
పవన్, మహేష్ లకు మరో ఆప్షన్ లేదు
అలీ అప్పుడప్పుడూ నటిస్తూనే ఉన్నాడు. కానీ అవకాశాలు తగ్గడానికి పొలిటికల్ రీజన్స్ మాత్రమే కాదు.. వయసు కూడా అని తమ్మారెడ్డి అన్నారు. ఒకప్పుడు సినిమాల్లో అలీ ఒకరకంగా, బ్రహ్మానందం ఒక రకంగా, బాబు మోహన్ మరో రకంగా కామెడీ చేసేవారు. కాబట్టి వారి ముగ్గురికీ దాదాపు ప్రతి చిత్రంలో పాత్రలు ఉండేవి. హీరోల పక్కన ఫ్రెండ్ గా నటించాలి అంటే అలీ ఒక్కడే ఆప్షన్ గా ఉండేవారు. పవన్ కళ్యాణ్, మహేష్ బాబు లకు కూడా అలీ తప్ప మరో ఆప్షన్ ఉండేది కాదు.
కుప్పలు తెప్పలుగా కమెడియన్లు
కానీ ఇప్పుడు జబర్దస్త్ పుణ్యమా అని కుప్పలు తెప్పలుగా కమెడియన్లు పుట్టుకువచ్చారు. దీనితో సహజంగానే అలీ లాంటి వాళ్లకు అవకాశాలు తగ్గుతాయి అని తమ్మారెడ్డి అన్నారు. పోసాని విషయానికి వస్తే.. మనం మనకు నచ్చిన పార్టీకి సపోర్ట్ చేసుకోవచ్చు. రాజకీయవిమర్శలు చేసుకోవచ్చు. అలాంటప్పుడు ఎలాంటి సమస్య ఉండదు. కానీ ఓవర్ బోర్డు వెళ్లడం తప్పు. పోసాని ఓవర్ బోర్డు వెళ్లడం, వ్యక్తిగతంగా తిట్టడం వల్లే సమస్యలు వచ్చాయి. ఒక పార్టీని సపోర్ట్ చేసినంత మాత్రాన ఎలాంటి సమస్యా ఉండదు అని తమ్మారెడ్డి అన్నారు.
ప్రకాష్ రాజ్ కి కాంపిటీషన్
ప్రకాష్ రాజ్ కి కూడా పొలిటికల్ రీజన్స్ వల్ల కొంత వరకు అవకాశాలు తగ్గి ఉండొచ్చు. కానీ ఆయనకి కూడా కాంపిటీషన్ గా చాలా మంది నటులు వచ్చారు. రావు రమేష్, మురళీ శర్మ లాంటి వాళ్ళు ప్రకాష్ రాజ్ చేసే పాత్రలు చేస్తున్నారు. కలెక్టర్ శ్రీనివాస్ కూడా ప్రకాష్ రాజ్ కి కాంపిటీషన్ అయ్యారు అని అన్నారు.
