హిట్ ఫార్ములాతో బిగ్ బాస్ 8, లాంఛింగ్ ఎపిసోడ్ లో జరిగేది ఇదే! ఆడియన్స్ కి పిచ్చ కిక్!

బిగ్ బాస్ షోపై అనేక విమర్శలు ఉన్నాయి. సిపిఐ నారాయణతో పాటు సాంప్రదాయవాదులు బిగ్ బాస్ తెలుగు బ్యాన్ చేయాలని డిమాండ్ చేస్తున్నారు. కోర్టులో కూడా కేసులు నమోదయ్యాయి. హోస్ట్ నాగార్జునకు వ్యతిరేకంగా నిరసనలు తెలిపారు. నాగార్జునను సిపిఐ నారాయణ తీవ్రస్థాయిలో విమర్శించాడు. బిగ్ బాస్ హౌస్ ని ఆయన బ్రోతల్ హౌస్ అన్నారు. 
 

ఈ షోపై ఎంత వివాదం నడుస్తున్నా మేకర్స్ వెనక్కి తగ్గడం లేదు. అందుకు కారణం ప్రేక్షకుల్లో ఉన్న ఆదరణ. బిగ్ బాస్ షో అంటే పడిచచ్చే ఆడియన్స్ ఉన్నారు. అత్యధిక టీఆర్పీ రాబడుతున్న రియాలిటీ షో ఇది. బిగ్ బాస్ తెలుగు సక్సెస్ ఫుల్ గా  ఏడు సీజన్స్ పూర్తి చేసుకుంది. 
 

2023లో ప్రసారమైన సీజన్ 7 గ్రాండ్ సక్సెస్. గత సీజన్స్ రికార్డ్స్ బద్దలు కొట్టింది. సీజన్ 6 డిజాస్టర్ కావడంతో మేకర్స్ ఇంట్రెస్టింగ్ గా సీజన్ 7 ప్లాన్ చేశారు. సరికొత్త గేమ్స్, టాస్క్స్ తో షో నడిపారు. నిర్వాహకులు అనుకున్నట్లే సీజన్ 7 మంచి ఫలితాన్ని ఇచ్చింది. ఈ జోష్ లో సీజన్ 8కి ప్లాన్ చేస్తున్నారు.

కంటెస్టెంట్స్ ఎంపిక దాదాపు కంప్లీట్ అయినట్లు సమాచారం. బర్రెలక్క, రీతూ చౌదరి, బంచిక్ బబ్లు, హేమ, సురేఖావాణి, బుల్లెట్ భాస్కర్, కిరాక్ ఆర్పీ, అమృత ప్రణయ్, కుమారీ ఆంటీతో పాటు పలువురు బుల్లితెర, వెండితెర, సోషల్ మీడియా సెలెబ్స్ పేర్లు వినిపిస్తున్నాయి. 
 

కంటెస్టెంట్స్ ని పరిచయం చేసే లాంచింగ్ ఎపిసోడ్ కి భారీ క్రేజ్ ఉంటుంది. స్టార్స్ గెస్ట్స్ గా వస్తారు. హీరోయిన్స్ అదిరిపోయే పెర్ఫార్మన్స్ లు ఉంటాయి. కంటెస్టెంట్స్ సైతం తమ టాలెంట్ చూపిస్తారు. ఈ క్రమంలో సీజన్ 8 ఫస్ట్ ఎపిసోడ్ ఎలా ఉంటుందనే ఆసక్తి అందరిలో నెలకొంది. బిగ్ బాస్ 8 లాంచింగ్ ఎపిసోడ్ కి సక్సెస్ ఫార్ములా అప్లై చేయనున్నారట. 
 

అదేమిటంటే... ఫస్ట్ ఎపిసోడ్లో కొంత మంది కంటెస్టెంట్స్ మాత్రమే పరిచయం చేస్తారట. మిగతా కంటెస్టెంట్స్ ని ఐదు వారాల తర్వాత మినీ లాంచ్ ఈవెంట్ నిర్వహించి హౌస్లోకి ప్రవేశ పెడతారట. సీజన్ 7లో మొదటిసారి ఈ ప్రయోగం చేశారు. లాంచింగ్ ఎపిసోడ్ లో 14 మంది కంటెస్టెంట్స్ ని పరిచయం చేశారు. హౌస్లోకి ప్రవేశ పెట్టారు.

ఐదు వారాల అనంతరం అంబటి అర్జున్, పూజ మూర్తి, నయని పావని, భోలే షావలి, అశ్విని శ్రీ లను హౌస్లోకి పంపారు. రెండుసార్లు లాంచింగ్ ఎపిసోడ్ ప్రసారం చేయడం వలన టీఆర్పీ పరంగా ప్లస్ అవుతుంది. సీజన్ 8 లాంచింగ్ ఎపిసోడ్ లో ఎంపికైన కొందరు కంటెస్టెంట్స్ మాత్రమే పరిచయం చేస్తారని సమాచారం..