Thandel Day 1 Collections: దుమ్మురేపుతున్న `తండేల్‌` కలెక్షన్లు.. నాగచైతన్య కెరీర్‌లోనే హైయ్యెస్ట్ ?

Thandel Day 1 Collections: నాగచైతన్య, సాయిపల్లవి జంటగా నటించిన `తండేల్‌` మూవీ శుక్రవారం విడుదలై పాజిటివ్‌ టాక్‌ని తెచ్చుకుంది. కలెక్షన్ల పరంగానూ ఇది దుమ్మురేపుతుంది.   

Thandel Movie Collection

Thandel Day 1 Collections: నాగచైతన్య, సాయిపల్లవి జంటగా నటించిన `తండేల్‌` మూవీ శక్రవారం ఆడియెన్స్ ముందుకు వచ్చింది. చాలా వరకు పాజిటివ్‌ టాక్‌తో రన్‌ అవుతుంది. నాగచైతన్య, సాయిపల్లవి నటనే సినిమాకి హైలైట్‌గా నిలిచింది.

ముఖ్యంగా సాయిపల్లవి తనదైన యాక్టింగ్‌తో ఆడియెన్స్ ని ఎంగేజ్‌ చేసింది. తన ప్రేమ కథతో రక్తికట్టించింది. ఆడియెన్స్ హృదయాన్ని కదిలిచింది. అలాగే పాకిస్థాన్‌ ఎపిసోడ్స్ లో, క్లైమాక్స్ లో చైతూ రెచ్చిపోయాడు. 

పాజిటివ్‌ టాక్‌తో తండేల్‌..

మొత్తంగా `తండేల్‌` మూవీ పాజిటివ్‌ టాక్‌ కలెక్షన్ల పరంగానూ బూస్ట్ ఇస్తుంది. లేటెస్ట్ సమాచారం మేరకు ఈ మూవీ నాగచైతన్య కెరీర్‌లో బెస్ట్ ఓపెనింగ్స్ తీసుకుంటుందని తెలుస్తుంది.

ఆయన కెరీర్‌లో హైయ్యెస్ట్ ఓపెనింగ్స్ రాబట్టే మూవీగా నిలుస్తుందని సినీ వర్గాలు, ట్రేడ్‌ పండితులు చెబుతున్నారు. ఫస్ట్ డే కంప్లీట్‌ అయ్యింది. ఇప్పటికే ఓ క్లారిటీ వచ్చింది. అయితే టీమ్‌ ఇంకా కలెక్షన్లని ప్రకటించలేదుగానీ, ప్రస్తుతం కొన్ని ఫీగర్స్ సోషల్‌ మీడియాలో వైరల్‌ అవుతున్నాయి. 

నాగచైతన్య కెరీర్‌లోనే హైయ్యెస్ట్‌ ఓపెనింగ్స్..

`తండేల్‌` మూవీ ఫస్ట్ డే సుమారు రూ. 18కోట్ల గ్రాస్‌ రాబట్టినట్టు సమాచారం. సుమారు పది కోట్ల షేర్‌ ఓపెనింగ్స్ ద్వారా రాబట్టమంటే మామూలు విషయం కాదు. చైతూ కి వరుసగా మూడు నాలుగు పరాజయాలున్నాయి. అయినా ఈ రేంజ్‌లో కలెక్షన్లు అంటూ గొప్ప విసయమే. ఈ మూవీ మరింతగా పుంజుకునే అవకాశం ఉంది.

`తండేల్‌` తెలుగుతోపాటు, తమిళం, హిందీలో కూడా విడుదలైంది. తెలుగులోనే మేజర్‌గా కలెక్షన్లని సాధించింది. తమిళంలో అంతగా ప్రభావం లేదని, హిందీలోనూ ప్రభావం చూపించలేదని తెలుస్తుంది. అయితే నార్త్‌లో కాస్త పుంజుకునే అవకాశాలు కనిపిస్తుంది. శని, ఆదివారాల్లో అక్కడి రెస్పాన్స్ ని బట్టి ఫలితం ఆధారపడి ఉంటుంది. 

`తండేల్‌` 500 కోట్లు పక్కా..

చందూ మొండేటి దర్శకత్వం వహించిన `తండేల్` సినిమాని సుమారు వంద కోట్లతో ఈ మూవీని రూపొందించారు అల్లు అరవింద్‌, బన్నీ వాసు. తానే సొంతంగా రిలీజ్‌ చేశారు. ఈ మూవీ సుమారు 150-200కోట్లు వసూలు చేస్తేనే నిర్మాతలు సేఫ్‌లో ఉంటారు. ప్రస్తుతం ఉన్న టాక్‌ని బట్టి చూస్తే అది సాధ్యమే అనిపిస్తుంది. ఏం జరుగుతుందో చూడాలి.

అయితే ఓవర్సీస్‌లో ఈ మూవీకి మంచి రెస్పాన్స్ దక్కుతుంది. అక్కడ రూ3.7కోట్లు రాబట్టిందని అంటున్నారు. ఇదే నిజమైతే ఓవర్సీస్‌లో చైతూ దుమ్ములేపబోతున్నారని చెప్పొచ్చు. ఇదిలా ఉంటే ఈ మూవీ కలెక్షన్లపై సెటైర్లు పేలుస్తున్నారు కొందరు నెటిజన్లు. ఈ మూవీ రూ.500కోట్లు పక్కా అంటున్నారు. మరి నిజంగా ఆ స్థాయిలో రీచ్‌ ఉంటుందా? అనేది చూడాలి. 

సాయిపల్లవి పెద్ద అసెట్‌..

కలెక్షన్ల పరంగా `తండేల్‌` మూవీకి సాయిపల్లవి పెద్ద అసెట్‌గా నిలవబోతుంది. ఎందుకంటే ఆమె చివరగా `అమరన్‌` మూవీతో అదరగొట్టింది. మ్యాజిక్‌ చేసింది.ఆ మూవీ ప్రపంచ వ్యాప్తంగా రూ. 350కోట్లకుపైగా కలెక్షన్లు సాధించింది. మార్కెట్‌ విస్తరించడంలో భాగమైంది. దీంతో ఆమె నుంచి వస్తున్న సినిమా కావడంతో జనాలకు రీచ్‌ ఎక్కువగా ఉంటుంది.

అది కలెక్షన్ల పరంగా ప్రభావం చూపించబోతుందని ట్రేడ్‌ పండితులు అంటున్నారు. ఏదేమైనా లవ్‌ స్టోరీ, ప్రేమకోసం చైతూ, సాయిపల్లవి పడే స్ట్రగుల్స్, పాకిస్థాన్‌ జైల్ నుంచి విడుదల కావడానికి చోటు చేసుకున్న నాటకీయ పరిణామాలు సినిమాకి పెద్ద హైలైట్‌గా నిలిచాయి.