2024 సంక్రాంతి బరిలో మహేష్ బాబు కొడుకు కూడా... ఆ సినిమా ఏంటంటే?

సంక్రాంతి పోరును సినిమా లవర్స్ ప్రత్యేకంగా చూస్తారు. బడా బడా స్టార్స్ పెద్ద పండగకు తమ సినిమాలు విడుదల చేస్తారు. సాధారణంగానే గట్టి పోటీ ఉంటుంది. తెలుగు రాష్ట్రాల్లో వందల థియేటర్స్ మూతపడ్డాక ప్రతి సంక్రాంతికి థియేటర్స్ సమస్య ఎదురవుతుంది. 
 

ఈ ఏడాది సంక్రాంతి సీజన్ పై ఆరు చిత్రాలు కన్నేశాయి. గుంటూరు కారం, హనుమాన్, నా సామిరంగ, సైంధవ్ లతో పాటు రవితేజ ఈగిల్, విజయ్ దేవరకొండ ఫ్యామిలీ స్టార్ చిత్రాలు సంక్రాంతికి రావాలనుకున్నాయి. దిల్ రాజు మొదట్లోనే ఫ్యామిలీ స్టార్ ని వాయిదా వేసుకున్నాడు. చర్చల అనంతరం ఈగిల్ నిర్మాతలు వెనక్కి తగ్గారు.

దాంతో మిగతా నాలుగు చిత్రాలు సంక్రాంతి కానుకగా విడుదల అవుతున్నాయి. కాగా సంక్రాంతి బరిలో మహేష్ కొడుకు కూడా ఉన్నాడు. అతడు మహేష్ కి సవాల్  విసురుతున్నాడు. మాకు తెలియని మహేష్ కొడుకు సినిమా ఏంటి అనుకుంటున్నారా? అదే హనుమాన్. 

తేజా సజ్జా ఒకప్పటి మహేష్ కొడుకు. అయితే రియల్ కొడుకు కాదు రీల్ కొడుకు అన్నమాట. చిన్నప్పటి నుండే తేజా సినిమాల్లో నటిస్తున్నాడు. మహేష్ బాబు నటించిన యువరాజు చిత్రంలో తేజ సజ్జా కొడుకుగా కనిపించాడు. సిమ్రాన్-మహేష్ ల కొడుకు పాత్ర చేశాడు. 
 

అప్పటి మహేష్ రీల్ సన్ ఇప్పటి తేజా సజ్జా అన్నమాట. తన సినిమాలో చైల్డ్ ఆర్టిస్ట్ గా చేసిన తేజా సజ్జా బహుశా తనకు పోటీగా సినిమా విడుదల చేస్తాడని మహేష్ అప్పుడు భావించి ఉండడు. విధి విచిత్రం అంటే అదే కదా మరి. మహేష్ గుంటూరు కారం, తేజా సజ్జా హనుమాన్ జనవరి 12న ఒకే రోజు విడుదల అవుతున్నాయి..