టాలీవుడ్ లో రివర్స్ కాస్టింగ్ కౌచ్, దానికి రెడీ అని హీరోయిన్లే ఛాన్స్ ఇస్తారు, బాంబు పేల్చిన తమ్మారెడ్డి

15

Tammareddy Bharadwaja

టాలీవుడ్ లో కాస్టింగ్ కౌచ్ గురించి చాలా ఏళ్లుగా చర్చ జరుగుతూనే ఉంది. అవకాశాల పేరుతో దర్శక నిర్మాతలు హీరోయిన్లని వేధించే సంఘటనలు తరచుగా వెలుగులోకి వస్తున్నాయి. కొంతమంది నటీమణులు తమకి అలాంటి చేదు అనుభవాలు ఎదురయ్యాయి ఓపెన్ గా చెబుతున్నారు. కొంతమంది హీరోయిన్లు అవకాశాల కోసం కాస్టింగ్ కౌచ్ కి లొంగుతారని కూడా కొందరు చెబుతుంటారు. 

25

మరికొందరు అయితే పెద్ద హీరోల సినిమాల్లో ఛాన్సులు ఇస్తామని నమ్మించి వారిని లైంగికంగా లోబరుచుకోవడం, ఆర్థికంగా దోచుకునే సంఘటనలు కూడా వెలుగులోకి వచ్చాయి. దీనిపై టాలీవుడ్ దర్శక నిర్మాత తమ్మారెడ్డి భరద్వాజ సంచలన వ్యాఖ్యలు చేశారు. ఇండస్ట్రీలో క్యాస్టింగ్ కౌచ్ అనేది ఉండొచ్చు. కాకపోతే అది చాలా తక్కువ శాతం మాత్రమే. అందరూ అలా ఉండరు కదా. 10 శాతం మంది మాత్రమే కాస్టింగ్ కౌచ్ పేరుతో అమ్మాయిలని వేధించే వారు ఉంటారు. 

35

tammareddy

ఎలాగైనా సినిమా ఛాన్స్ కావాలి అని భావించే అమ్మాయిలు కాస్టింగ్ కౌచ్ కి లొంగుతారు అని తమ్మారెడ్డి అన్నారు. అయితే టాలీవుడ్ లో రివర్స్ కాస్టింగ్ కౌచ్ కూడా ఉందని తమ్మారెడ్డి బాంబు పేల్చారు. రివర్స్ కాస్టింగ్ కౌచ్ అంటే నేరుగా అమ్మాయిలే వచ్చి దర్శకులకు ఆఫర్ ఇస్తారట. సినిమాలో ఛాన్స్ ఇస్తే తాము దేనికైనా రెడీ అని ఓపెన్ గా చెబుతారట. అలాంటి సంఘటన తనకి రెండు మూడు సార్లు ఎదురైంది అని తమ్మారెడ్డి అన్నారు. 

45

కొంతమంది దర్శకులు అడగడానికి మొహమాటపడి సైలెంట్ గా ఉన్నారేమో.. మనమే వాళ్ళకి ఆఫర్ ఇస్తే సినిమాలో ఛాన్స్ వస్తుంది కదా అని భావించే హీరోయిన్లు ఉంటారు. వాళ్లే దర్శకుల దగ్గరకి వెళ్లి ఓపెన్ గా ఆఫర్ ఇస్తారు అని తమ్మారెడ్డి అన్నారు. తమ్మారెడ్డి చేసిన సంచలన వ్యాఖ్యలు వైరల్ అవుతున్నాయి. తమ్మారెడ్డి వ్యాఖ్యలపై సోషల్ మీడియాలో భిన్నాభిప్రాయాలు వ్యక్తం అవుతున్నాయి. 

55

తాను మాత్రం తన హీరోయిన్లని తన ఇంట్లో ఆడపిల్లల్లాగే చూసుకునేవాడిని అని తమ్మారెడ్డి అన్నారు. ఒకరిద్దరు హీరోయిన్లు ఇలా బ్యాడ్ గా బిహేవ్ చేసినా వాళ్ళని పట్టించుకునే వాడిని కాదని అన్నారు.