Brahmamudi: ప్లాన్ పాడైనందుకు రగిలిపోతున్న తల్లి కొడుకులు.. రాజ్ కే వార్నింగ్ ఇస్తున్న స్వప్న?

Brahmamudi: స్టార్ మా లో ప్రసారం అవుతున్న బ్రహ్మముడి సీరియల్ మంచి రేటింగ్ ని సంపాదించుకుంటూ టాప్ సీరియల్స్ కి గట్టి పోటీని ఇస్తుంది. నడమంత్రపు సిరి తో రెచ్చిపోతున్న  ఒక పొగరుబోతు ఆడపిల్ల కథ ఈ సీరియల్. ఇక ఈరోజు జూలై 28 ఎపిసోడ్ లో ఏం జరిగిందో చూద్దాం.

 ఎపిసోడ్ ప్రారంభంలో నువ్వు ఎలాంటి పరిస్థితుల్లో ఈ ఇంట్లోకి అడుగు పెట్టావో మర్చిపోయి ప్రవర్తిస్తున్నావు. మర్యాదగా చెప్పిన మాట వింటే బాగుంటుంది లేదంటే కూతురవని కూడా చూడను అంటూ వార్నింగ్ ఇస్తుంది కనకం. సీతారామయ్య దంపతుల వైపు తిరిగి చేయటం జోడించి క్షమాపణ కోరుతుంది దానిని గారాబం చేశాను అందుకే అలా తయారయింది నన్ను క్షమించండి అని వేడుకుంటుంది.

 ఒకరి తప్పుకి ఒకరు ఎప్పుడు బాధ్యులు కారు. మేము తప్పు చేస్తే మందులు ఇస్తాం అంతేకానీ ఇంట్లోంచి బయటికి నెట్టేసే పరిస్థితి తీసుకురాము అంటారు సీతారామయ్య దంపతులు. మనకి ఈ గుడిలో ఉండే అర్హత లేదు పదా వెళ్లిపోదాం  అంటాడు కృష్ణమూర్తి. మీరు ఏదో పని మీద వచ్చినట్లు ఉన్నారు అంటుంది చిట్టి. సాంప్రదాయంగా సూడుదులు ఇద్దామని వచ్చాను కానీ దీని ప్రవర్తన చూస్తే మాకే అసహ్యం గా ఉంది నిజంగా మీ సంస్కారానికి మా నమస్కారం అంటుంది కనకం.

అలా అనకండి కడుపుతో ఉన్న పిల్లకి మీరే ఒడినింపండి అని చెప్పి ఒప్పిస్తారు చిట్టి దంపతులు. స్వప్నకి కనకం దంపతులు వొడి నింపుతారు. అందరూ ఆశీర్వచనం చేస్తారు. సీన్ కట్ చేస్తే ప్లాన్ ప్లాప్ అయినందుకు ఫ్రస్టేషన్ తో రగిలిపోతూ ఉంటారు రుద్రాణి, రాహుల్. కరెక్ట్ సమయానికి కనకం వచ్చి ప్లాన్ మొత్తం ప్లాప్ చేసింది తను రాకపోయి ఉంటే ఈపాటికి స్వప్నని బయటకు పంపించేసేవాళ్ళం అంటాడు రాహుల్. పోనీలే ఈ ఛాన్స్ కాకపోతే ఇంకొక ఛాన్స్ ఉంటుంది అంటుంది రుద్రాణి.

ఎలా అమ్మ.. మళ్లీ అలాంటి ఛాన్స్ దొరకదు అంటాడు రాహుల్. స్వప్న కావ్య లాగా తెలివైనది కాదు. ఏమి పర్వాలేదు మళ్లీ మళ్లీ ఛాన్సులు ఇస్తూనే ఉంటుంది అంటుంది రుద్రాణి.  మరోవైపు కూతురు చేసిన పని తోటి కోడలు చెప్పి ప్రెస్టేట్ అవుతూ ఉంటుంది కనకం. చేసిన పనికి స్వప్న నెత్తి మీద బండరాయి వేయడం మానేసి అక్షింతలు వేసి వచ్చారు అని కోప్పడుతుంది అప్పు. నువ్వు ముందు ఇలాంటి బట్టలు వేయడం మానేయ్. ఇప్పుడు స్వప్న అలా ప్రవర్తిస్తున్నందుకు నన్నే అంటున్నారు.

 రేపు పొద్దున్న  నీ వల్ల కూడా నేను తిట్లు తినాలి అంటుంది కనకం. పెద్ద దాని మీద కోపం దీని మీద చూపిస్తావ్ ఎందుకు అది ఎలా ఉంటుందో అలాగే ఉండనీ అని కూతుర్ని వెనకేసుకొస్తాడు కృష్ణమూర్తి. తండ్రి మాటలకి అప్పు ఆనందంగా వెళ్ళిపోతే కనకం మాత్రం కోపంతో వంటగదిలోకి వెళ్ళిపోతుంది. మరోవైపు స్వప్న చేసిన పనికి బాధపడుతూ ఉంటారు చిట్టి దంపతులు. అది పైనుంచి చూస్తారు రాజ్ దంపతులు.

 నిజంగా అక్క చేసిన పనికి అమ్మమ్మ గారి వాళ్ళు బాధపడుతున్నారు అంటూ భర్తకి సారీ చెప్తుంది కావ్య. ఇంతమంది బాధపడుతున్నా కూడా ఇంకా తను ఏమి తప్పు చేయలేదు అనుకుంటుంది అది నాకు నచ్చలేదు అని కావ్యకి చెప్పి గదిలోకి వెళ్ళిపోతాడు రాజ్. కావ్య నేరుగా స్వప్న దగ్గరికి వెళ్లి నీ జీవితాన్ని నువ్వే చేజేతులా నాశనం చేసుకుంటున్నావు. నీ సంసారాన్ని పాడు చేసుకోవద్దు అని సలహా ఇస్తుంది.

నువ్వేంటి నాకు చెప్పేది నాకు పేరు వస్తుందని నీకు కుళ్ళు. వెళ్లి నీ వంట పని, పాచి పని చేసుకో నీ బ్రతుకంటే అంటూ చులకనగా మాట్లాడుతుంది స్వప్న. నీ మంచికే చెప్తున్నాను నీ భర్త భర్త నిన్ను ఇంట్లోంచి బయటికి వెళ్లాలని చూస్తున్నారు వాళ్లకి ఆ అవకాశం ఇవ్వొద్దు అని మంచిగా చెప్తుంది కావ్య. ముందు నీ మొగుడు నిన్ను తరిమేయకుండా చూసుకో అని పొగరుగా మాట్లాడుతుంది స్వప్న.

 తరువాయి భాగంలో 30 లక్షలు ఇచ్చి ఆడ్ రాకుండా ఏజెన్సీ వాళ్ళతో మాట్లాడాను ఇంకా ఆ యాడ్ రాదు అని చిట్టి వాళ్ళతో చెప్తాడు రాజ్. ఆ మాటలు విన్న స్వప్న కోపంతో రెచ్చిపోతుంది. అలా చేయటానికి నీకేం హక్కు ఉంది నా విషయంలో తలదూర్చొద్దు అంటూ వార్నింగ్ ఇస్తుంది. తన భర్తని అలా అనేసరికి కావ్యకి కోపం వస్తుంది. పళ్ళు రాలగొడతాను అంటూ అక్క మీద ఫైర్ అవుతుంది.