Brahmamudi: పెళ్లి జరగదంటూ షాకిచ్చిన రాహుల్.. నడిరోడ్డు మీద చెల్లితో ఛాలెంజ్ చేసిన స్వప్న!

Brahmamudi: స్టార్ మా లో ప్రసారం అవుతున్న బ్రహ్మముడి సీరియల్ మంచి రేటింగ్ ని సంపాదించుకుంటూ ప్రేక్షకుల హృదయాలని గెలుచుకుంటుంది. ప్రేమించిన వాడి చేతిలో పదేపదే మోసపోతున్న ఒక ప్రేమికురాలి కథ ఈ సీరియల్. ఇక ఈరోజు మే 18 ఎపిసోడ్ లో ఏం జరిగిందో చూద్దాం. 

 ఎపిసోడ్ ప్రారంభంలో స్వప్నని కంగారుపెట్టి అక్కడి నుంచే లాక్కొచ్చేస్తాడు రాహుల్. కారులో కూర్చున్న స్వప్న ఎందుకు అంత కంగారుగా లాక్కొచ్చేస్తున్నావు అని రాహుల్ ని అడుగుతుంది. అంతలోనే రాజ్ వాళ్ళని చూసి కావ్య వాళ్లు కూడా ఇక్కడే ఉన్నారు నేను రాజ్ తో మాట్లాడాలి అంటుంది సప్న. ఇప్పుడు కాదు అసలే రాదు నా మీద కోపంగా ఉన్నాడు అంటూ  కంగారు గా ఆమెని అక్కడి నుంచి తీసుకుని వెళ్ళిపోతాడు రాహుల్.

 మరోవైపు ఇంట్లో కొత్త కోడలు కనిపించడం లేదు అంటూ కంగారుగా చెప్పింది రుద్రాణి. ఇంట్లో  అవమానాలు పడుతూ తను మాత్రం ఎన్ని రోజులని ఉంటుంది అంటూ నిష్టూరంగా మాట్లాడుతుంది ధాన్యలక్ష్మి.  అపర్ణ గురించి అలా తప్పుగా మాట్లాడకు అంటూ మందలిస్తుంది చిట్టి. మీలో మీరు కొట్టుకు చావండి నేను చూసి ఆనందిస్తాను అని మనసులో అనుకుంటుంది రుద్రాణి.

 మరోవైపు ఆఫీసులో రాజ్ ని టిఫిన్ చేయమంటుంది కావ్య. వడ్డించమంటాడు రాజ్. ఆమె వడ్డించే లోపల డిజైనర్ వచ్చి తన  హారం డిజైన్ చూపిస్తుంది. డిజైన్ బాగోలేదని ఆమెని నానా చివాట్లు  పెట్టి పంపిస్తాడు రాజ్. ఇంతలో సుభాష్ వాళ్ళు రాజ్ రూమ్ కి వస్తారు. అక్కడ కావ్య ని చూసి ఏంటి సర్ప్రైజ్ నువ్వేంటి ఇక్కడ ఉన్నావు అని అడుగుతాడు సుభాష్. వాళ్ళ ఆయన కోసం టిఫిన్ తీసుకొచ్చి ఉంటుంది అని నవ్వుతాడు సుభాష్ వాళ్ళ తమ్ముడు.

 మరి మాకు లేదా అంటాడు సుభాష్. అందరికీ తెచ్చాను అంటుంది కావ్య. కానీ ఇప్పుడు మీటింగ్ ఉంది అంటాడు సుభాష్. టిఫిన్ చేసి మీటింగ్ కి వెళ్ళండి అంటుంది కావ్య. టిఫిన్ కోసం మీటింగ్  పోస్ట్ పోన్ చేయొద్దు అని రాజ్ చెప్పడంతో ముగ్గురూ మీటింగ్ కి వెళ్తారు. ఇందాక ఆ అమ్మాయిని చాలా గట్టిగా తిట్టేశారు నెమ్మదిగా చెప్పొచ్చు కదా ఆ అమ్మాయి బాధపడుతుందేమో అనుకుంటూ ఆ డిజైనర్ దగ్గరికి వెళుతుంది.

 ఏడుస్తున్న ఆమెని చూసి చిన్న చిన్న కారణాలకే ఆడవాళ్లు కన్నీళ్లు పెట్టకూడదు అంటూ డిజైన్ కి చిన్న చిన్న మార్పులు చేసి అందంగా తయారు చేసి ఇస్తుంది కావ్య. ఈ డిజైన్ నేను వేశానని మాత్రం చెప్పొద్దు లేదంటే నీ ఉద్యోగం ఊడిపోగలదు జాగ్రత్త అని హెచ్చరించి వెళ్లిపోతుంది కావ్య. మరోవైపు మన పెళ్లి ఇకమీదట జరగదు మన సంగతి మన ఇంట్లో తెలిసిపోయింది.

 అసలే నీ గురించి బాడ్ ఇంప్రెషన్ లో ఉన్న వాళ్ళు నిన్ను పెళ్లి చేసుకుంటే నన్ను కూడా బయటికి పంపించేస్తానన్నారు. గొప్పింటి కోడలు కావాలనే నీ కల కలగానే మిగిలిపోతుంది. ఇప్పటికైనా నాకోసం నువ్వు చాలా కష్టాలు పడ్డావు ఇకనైనా సుఖంగా ఉండు అంటాడు రాహుల్. పెద్దవాళ్లు అలాగే అంటారు అలా అని మనల్ని వదులుకోలేరు కదా నేను మాట్లాడుతాను మీ పెద్ద వాళ్లతో అంటుంది స్వప్న.

చెప్పిన వినే పరిస్థితుల్లో లేరు నీ చెల్లెలు నీ గురించి అంత బాడ్ గా ఇంట్లో చెప్పింది. అసలు ఆ ఇంట్లో పెద్ద శత్రువు నీ చెల్లెలే అంటూ కావ్య మీద లేనిపోనివి చెప్తాడు రాహుల్. మరోవైపు కోడలు పెట్టిన టిఫిన్ తింటూ ఆ టిఫిన్ ని తెగ మెచ్చుకుంటారు సుభాష్, అతని తమ్ముడు. నువ్వు కాంప్లిమెంట్స్ ఇవ్వవా అని రాజ్ ని అడుగుతాడు సుభాష్. అంతలోనే డిజైనర్ ఇందాక కావ్య సరిచేసిన డిజైన్ ని తీసుకొని వస్తుంది.అది చూసిన రాజ్ ఇంప్రెస్ అవుతాడు.

ఇదేదో ముందే వేయొచ్చు కదా తిట్లు తింటేనే కానీ పని చేయవా అంటూ ఆ డిజైన్ ని మెయిల్ చేయమంటాడు రాజ్. డిజైనర్ రాజ్ కి థాంక్యూ చెప్పి కావ్యకి కళ్ళతోనే థాంక్స్ చెప్తుంది. ఇందాక ఆ డిజైన్ చూస్తానన్నావు నువ్వు గాని వేలు పెట్టి ఉంటే ఈ పెసరట్టు లాగే అది కూడా చండాలంగా వచ్చేది అని కావ్యని చులకనగా మాట్లాడుతాడు రాజ్.అలా మాట్లాడొద్దు అంటూ సుభాష్ కొడుకుని మందలిస్తాడు. ఆ తర్వాత కావ్య ఆటోలో ఇంటికి వెళ్తూ ఉంటుంది.

తరువాయి భాగంలో స్వప్నని ఆటో నుంచి చూసి ఆమె దగ్గరికి వస్తుంది కావ్య. కావ్యని చూస్తూనే మండిపడుతుంది స్వప్న. నన్ను రాహుల్ ని విడతీయటానికి నువ్వు ఎన్ని ఎత్తులు వేస్తున్నావో నాకు తెలుసు అంటుంది. నన్ను నువ్వు పూర్తిగా అపార్థం చేసుకుంటున్నావు అని కావ్య చెప్పినా వినిపించుకోకుండా మా పెళ్లి జరగకుండా ఎలా ఆపుతావో నేను చూస్తాను అంటూ కావ్య తో ఛాలెంజ్ చేస్తుంది స్వప్న.