కృష్ణ రిజెక్ట్ చేసిన సినిమాతో స్టార్‌ అయిపోయిన హీరో ఎవరో తెలుసా? చిరంజీవి కాదు.. ఏకంగా తనకే పోటీ

సూపర్‌ స్టార్‌ కృష్ణ టాలీవుడ్‌లో డేరింగ్‌ పర్సనాలిటీకి కేరాఫ్‌. ఆయన ఎన్నో సాహసోపేతమైన చిత్రాలు చేసి మెప్పించారు. కమర్షియల్‌గా విజయాలు సాధించారు. అంతేకాదు సినిమాకి సంబంధించి టెక్నీకల్‌గా ఆయనే తెలుగు సినిమాకి పరిచయం చేశారు. సినిమా స్కోప్‌, 70ఎంఎం, కలర్‌ చిత్రాలను పరిచయం చేసింది ఆయనే కావడం విశేషం. నిర్మాతలు మెచ్చిన హీరో కూడా కృష్ణనే కావడం విశేషం. 

krishna

కృష్ణ సినిమాల్లోకి రావడమనేది విచిత్రంగా జరిగింది. ఎన్టీఆర్‌ని అభిమానించిన ఆయన ఏఎన్నార్ ని చూసి సినిమాల్లోకి వచ్చారు. కానీ మొదట కలిసింది మాత్రం ఎన్టీఆర్‌నే. సినిమా అవకాశాలు ఇవ్వాలని అడగ్గా, ఆయన రెండేళ్ల తర్వాత రమ్మన్నాడట.

 అలా కాదని చెప్పి డైరెక్ట్‌ గా ప్రయత్నాలు చేయగా, ఏఎన్నార్‌ `కులగోత్రాలు` చిత్రంలో చిన్న రోల్‌లో నటించాడు. నాలుగేళ్ల తర్వాత `తేనే మనుషులు` చిత్రంతో హీరోగా టర్న్ తీసుకున్నాడు. `గూఢచారి 116`తో హీరోగా బ్రేక్‌ అందుకున్నారు. స్టార్‌ అయిపోయారు. 

krishna, sobhan babu

`గూఢచారి 116` మూవీకి మొదట హీరో కృష్ణ కాదు. శోభన్‌ బాబుని అనుకున్నారు. కానీ జయలలిత తల్లి కారణంగా అందులో హీరో మారిపోయారు. శోభన్‌ బాబుని చూసి ఏంటి ఇలా ఉన్నాడు, ఈయన పక్కన అయితే మా అమ్మాయి నటించదు అన్నారట.

దీంతో దర్శక, నిర్మాతలు చేసేదేం లేక సెకండ్‌ లీడ్‌గా ఉన్న కృష్ణని మెయిన్‌ హీరోగా చేశారు. సోగ్గాడిని సెకండ్‌ లీడ్‌గా చేశాడు. ఈ మూవీ సంచలన విజయం సాధించింది. దీంతో శోభన్‌ బాబు స్టార్‌ కావాల్సింది, కృష్ణ స్టార్‌ అయిపోయారు. 

ఆ తర్వాత శోభన్ బాబు చాలా కాలం స్ట్రగుల్‌ అయ్యారు. సోలో హీరోగా సినిమాలు పడలేదు, చేసినా పెద్దగా ఆడలేదు. ఆయన 1959లో సినిమాల్లోకి వస్తే, పదేళ్ల పాటు స్ట్రగుల్‌ అయ్యారు. చివరికి `మనుషులు మారాలి` చిత్రంతో ఫస్ట్‌ బ్రేక్‌ అందుకున్నాడు. అయితే ఈ మూవీని మొదట చేయాల్సింది సూపర్‌ స్టార్‌ కృష్ణనే. దర్శక, నిర్మాతలు కృష్ణకి అడ్వాన్స్ కూడా ఇచ్చారు. సినిమాని ఓకే చేశారు. 

sobhan babu

ఆ సమయంలో సూపర్‌ స్టార్‌ చాలా బిజీగా ఉన్నారు. స్టార్‌గా రాణిస్తుండటంతో వరుసగా ఆఫర్లు క్యూ కట్టాయి. మూడు షిఫ్టుల్లో పని చేస్తున్నారు. దీంతో `మనుషులు మారాలి` మూవీకి డేట్స్ అడ్జస్ట్ చేయలేకపోయారు. అలా ఈ మూవీని ఆయన రిజెక్ట్ చేయాల్సి వచ్చింది.

ఆ తర్వాత ఈ ప్రాజెక్ట్ శోభన్‌ బాబు వద్దకు వచ్చింది. తనకు ఇదే మంచి ఛాయిస్‌గా భావించిన సోగ్గాడు ఈ మూవీ చేశాడు. సూపర్‌ హిట్‌ అందుకున్నారు. కెరీర్‌ పరంగా ఫస్ట్ బ్రేక్‌ అందుకున్నారు. ఈ మూవీ వచ్సే నాటికి ఆయన 50కి పైగా చిత్రాలు చేయడం విశేషం. 

manushulu marali movie

1969లో వచ్చిన `మనుషులు మారాలి` మూవీకి వీ మధుసూధన్‌ రావు దర్శకుడు. ఇందులో శోభన్‌ బాబు, శారద జంటగా నటించారు. హరనాథ్‌, కాంచన, గుమ్మడితోపాటు కృష్ణంరాజు కీలక పాత్రలో నటంచడం విశేషం. ఈ సినిమా అప్పట్లో పెద్ద విజయం సాధించి శోభన్‌ బాబు ఇక వెనక్కి తిరిగి చూసుకోవాల్సిన అవసరం లేకుండా చేసింది. సోలో హీరోగా నిలబెట్టింది. ఈ మూవీ తర్వాత కృష్ణకే పోటీ ఇచ్చారు సోగ్గాడు.