కోట్ల ఆస్తులు పోగొట్టుకుని 50కి, 100కి అడ్డుకునే పరిస్థితికి దిగజారిన హీరోయిన్.. కారణం అతనే

Actress Girija: సినిమా రంగం ఎప్పుడు ఎలా ఉంటుందో మన చేతుల్లో ఉందడు. హీరోలైనా, హీరోయిన్ లైనా సక్సెస్‌ ఉంటే ఒకలా ఉంటుంది. లేకపోతే మరోలా ఉంటుంది. సినిమాలతో బిజీగా ఉంటే ఆ క్రేజ్‌ వేరు, లేకపోతే ఎవరూ పట్టించుకోరు. చివరికి దీన పరిస్థితిని ఎదుర్కోవాల్సిన పరిస్థితి కూడా ఎదురవుతుంది. చాలా మంది స్టార్స్ ఇలాంటి పరిస్థితిని ఫేస్‌ చేశారు. ఒకప్పుడు స్టార్స్ గా వెలిగి ఆ తర్వాత అన్నీ కోల్పోయిన రోడ్డున పడే పరిస్థితిని ఫేస్‌ చేశారు. అలాంటి వారిలో నటి గిరిజ ఒకరు.   

actress girija

Actress Girija: ఒకప్పుడు కమెడియన్లలో లేడీ కమెడియన్లు కూడా స్టార్స్ గా రాణించారు. ఇప్పుడు అలాంటి వారు తక్కువ కానీ, అప్పట్లో వారికి కూడా హీరోహీరోయిన్లకు సమాన ప్రాధాన్యత ఉండేది, అందరు సమానంగా ట్రీట్ చేసేవాళ్లు. అలాంటి లేడీ కమెడియన్లలో గిరిజ ఒకరు.

ఆమె హీరోయిన్‌గానూ మెప్పించారు. ఎన్టీఆర్‌, ఎన్నార్‌, రంగనాథ్‌, చలం, శివాజీ గణేషన్‌, జగ్గయ్య వంటి వారితోనూ సినిమాలు చేసింది. హీరోయిన్‌గా మెప్పించింది. ఆ తర్వాత లేడీ కమెడియన్‌గా పాపులర్‌ అయ్యింది. 

నటి గిరిజ `పాతాళభైరవి`, `భలే రాముడు`, `ముందడుగు`, `అప్పుచేసి పప్పు కూడు`, `దైవబలం`, `పెళ్లి కానుక`, `భట్టి విక్రమార్క`, `కులదైవం`, `జగదేక వీరుని కథ`, `వెలుగు నీడలు`, `సిరిసంపదలు`, `ఆరాధన`, `పరువు ప్రతిష్ట`, `బందిపోటు`, `రాముడు భీముడు` వంటి వందల చిత్రాల్లో నటించింది.

కంకిపాడుకు చెందిన నటి గిరిజ 1950లో ఇండస్ట్రీలోకి అడుగుపెట్టింది. 1984 వరకు యాక్టివ్‌గా ఉంది. దాదాపు మూడు దశాబ్దాలపాటు నటిగా మెప్పించింది. 

అప్పట్లో స్టార్‌ హీరోల సరసన హీరోయిన్‌గా ఆ తర్వాత రేలంగి సరసన కామెడీ పాత్రలు చేసి మెప్పించింది గిరిజ. వీరిద్దరి జోడీ అప్పటి సినిమాల్లో నవ్వులు పూయించేవి. అలా బిజీగా రాణించిన ఆమె ఇప్పటి విలువతో పోల్చితే కోట్లు సంపాదించింది. కోట్ల ఆస్తులు కూడ బెట్టుకుంది.

తరాలు కూర్చొని తిన్నా కరగనంత ఆస్తులు సంపాదించారు. కానీ పెళ్లి అనేది ఆమె జీవితాన్ని మలుపుతిప్పింది. గిరిజ నటుడు సీఎస్‌ రాజు పెళ్లి చేసుకుంది. కానీ అతను తాగుడుకి బానిసయ్యాడు. తాగి వచ్చి గిరిజని చిత్ర హింసలు పెట్టాడు. సినిమాల్లో నటించకుండా చేశాడు. 

భర్త తాగి వచ్చిన మైకంలో గిరిజని కొట్టడంతో ఒకసారి తల పగిలిపోయి 14కుట్లు కూడా పడ్డాయట. నటిగా ఎంత వైభవంగా వెలిగిందో, ఇంట్లో భర్త విషయంలో అంతగా కష్టాలు పడింది. గిరిజ చేసే దాన ధర్మాలు, భర్త జల్సాలకు ఆమె ఆస్తులన్నీ కరిగిపోయాయట.

ఆస్తులన్నీ అయిపోయాక భర్త ఆమెని వదిలేశాడు. ఒంటరిని చేశాడు. దీంతో అటు సినిమా అవకాశాలు లేక, ఇటు కుటుంబం సరిగ లేక ఆమె చాలా ఇబ్బందులు పడిందట. ఆర్థికంగానూ చితికిపోయింది.

చివరికి నటి గిరిజ పరిస్థితి ఎలా అయ్యిందంటే 50కి, 100కి ఇతరుల వద్ద చేయి చాచాల్సి వచ్చేదట. పూట గడవడం కోసం అడుక్కోవాల్సిన పరిస్థితి వచ్చిందని, తన వద్దనే చాలా సార్లు డబ్బులు అడుక్కుందని నటి వై విజయ వెల్లడించారు.

అప్పులు కావడంలో పెద్ద బంగ్లాని కూడా వదిలేసి చిన్న అద్దెగడికి షిఫ్ట్ కావాల్సి వచ్చిందట. చివరికి అనాథగా ఒక బస్టాండ్‌లో చనిపోయిందట. ఈ విషయాన్ని నటి వై విజయ వెల్లడించారు. ఓ ఇంటర్వ్యూలో ఆమె ఈ విషయాలను పంచుకున్నారు. గిరిజ దయనీయ పరిస్థితిని వెల్లడించారు.