ఆ ముఖ్యమంత్రిని తన కూతురు పెళ్లికి రావద్దన్న కృష్ణ.. కారణం ఏంటంటే...?
అభిమాన సందోహాన్ని.. కన్నీటి సంద్రంలో ముంచి తిరిగిరాని లోకాలకు వెళ్లిపోయారు సూపర్ స్టార్ కృష్ణ. ఆయన మరణంతో టాలీవుడ్ లో ఒక శకం ముగిసింది. సూపర్ స్టార్ గురించి రకరకాల ఇంట్రెస్టింగ్ వార్తలు సోషల్ మీడియాలో వైరల్ అవుతున్నాయి.. ఇక తాజాగా కృష్ణకు సంబంధించి మరో న్యూస్ వైరల్ అవుతోంది.
కృష్ణ సంతానంలో తన పెద్ద కూతురు పద్మావతి వివాహాన్ని గ్రాండ్ గా చేశారు. సూపర్ స్టార్ కూతురు పెళ్ళికి తమిళ,తెలుగు ప్రముఖ సినీ తారలతో పాటు.. మంత్రులు, రాజకీయ ప్రముఖలకు ఆహ్వానాలు వెళ్లాయి. పెద్ద ఎత్తున ప్రముఖులు పెళ్ళికి హాజరయ్యారు కూడా.
అయితే ఈ పెళ్లికి అప్పటి తమిళనాడు ముఖ్యమంత్రి జయలలితని కృష్ణ ఆహ్వానించారు. అంతే కాదు ఆమె కూడా వివాహానికి తప్పకుండా వస్తానని మాట కూడా ఇచ్చారట. జయలలితతో కృష్ణ కుమంచి అనుబంధం ఉంది. వీరిద్దరి కాంబోలో 'గూఢచారి 116 సినిమా సూపర్ మిట్ అయ్యింది. ఈ సినిమాతో పాటు ఒకటి రెండు సినిమాల్లో మాత్రమే వీరు నటించారు. కాని వీరి స్నేహం మాత్రం స్ట్రాంగ్ గా ఉండేది.
అయితే గూఢచారి 116 సినిమా కృష్ణ కెరీర్ లోనే బ్రేక్ ఇచ్చిన సినిమా కావడంతో జయను లక్కీ హీరోయిన్ గా కృష్ణ భావించేవారట. ఈ చనువుతో జయలలితను పెళ్ళికి ఆహ్వానించారు సూపర్ స్టార్. అయితే ఇదే కృష్ణకు తలనొప్పులు తెచ్చిపెట్టింది. జయలలితకు అప్పట్లోనే జెడ్ క్యాటగిరీ సెక్యూరిటీ ఉండేది. ఆమె ఎక్కడికి వెళ్లినా ముందుగా ఆ ఏరియాను సెక్యూరిటీవారు తమ ఆధీనంలోకి తీసుకుని చెక్ చేసేవారు.
సెక్యూరిటీ క్లియరెన్స్ వచ్చిన తరువాతే జయలలిత ఆ ప్రాంతానికి వెళ్లేవారు. ఇక కృష్ణ కూతురు పెళ్లిరోజు, జయలలిత సెక్యూరిటీ మనుషులు పెళ్లి మండపానికి వచ్చి కృష్ణను కలిసి మొదటి మూడు వరసల్లో కూర్చున్న అందరిని లేపాలి అని అన్నారట. కాని అక్కడ కూర్చున్నది సాధారణ మనుషులు కాదు.. అప్పటి ఆంధ్రప్రదేశ్ ముఖ్యమంత్రి తో పాటు మంత్రులు సినీ రాజకీయ ప్రముఖులు ఆ వరుసలో ఉన్నారు.
వాళ్ళందరిని లేపటం కృష్ణకు నచ్చలేదట అందుకే ఒక్కరికోసం ఇంత మందిని ఎందుకు లేపాలి అని భావించిన సూపర్ స్టార్ వెంటనే జయలలితకు ఫోన్ చేసి విషయం మొత్తం వివరంగా చెప్పారట. మీరు పెళ్ళికి రావొద్దు, మీ ఆశీర్వచనాలు ఉంటే చాలు అన్నారట. అప్పుడు జయలలిత కూడా అర్ధం చేసుకుని కపుల్స్ కు విషెష్ తో పాటు...ప్లవర్ బొకే కూడా పంపించారట.
ఇలా ఒక ముఖ్యమంత్రిని తన కూతురు పెళ్లికి రావద్దు అనే పరిస్థితి వచ్చిన ఏకైక స్టార్ గా సూపర్ స్టార్ కృష్ణ నిలిచిపోయారు. ఇండస్ట్రీలో ఆయనకు చాలా రికార్డ్స్ ఉన్నాయి. ఇది కూడా అందులో ఒకటిగా నిలిచిపోయింది.