మహేష్ బాబు పార్ట్ 2 చేయాలనుకున్న మూవీ ఏదో తెలుసా, ఎందుకు కుదర్లేదంటే.. ఇంకా ఛాన్స్ ఉంది

సూపర్ స్టార్ మహేష్ బాబు ప్రతి సినిమా విషయంలో ఎన్నో జాగ్రత్తలు తీసుకుంటారు. కథ తనకి సెట్ అయ్యే విధంగా ఉంటేనే అంగీకరిస్తారు. అనవసరమైన ఎక్స్ పెరిమెంట్స్ చేయడం మహేష్ ఎప్పుడో మానేశారు. అందుకే మహేష్ నుంచి ఫ్యాన్స్ కోరుకునే చిత్రాలు వస్తున్నాయి. 

అయితే ఒక చిత్రం మాత్రం అసలు ఇది తన బాడీ లాంగ్వేజ్ కి కరెక్టేనా అని భయపడి చివరికి నటించారు. అలా భయపడి చేసిన చిత్రానికే పార్ట్ 2 కూడా ఉంటే బావుంటుంది అని మహేష్ భావిస్తున్నారు. ఈ విషయాన్ని స్వయంగా మహేష్ ఓ ఇంటర్వ్యూలో తెలిపారు. 

ఆ మూవీ ఏదో కాలేదు.. మహేష్ సీఎం గా నటించిన భరత్ అనే నేను. కొరటాల శివ.. మహేష్ బాబుకి భరత్ అనే నేను కథ బ్యాంకాక్ లో 5 గంటలు చెప్పారట.ఆ కథ మొత్తం 5 గంటలు ఉంటుంది. కానీ సినిమాలో కేవలం రెండున్నర గంటలు మాత్రమే చూపించాని. దీనితో చాలా అద్భుతమైన సన్నివేశాలు తీసేయాల్సి వచ్చింది. 

ఈ చిత్రానికి పార్ట్ 2 కూడా ఉంటే బావుంటుంది అనిపిస్తునట్లు మహేష్ తెలిపారు. కొరటాల ముందుగా ఇది సీఎం పాత్ర అని చెప్పగానే.. పాలిటిక్స్ నాకు ఎలా సెట్ అవుతాయి అని భయపడ్డా. అసలు పాలిటిక్స్ తో నాకు ఎలాంటి టచ్ లేదు అని మహేష్ తెలిపారు. 

28 ఏళ్ళ తర్వాత భారతీయుడుగా కమల్ తిరిగి వస్తున్నారు. భారతీయుడు, భరత్ అనే నేను రెండు చిత్రాల్లో మోటివ్ ఒకటే..రాజకీయ నాయకులతో పాటు సమాజం కూడా మారాలి. ఇన్నేళ్ల తర్వాత వస్తున్నప్పటికీ భారతీయుడు క్రేజ్ తగ్గలేదు. కుదిరితే భరత్ కూడా తిరిగి రావాలని మహేష్ ఫ్యాన్స్ కోరుకుంటున్నారు. 

ఆ ఛాన్స్ కూడా లేకపోలేదు. కొరటాల ప్రతి చిత్రంలో సమాజానికి సంబంధించిన అంశం ఏదో ఒకటి ఉంటుంది. మహేష్ ని సీఎం పాత్రలో చూపిస్తూ ప్రస్తుతం సమాజంలో జరుగుతున్న సంఘటనలపై ఫోకస్ చేసేలా కథ సిద్ధం చేసుకోవచ్చు.మరి భరత్ అనే నేను 2 రావాలనే మహేష్ కోరిక నెరవేరుతుందో లేదో చూడాలి.