Super Star Krishna: మహేష్ బాబుకి ఇప్పటికైనా అర్థం కావాలి..కృష్ణ ఆవేదన, ఆ మూవీ తర్వాత షాకింగ్ కామెంట్స్

మహేష్ బాబు కెరీర్ పై ఓ సందర్భంలో సూపర్ స్టార్ కృష్ణ ఆవేదన వ్యక్తం చేశారు. కృష్ణ గారి ఆవేదనకు కారణం ఏంటి ? అసలు ఆయన ఏమన్నారు అనే వివరాలు ఈ కథనంలో తెలుసుకుందాం. 

Image Credit : Asianet News

సూపర్ స్టార్ కృష్ణ

సూపర్ స్టార్ కృష్ణ వారసుడిగా మహేష్ బాబు రాజకుమారుడు చిత్రంతో హీరోగా పరిచయం అయ్యారు. రాఘవేంద్ర రావు దర్శకత్వంలో తెరకెక్కిన ఈ చిత్రం మంచి విజయం సాధించింది. తొలి సక్సెస్ ని కంటిన్యూ చేయడంలో మహేష్ బాబు కొంత కాలం బాగా తడబడ్డారు. రాజకుమారుడు తర్వాత మహేష్ చేసిన సినిమాలు వరుసగా ఫ్లాప్ అవుతూ వచ్చాయి.

Image Credit : Instagram

మహేష్ బాబు ఫ్లాప్ సినిమాలు

రాజకుమారుడు తర్వాత మహేష్ చేసిన యువరాజు, వంశీ, టక్కరి దొంగ, బాబీ చిత్రాలు బాక్సాఫీస్ వద్ద తీవ్రంగా నిరాశ పరిచాయి. మధ్యలో మురారి చిత్రం మాత్రం ఫ్యామిలీ ఆడియన్స్ ని మెప్పించి హిట్ అయింది. అయినప్పటికీ మహేష్ కి అనుకున్న స్టార్ డమ్ దక్కడం లేదు. ఆ టైంలో మహేష్ బాబు ఒక్కడు సినిమా చేశారు. గుణశేఖర్ దర్శకత్వంలో తెరకెక్కిన ఒక్కడు బ్లాక్ బస్టర్ హిట్ కావడం మాత్రమే కాదు.. మహేష్ కి మాస్ ఇమేజ్ ని సైతం తీసుకువచ్చింది.

Image Credit : urstrulymahesh/Instagram

మహేష్ సక్సెస్ తో కృష్ణకి సంతోషం

ఈ సినిమా తర్వాత సూపర్ స్టార్ కృష్ణ చాలా సంతోషించారట. అప్పటి వరకు ఉన్న తన ఆవేదనని ఓ నిర్మాత వద్ద బయటపెట్టారట. కృష్ణతో అప్పట్లో సన్నిహితంగా ఉన్న నిర్మాతల్లో అంకమ్మ రావు ఒకరు. ఆయన ఓ ఇంటర్వ్యూలో మాట్లాడుతూ తన కొడుకు మహేష్ బాబు సక్సెస్ సాధించడం కృష్ణ గారికి ఎనలేని సంతోషాన్ని ఇచ్చింది.

Image Credit : Asianet News

ఇప్పటికైనా మహేష్ కి అర్థం కావాలి

ఒక్కడు తర్వాత ఆయన నాతో ఒక మాట అన్నారు. అప్పటి వరకు మహేష్ బాబు సినిమాలు ఫ్లాప్ అవుతూ ఉండడంతో ఆవేదన వ్యక్తం చేశారు. ఇప్పటికైనా మహేష్ బాబుకు ఎలాంటి సినిమాలు చేయాలో అర్థం కావాలి అని అన్నారు. ఒక స్టార్ కొడుకుగా మహేష్ బాబు ఎలా పడితే అలా ప్రయోగాలు చేయకూడదు అనేది కృష్ణ గారి అభిప్రాయం.

Image Credit : Instagram/Mahesh Babu

ఒక్కడు మూవీ

మహేష్ బాబుని అభిమానులు మాస్ సినిమాల్లోనే కోరుకుంటారు అని కృష్ణ అన్నారు. ఒక్కడు మూవీలో మహేష్ బాబు, భూమిక జంటగా నటించారు. విలన్ గా ప్రకాష్ రాజ్ ఈ మూవీ విలక్షణ నటన అందించారు.