Prema Entha Madhuram: నిజం తెలిసి ఎమోషనలైన సుబ్బు దంపతులు.. బామ్మ పరువు కాపాడిన అను?

Prema Entha Madhuram: జీ తెలుగులో ప్రసారమవుతున్న ప్రేమ ఎంత మధురం సీరియల్ ప్రేక్షకుల హృదయాలని గెలుచుకొని టిఆర్పి రేటింగ్ లో మొదటి స్థానాన్ని సంపాదించుకుంటుంది. భర్తప్రాణాల కోసం అటు అత్తింటితో పాటు ఇటు పుట్టింటిని కూడా వదులుకున్న ఒక ఇల్లాలి కథ ఈ సీరియల్. ఇక ఈరోజు జూన్ 13 ఎపిసోడ్ లో ఏం జరిగిందో చూద్దాం. 

ఎపిసోడ్ ప్రారంభంలో బామ్మ దగ్గర నుంచి ఒక దొంగ బాబుని ఎత్తుకెళ్లిపోతాడు. బాబు కోసం అను పరిగెడుతుంది. ఆ దొంగ నేరుగా వెళ్లి ఒక ఆటోని గుద్దుతాడు. ఆటో వాడు ఆపి ఆ దొంగని మందలిస్తాడు. ఇంతలో నా బాబుని ఎత్తుకుపోతున్నాడు వాడిని పట్టుకోండి అన్నాను కేక విని వాడిని పట్టుకుంటాడు అదే ఆటోలో ఉన్న సుబ్బు దంపతులు చేతిలో ఉన్న పిల్లాడిని తీసుకుంటారు.

తల్లిదండ్రులని చూసిన అను షాక్ అయిపోతుంది. వాళ్ళకి కనిపించకుండా పక్కకు వెళ్లి దాక్కుకుంటుంది. అంతలో అక్కడికి వచ్చిన బామ్మ బాబుని తీసుకోవడం మానేసి ఇక్కడ ఎందుకు కూర్చున్నావు అని అడుగుతుంది. వాళ్లు మా అమ్మ నాన్న.. నన్ను చూస్తే తీసుకెళ్లి పోతారు నువ్వు వెళ్లి బాబు నేను తీసుకుని వచ్చేయ్ అంటూ రిక్వెస్ట్ చేస్తుంది అను.

తల్లిదండ్రుల దగ్గర కూడా దాపరికం ఎందుకు అంటుంది బామ్మ. ఇప్పుడు అవేవీ చెప్పే పరిస్థితుల్లో లేను అని బామ్మ ని  బ్రతిమాలటంతో బాబుని తీసుకురావడానికి వెళ్తుంది బామ్మ. అదే సమయంలో బాబుని చూసి సంతోష పడుతూ ఉంటారు సుబ్బు దంపతులు మన బుజ్జమ్మకి పిల్లలు పుడితే ఇలాగే ఉండేవారేమో అనుకుంటారు. ఇంతలో బాబుని తీసుకోవటానికి వస్తుంది బామ్మ. పిల్లాడు చాలా ముద్దొస్తున్నాడు అంటూ తనివి తీరా ముద్దు చేస్తుంది పద్దు. సుబ్బు కూడా బాబుని ఎందుకు వదలాలనిపించడం లేదు అంటూ తనివి తీర ముద్దు చేస్తాడు. 

పదండి మన బుజ్జమ్మ పిల్లలు వచ్చేసి ఉంటారు వాళ్లని చూడాలని ఆత్రంగా ఉంది అంటూ అక్కడ నుంచి వెళ్ళిపోతారు సుబ్బు దంపతులు. ఆ తర్వాత అను ఇంటికి వెళ్లి బుజ్జమ్మ వచ్చేసిందా పిల్లలు ఏరి అంటూ చాలా సంతోషంగా అడుగుతారు. కానీ అందరూ ముభావంగా ఉండడం చూసి ఏం జరిగింది బుజ్జమ్మ రాలేదా ఆచూకీ దొరకలేదా అంటూ కంగారుగా అడుగుతారు. ఆర్య సార్ చాలా ప్రయత్నించారు కానీ అనూజాడ దొరకలేదు ఇప్పుడు కూడా వాళ్ళని వెతకడానికే వెళ్లారు అంటుంది అంజలి. ఏడుస్తూ కూలబడిపోతుంది పద్దు. ఇంతమందిని బాధపెట్టి తను ఎందుకు ఇలా చేస్తుంది తనని ఎవరో ఏదో చేసి ఉంటారు లేకపోతే తను ఇలా చేయదు.

సుబ్బు పదా వెళ్లి స్వాములవారిని అడిగి మన బుజ్జమ్మ ఎక్కడ ఉందో కనుక్కోమందాము పదా అంటూ భర్తని పిలుస్తుంది పద్దు. అప్పటికే స్థానువు లా మారిపోయిన సుబ్బు ఉన్నట్టుండి కూలబడిపోతాడు  అతనిని చూసి అందరూ షాక్ అవుతారు. అంజలి మంచినీళ్లు తీసుకొచ్చి తాగమంటుంది. బాధ భరించలేని సుబ్బు ఏడుస్తూ నేను ఈ బాధ భరించలేను ఇంతకంటే చచ్చిపోవటం నయం. తను లేకపోతే ఈ తండ్రి బ్రతకలేడని బుజ్జమ్మకి తెలియదా అయినా తను ఎందుకు ఇలా చేస్తుంది మనతో కూడా చెప్పుకోలేనంత దూరం పెరిగిపోయిందా.. 

ఈ ఉయ్యాల చూడు మీ మనవడు మనవరాలు లేరు అంటూ మనల్ని వెక్కిరిస్తున్నట్లుగా ఉంది. ఇంకా మనం బ్రతికుండీ ఏం ఉపయోగం బాగా ఎమోషనల్ అవుతాడు సుబ్బు. మరోవైపు కింద పడుకున్న పిల్లల్ని చూసి కోటీశ్వరుల బిడ్డలు ఇలా కట్టుకునేల మీద పడుకోవడం ఏమిటమ్మా కనీసం నువ్వు నీ తల్లిదండ్రుల దగ్గరికైనా వెళ్లి ఉండొచ్చు కదా అంటుంది బామ్మ. ఆయనని కాదని నేను పుట్టింట్లో ఉంటే వాళ్లు మనశాంతిగా ఉండలేరు. అందుకే నేను అందరికీ దూరంగా ఉంటాను అంటూ అక్కడి నుంచి వెళ్ళిపోతుంది అను. ఇలాంటి కష్టం పగవాడికి కూడా రాకూడదు అనుకుంటుంది బామ్మ.

అదే సమయంలో ఇంటి ఓనర్ వచ్చి ఆరు నెలల నుంచి అప్పు డబ్బులు, అద్దె డబ్బులు రెండూ ఇవ్వటం లేదు రేపటికల్లా ఇస్తే సరే సరి లేదంటే ఇల్లు ఖాళీ చేయు అని బెదిరిస్తాడు. నా పరువు తీయొద్దు వ్యాపారం సరిగ్గా సాగటం లేదు ఒక నెల రోజులు గడువు ఇవ్వండి మొత్తం తీర్చేస్తాను అంటుంది  బామ్మ. ఇన్నాళ్లు లేనిది ఇప్పుడు ఎలా తీరుస్తావు అంటాడు ఓనర్.

ఇవి తీసుకుని బామ్మ బాకీ రద్దు చేయండి అని తన తాళిబొట్టు చూపిస్తుంది అను. అలా చేయటానికి బామ్మ ఒప్పుకోదు. నువ్వు ఇవ్వవు ఆవిడని ఇవ్వనివ్వవు అంటూ బలవంతంగా అను దగ్గర తీసుకొని అక్కడ నుంచి వెళ్ళిపోతాడు హౌస్ ఓనర్. నీకు నీడనిచ్చినందుకు ఈరోజు నా పరువు కాపాడేవు అంటూ అనుకి కృతజ్ఞతలు చెప్తుంది బామ్మ. తర్వాత ఏం జరిగిందో రేపటి ఎపిసోడ్ లో చూద్దాం.