Keerthy Suresh: 13 ఏళ్లుగా క్లాస్ మేట్ తో వ్యవహారం... స్టార్ హీరోయిన్ కీర్తి సురేష్ ఎఫైర్ లీక్డ్?

హోమ్లీ బ్యూటీపై ఎఫైర్ రూమర్స్ ఎక్కువైపోయాయి. ఆ మధ్య మ్యూజిక్ డైరెక్టర్ అనిరుధ్ తో సంథింగ్ సంథింగ్ అంటూ వార్తలొచ్చాయి. ఇటీవల ఏకంగా పెళ్లైన విజయ్ తో అంటగట్టారు. స్టార్ హీరో విజయ్ తో ఆమె లింకప్ అయ్యారని, ఇది తెలిసిన ఆయన భార్య విడాకులు సిద్దమయ్యారంటూ కథనాలు వెలువడ్డాయి. 
 

విజయ్ భార్యతో పాటు ఓ ఈవెంట్ కి హాజరై ఈ రూమర్స్ కి చెక్ పెట్టారు. తాజాగా ఆయనా ఈయనా కాదు కీర్తి సురేష్ లవర్ చిన్నప్పటి క్లాస్ మేట్ అంటూ వార్తలు వెలువడుతున్నాయి. దాదాపు 13 ఏళ్లుగా కీర్తి అతన్ని ప్రేమిస్తున్నారట. 

సదరు క్లాస్ మేట్ వ్యాపారవేత్త అట. కేరళకు చెందిన ఆ యువకుడికి రిసార్ట్స్ బిజినెస్ ఉందట. ఈ విషయం ఇరు కుటుంబాల పెద్దలకు తెలుసట. ఈ క్రమంలో త్వరలో అధికారికంగా పెళ్లి ప్రకటన రానుందట. మూడు పదుల వయసు మీద పడిన నేపథ్యంలో పెళ్ళికి సిద్ధం అవుతున్నారట కీర్తి.

మరి ఈ వార్తల్లో నిజమెంతో తెలియదు కానీ... ప్రముఖంగా ప్రచారం అవుతుంది. ఇక కీర్తి కెరీర్ పీక్స్ లో ఉంది. ఇటీవల రివాల్వర్ రాణి టైటిల్ తో కొత్త మూవీ ప్రకటించారు.  గత ఏడాది సర్కారు వారి పాట మూవీతో హిట్ కొట్టారు. కెరీర్లో ఫస్ట్ టైం మహేష్ కి జంటగా నటించిన కీర్తి గ్లామర్ తో ఆకట్టుకున్నారు. సర్కారు వారి పాట మూవీలో నెగిటివ్ షేడ్స్ కలిగిన రోల్ చేయడం విశేషం.

ఒక ప్రక్కన స్టార్స్ తో చిత్రాలు చేస్తున్న కీర్తి సిస్టర్స్ రోల్స్ చేయడం కొసమెరుపు. ఈ తరహా ప్రయోగం ఇంతవరకూ ఎవరూ చేయలేదు. చెల్లెలు పాత్రలు చేస్తే హీరోయిన్ గా కెరీర్ ముగుస్తుందని భయపడతారు. అందుకు భిన్నంగా కీర్తి ఆలోచిస్తున్నారు. పెద్దన్న మూవీలో రజినీకాంత్ చెల్లెలుగా నటించిన కీర్తి , భోళా శంకర్ లో చిరంజీవి చెల్లెలుగా కనిపించనున్నారు. 

భోళా శంకర్ తో పాటు తెలుగులో దసరా మూవీలో కీర్తి సురేష్ నటిస్తున్నారు. నాని హీరోగా నటిస్తుండగా వెన్నెల అనే డీగ్లామర్ రోల్ చేస్తున్నారు. నాని సైతం దసరా మూవీలో ఊరమాస్ గెటప్ లో కనిపిస్తున్నారు. దసరా పాన్ ఇండియా చిత్రంగా విడుదల కానుంది. 

అలాగే తమిళంలో మరో రెండు చిత్రాలు చేస్తున్నారు. జయం రవికి జంటగా సైరన్ టైటిల్ తో ఒక మూవీ చేస్తున్నారు. ఉదయనిధి స్టాలిన్, ఫహద్ ఫాజిల్ ప్రధాన పాత్రలలో తెరకెక్కుతున్న మామన్నన్ మూవీలో కీర్తి నటిస్తున్నారు. లేడీ ఓరియెంటెడ్ చిత్రాలకు కేర్ ఆఫ్ అడ్రెస్ గా మారిన కీర్తి ఆ అవకాశాలు వస్తే వదులుకోవడం లేదు. అమెజాన్ ఒరిజినల్ చిన్ని మూవీలో సీరియల్ కిల్లర్ గా అలరించారు.

తల్లి వారసత్వాన్ని నిలబెడుతూ కీర్తి స్టార్ గా ఎదిగారు. కీర్తి తల్లిగారైన మేనక 80లలో స్టార్ హీరోయిన్ గా సౌత్ ఇండియాను ఏలారు. ముఖ్యంగా మలయాళంలో ఆమె ఎక్కువ సినిమాలు చేశారు. దర్శకుడు సురేష్ ని మేనక ప్రేమ వివాహం చేసుకున్నారు.