ఇదీ శ్రీలీల క్రేజ్ అంటే.. జనసంద్రంగా మారిన కూకట్ పల్లి.. వైరల్ ఫొటోస్

హైదరాబాద్ లోని కూకట్ పల్లిలో సీఎం ఆర్ షాపింగ్ మాల్ ఓపెనింగ్ కార్యక్రమంలో శ్రీలీల పాల్గొంది. దీనితో ఆ ప్రాంతం జనసంద్రంలాగా మారింది.  

బెంగుళూరు బ్యూటీ శ్రీలీల టాలీవుడ్ లోకి మెరుపులా దూసుకువచ్చింది. పెళ్ళిసందD చిత్రంతో పరిచయమైన ఈ కుర్రభామ తక్కువ సమయంలోనే స్టార్ హీరోయిన్ల స్థానాలకు సైతం ఎసరు పెట్టేసింది.

ధమాకా చిత్రంతో అయితే శ్రీలీల ఒక ఊపు ఊపేసింది అనే చెప్పాలి. డ్యాన్స్, యాక్టింగ్, అందం ఇలా ప్రతి అంశంలో ఆమెకి తిరుగులేదు. ప్రస్తుతం టాలీవుడ్ లో ఉన్న బెస్ట్ ఫిమేల్ డ్యాన్సర్లలో శ్రీలీల ఒకరు. శ్రీలీల తన అందం, చలాకీతనం, నాట్యంతో టాలీవుడ్ లో చాలా మంది స్టార్ హీరోయిన్లకు ఆల్మోస్ట్ చెక్ పెట్టేసింది.

 ఇంతకు ముందు స్టార్ హీరోల సినిమాలంటే రష్మిక, పూజా హెగ్డే లాంటి ముద్దుగుమ్మల పేర్లు వినిపించేవి. శ్రీలీల సునామీలా దూసుకువచ్చి వారి ప్రభావాన్ని తగ్గించేసింది. 

ఆమె గ్లామర్, డ్యాన్స్ స్కిల్స్ చూస్తుంటే ఫ్యూచర్ లో టాలీవుడ్ ని ఏలడం ఖాయం అని ప్రేక్షకులు అంచనా వేస్తున్నారు. అందుకు తగ్గట్లుగానే ఈ బ్యూటీకి వరుస ఆఫర్స్ క్యూ కడుతున్నాయి. 

రీసెంట్ గా శ్రీలీల గుంటూరు కారం చిత్రంలో మహేష్ బాబుకి జోడిగా నటించింది. ఎప్పటిలాగే డ్యాన్స్ ఇరగదీసింది. అయితే ఆశించిన స్థాయిలో గుంటూరు కారం చిత్రం బాక్సాఫీస్ వద్ద రాణించలేదు. 

తాజాగా శ్రీలీల పదహారణాల తెలుగు పిల్లలా ఓ షాపింగ్ మాల్ ఓపెనింగ్ లో మెరిసింది. హైదరాబాద్ లోని కూకట్ పల్లిలో సీఎం ఆర్ షాపింగ్ మాల్ ఓపెనింగ్ కార్యక్రమంలో శ్రీలీల పాల్గొంది. దీనితో ఆ ప్రాంతం జనసంద్రంలాగా మారింది. 

తెలంగాణలో ప్రఖ్యాతిగాంచిన  ప్రముఖ వస్త్ర వ్యాపార సంస్థ సిఎంఆర్ ఫ్యామిలీ మాల్ తమ యొక్క మరో ప్రతిష్టాత్మకమైన షాపింగ్‌ మాల్‌ను నేడు మన కూకట్ పల్లి (కె పి హెచ్ బి పిల్లర్ నంబర్ 771) సినీ నటి శ్రీలీల  మరియు గౌరవనీయులైన శ్రీ మాధవరం కృష్ణారావు గారు కూకట్ పల్లి (ఎమ్మెల్యే), గౌరవనీయులైన శ్రీ అరికపూడి గాంధీ గారు శేరిలింగంపల్లి ( ఎమ్మెల్యే), గౌరవనీయులైన శ్రీ నవీన్ గారు కూకట్ పల్లి (ఎమ్మెల్సీ)  గార్ల చేతుల మీదుగా అంగరంగవైభవంగా ప్రారంభోత్సవం  జరుపుకున్నది.

పట్టు చీరలో శ్రీలీల అందంగా కనిపించడంతో షాపింగ్ మాల్ వద్ద యువత కేరింతలు కొడుతూ కనిపించారు.  అసలు శ్రీలీల ఏం తింటోంది ? ఇంత అందంగా ఉంటే కుర్రాళ్ళ పరిస్థితి ఏంటి ? అంటూ నెటిజన్లు చిలిపి కామెంట్స్ పెడుతున్నారు. 

శ్రీలీల మైండ్ బ్లోయింగ్ లుక్స్ సోషల్ మీడియాలో వైరల్ అవ్వుతున్నాయి. ఆమె సొగసు గురించి ఎంత వర్ణించినా తక్కువే. శ్రీలీల తన కోసం ఎదురుచూస్తున్న అభిమానులతో సెల్ఫీలు తీసుకుంది. 

శ్రీలీల క్యూట్ లుక్స్, అమాయకమైన చూపులకు యువత ఫిదా అవుతున్నారు. పెదవుల అందంతో ఊరిస్తూ శ్రీలీల ప్రీ రిలీజ్ వేడుకలో మెరుపులు మెరిపించింది.