బాలీవుడ్ లో చిచ్చు పెడుతున్న సౌత్ సినిమాలు, సొంత ఇండస్ట్రీని తిట్టిపోస్తున్న బీటౌన్ స్టార్స్..

సౌత్ సినిమాలు బాలీవుడ్ లో చిచ్చు పెడుతున్నాయి. మన సినిమాలు ఆల్ ఓవర్ ఇండియా తెగ హడావిడి చేస్తున్నాయి. ఏ సినిమా రిలీజ్ అయినా రికార్డు కలెక్షన్లతో వరసగా బాలీవుడ్ బాక్సాఫీస్ దుమ్ము దులుపుతున్నాయి. ఈ సినిమాల్లో నటించిన బాలీవుడ్ స్టార్లు .. సక్సెస్ కి సంతోష పడుతూ సౌత్ ని మెచ్చుకుంటూనే బాలీవుడ్ వాళ్లకి చీవాట్లు  పెడుతున్నారు.  

పేరు గొప్ప ఊరు దిబ్బ అన్నట్టు తయారయ్యింది బాలీవుడ్ పరిస్థితి.అంత పెద్ద మార్కెట్ పెట్టుకుని ఎందుకు సౌత్ సినిమాలకు తల వంచుతున్నామన్న ఆలోచన బాలీవుడ్ స్టార్స్ లో  మొదలయ్యింది. మంచి సినిమాలు చెయ్యడం  మనవాళ్లకు చేతకాదా అంటూ హీరోల దగ్గరనుంచి డైరెక్టర్ల వరకూ అందరూ బహిరంగంగానే విమర్షలు చేస్తున్నారు.  

సల్మాన్ ఖాన్ దగ్గరనుంచి సంజయ్ దత్ వరకూ వరసగా అందరూ సౌత్ నుంచి బాలీవుడ్ నేర్చుకోవాల్సింది చాలా ఉందంటూ ఓపెన్ గానే బాలీవుడ్ కి చురకలు పెడుతున్నారు.  ఇదే విషయాన్ని బలీవుడ్ స్టార్ హీరో సల్మాన్ ఖాన్ ఓపెన్ గా చెప్పారు. బాలీవుడ్ సినిమాలు సౌత్ లో అంతగా వర్కవుట్ అవ్వడం లేదు.. కానీ సౌత్ మాత్రం బాలీవుడ్ లో స్టామినా చూపిస్తోందంటున్నారు సల్మాన్ .సౌత్ ఇండస్ట్రీలో  హీరోయిజం ఎక్కువగా  ఉండే సినిమాలు తీస్తున్నారు. కానీ బాలీవుడ్ ఎక్కడో మిస్ ఫైర్ అవుతోంది. నార్త్ లో కూడా మూవీ మేకింగ్ స్టైల్ మారాలి. వపర్ ఫుల్ సబ్జెక్ట్ రావాలి అంటూ ఓపెన్ గానే సౌత్ ని తెగ  పొగుడుతూ బాలీవుడ్ ని డైరెక్ట్ గా తిట్టకుండానే .. చురకలు అంటించారు సల్మాన్ . 

 బాలీవుడ్ స్టార్ ప్రొడ్యూసర్ కరణ్ జోహార్ మొదటి నుంచీ సౌత్ సినిమాలపై ఇంట్రెస్ట్ చూపిస్తూనే ఉన్నాడు. అంతే కాదు  టాలీవుడ్ ని చూసి నేర్చుకోవాలంటూ ఓపెన్ గానే బాలీవడ్  స్టార్స్ కు  చెప్పారు. ఇప్పటికే సౌత్ లో సినిమాలకు, హీరోలకు మేకింగ్ స్టైల్ కి ఫుల్ ఫిదా అయిపోయిన కరణ్ జోహార్ .. తెలుగు ఇండస్ట్రి నుంచి వస్తున్న డిఫరెంట్ మూవీస్ ని చూసి బాలీవుడ్ నేర్చుకోవాలని , రొటీన్ సినిమాలు కాకుండా కొత్త  కాన్సెప్ట్ వైపు బాలీవుడ్ కాన్సన్ ట్రేట్ చెయ్యాలన్నారు. బాలీవుడ్ లా కాకుండా సౌత్ లో సొంత కథలతో తెరమీదకు వస్తూ..బ్లాక్ బస్టర్ హిట్లుకొడుతూ ప్రపంచాన్నే ఆకర్షిస్తున్నారని, ఇది చూసైనా బాలీవుడ్ మారాలని స్ట్రాంగ్ గానే బాలీవుడ్ కి హితబోధ చేశారు కరణ్.

కెజిఎఫ్ తో బ్లాక్ బస్టర్ హిట్ ని అకౌంట్ లో వేసుకున్న సంజయ్ దత్ కూడా సౌత్ నపొగుడుతూనే బాలీవుడ్ కి చురకలు అంటిస్తున్నారు. సౌత్ లో హీరోయిజం ఎప్పుడూ టాప్ ప్లేస్ లో ఉంటుంది. ఇప్పటికీ హీరో ఎంట్రీ అంటే .. దుమ్ము రేగాల్సిందే ధియేటర్లో విజిల్స్ వెయ్యాల్సిందే. ఒకప్పుడు బాలీవుడ్ లో కూడా ఇలాంటి ఎలివేషన్ ఉండేది ..కానీ ఇప్పుడు బాలీవుడ్ లో అంత సీన్ లేదు.. హీరోయిజం ఇంపాక్ట్ బాలీవుడ్ లో తగ్గిపోయింది. సౌత్ లో హీరోతో పాటు విలన్ కూడా అంతే ఇంపార్టన్స్ ఉంటుంది. కానీ బాలీవుడ్ మాత్రం అలా కాదు ..  సౌత్ ని చూసి కొన్ని టెక్నిక్స్ నేర్చుకోవాలని పబ్లిక్ గానే చెప్పారు సంజయ్ దత్ .

కాస్త ఘాటుగానే బాలీవుడ్  మీద కామెంట్ చేసింది రవీనా టాండన్. నేల విడిచి సాము చేయడం వల్లే బాలీవుడ్‌ బాక్సాఫీస్‌ పోరులో వెనకబడుతోందని సౌత్ జనాలు రూట్స్ ని మర్చిపోరని ,సినిమాతో పాటు కల్చర్ ని , ఎమోషన్స్ ని కూడా మిస్ అవ్వరు, అసలు సినిమాకు కావల్సింది ఎమోషన్స్ ..అవి ఆడియన్స్ కి కనెక్ట్ చెయ్యలేకపోతే ..ఎంత పెద్ద సినిమా అయినా కూడా డిజాస్టర్ అవ్వక తప్పదు. ఈ విషయాన్నే బాలీవుడ్ మర్చిపోతోందని , హిందీ సినిమా ఎప్పుడూ హాలీవుడ్‌ ను ఇమిటేట్ చెయ్యడానికి ట్రై చేస్తూ.. ఫెయిల్ అవుతోందని తీవ్రంగానే విమర్శలు చేసింది రవీనా టాండన్ .

ఇక బాలీవుడ్ ని  తిట్టడానికి ఎప్పుడూ రెడీగా ఉండే కంగనా. ఈసారి కూడా అంతకు మించి అన్నట్టు బాలీవుడ్ మేకింగ్ ని ఓ ఆట ఆడుకుంది. సౌత్ వాళ్లకు మంచి సినిమాలుచెయ్యాలన్న కమిట్ మెంట్ చూసి ఇప్పటికైనా బాలీవుడ్ సిగ్గు తెచ్చుకోవాలంటోంది కంగనా. అంతేకాదు .. సినిమాల మీద సౌత్ జనాలకున్న ప్రేమ వెలకట్టలేనిదని , బాలీవుడ్ లో కమర్షియాలిటీ తప్పించి క్వాలిటీ మీద కాన్సన్ ట్రేట్ చెయ్యరని అంటోంది కంగనా. 

అంతేకాదు ..బాలీవుడ్ లో అమితాబ్ బచ్చన్ లాంటి గొప్ప  యాంగ్రీ మెన్ తర్వాత అంత అగ్రెషన్ ని బాలీవుడ్  మేకర్స్ చూపించలేకపోయారని, సౌత్ హీరోల్ని చూసి, వాళ్ల మేకింగ్ స్టైల్ నిచూసి  ఇప్పటికైనా బాలీవుడ్ రూట్ మార్చుకోవాలని సోషల్ మీడియాలో పోస్టులు పెట్టింది ఈ ఫైర్ బ్రాండ్ .

ఇప్పటికైనా బాలీవుడ్ మారాలని బాలీవుడ్ స్టార్ హీరో రణవీర్ సింగ్  కూడా అన్నారు.  సౌత్ లో చేస్తున్న పవర్ ఫుల్ సినిమాల లాంటి సినిమాలతో బాలీవుడ్ కూడా ముందుకు రావాలి అంటూ పబ్లిక్ గానే స్టేట్ మెంట్ ఇచ్చారు రణవీర్ సింగ్. ప్రపంచం మొత్తం తనవైపుకు తిప్పుకునే సౌత్ సినిమాల్ని చూసి బాలీవుడ్  కూడా మారాలంటున్నారు రణవీర్ సింగ్ ఇలా సౌత్ సినిమాల సక్సెస్ బాలీవుడ్ కు వాతలు పడేలా చేస్తుంది. సొంత ఇండస్ట్రీ నుంచే వారికి తిట్లు తప్పడం లేదు. ఇకనైనా సౌత్ ను చిన్న చూపు చూడకుండా.. తమ సినిమాల విలువలు పెంచేకోవాలంటూ బాలీవుడ్ కు చురకలంటిస్తున్నారు సినీ జనాలు.