మరోసారి ఎన్నికల బరిలో బర్రెలక్క... ఏ నియోజకవర్గమో తెలుసా?

సోషల్ మీడియా సెన్సేషన్ బర్రెలక్క అలియాస్ శిరీష ఎన్నికలో బరిలో నిలిచారు. ఆమె ఎంపీ అభ్యర్థిగా నామినేషన్ దాఖలు చేశారు. ఈ న్యూస్ సోషల్ మీడియాను షేక్ చేస్తుంది.   

బర్రెలక్క అలియాస్ శిరీష సోషల్ మీడియా సెన్సేషన్ గా అవతరించిన విషయం తెలిసిందే. డిగ్రీ గ్రాడ్యుయేట్ అయిన బర్రెలక్క ఉద్యోగం రాక బర్రెలను కాసుకుంటున్నానని వీడియోలు చేసింది. ఆ వీడియోలు కాస్త వైరల్ అయ్యాయి. 

Barrelakka alias Shirisha

ఒక సామాన్య పేద కుటుంబానికి చెందిన బర్రెలక్క 2013లో జరిగిన తెలంగాణ అసెంబ్లీ ఎన్నికల్లో స్వతంత్ర అభ్యర్థిగా పోటీ చేసింది. ఆమె కొల్లాపూర్ నుండి పోటీ చేసింది. బర్రెలక్క తరపున జేడీ లక్ష్మీనారాయణ ప్రచారం చేయడం విశేషం. సామాన్యురాలైన బర్రెలక్కకు ఐదు వేలకు పైగా ఓట్లు రావడం కొసమెరుపు. 

ఇటీవల బర్రెలక్క వివాహం చేసుకుంది. పెద్దలు నిశ్చయించిన బంధువుల అబ్బాయితో ఆమె వివాహం జరిగింది. పెళ్లి జరిగిన నేపథ్యంలో ఆమె రాజకీయాలకు దూరంగా ఉంటారని అందరూ భావించారు. కానీ మరోసారి ఆమె ఎన్నికల బరిలో దిగారు. 

నాగర్ కర్నూల్ ఎంపీ అభ్యర్థిగా బర్రెలక్క నామినేషన్ దాఖలు చేసింది. ఆమె స్వతంత్ర అభ్యర్థిగా పోటీ చేస్తున్నారు. ఈ న్యూస్ సోషల్ మీడియాలో హాట్ టాపిక్ గా మారింది. చెప్పాలంటే ఆమె ప్రధాన ప్రత్యర్థులకు గట్టి పోటీ ఇస్తుంది. జయాపజయాలను నిర్ణయించే కాండిడేట్ కావచ్చు. 

ఇవన్నీ పక్కన పెడితే... యువతకు ఎన్నికల్లో ఆమె ప్రాతినిధ్యం వహిస్తుంది. యువత కూడా ప్రత్యక్ష రాజకీయాల్లోకి రావాలని సందేశం పంపుతుంది. అప్పుడే సమస్యలు వెలుగులోకి వస్తాయని చెప్పకనే చెబుతుంది. ఈసారి బర్రెలక్కకు ఎన్ని ఓట్లు పోల్ అవుతాయో చూడాలి మరి.