Sneha Ullal: ఐశ్వర్య రాయ్‌లా ఉన్నందుకే సల్మాన్ ఛాన్స్ ఇచ్చాడు.. ఇన్నేళ్ల తర్వాత సీక్రెట్ చెప్పిన స్నేహా ఉల్లాల్

సల్మాన్ ఖాన్, ఐశ్వర్య రాయ్ బ్రేకప్ తర్వాత, ఐష్ పోలికలతో ఉన్న స్నేహా ఉల్లాల్‌ను సల్మాన్ కావాలనే ఇండస్ట్రీకి తెచ్చాడని అనేవారు. ఇన్నేళ్ల తర్వాత ఆ ప్రచారంపై స్నేహా ఉల్లాల్ స్పందించి అసలు విషయం చెప్పింది.

Image Credit : Instagram

ఐశ్వర్య పోలికలతో పాపులర్‌ అయిన స్నేహా ఉల్లాల్‌

బాలీవుడ్ బ్యూటీ ఐశ్వర్య రాయ్ బచ్చన్‌లా కనిపించే నటి స్నేహా ఉల్లాల్ మీకు గుర్తుంది కదా?   `ఉల్లాసంగా ఉత్సాహంగా` చిత్రంలో నటించి తెలుగు ఆడియెన్స్ కి పరిచయం అయ్యింది. 2005లో సల్మాన్ ఖాన్ 'లక్కీ: నో టైమ్ ఫర్ లవ్' సినిమాతో బాలీవుడ్‌లోకి ఎంట్రీ ఇచ్చింది. అప్పట్లో ఆమె నటన కన్నా, ఐశ్వర్య రాయ్ పోలికలతోనే (Doppelganger) రాత్రికి రాత్రే ఫేమస్ అయింది. దాదాపు 19 ఏళ్ల తర్వాత, స్నేహా ఉల్లాల్ ఈ పోలికల గురించి, సల్మాన్‌తో తన అనుభవం గురించి ఆసక్తికర విషయాలు పంచుకుంది.

Image Credit : Instagram

సల్మాన్‌ ఖాన్‌.. స్నేహా ఉల్లాల్‌ని ఇండస్ట్రీలోకి తీసుకొచ్చాడా?

సల్మాన్ ఖాన్, ఐశ్వర్య రాయ్ బ్రేకప్ తర్వాత, ఐష్ లాంటి అమ్మాయిని కావాలనే తెచ్చాడని అప్పట్లో పెద్ద ప్రచారం జరిగింది. దీనిపై స్నేహా మాట్లాడుతూ.. 'అప్పట్లో పీఆర్ (PR) స్ట్రాటజీ అలా ఉండేది. నేను సల్మాన్ ఖాన్‌తో లాంచ్ అవుతున్నా కాబట్టి, జనాలు నన్ను అలా చూడటం సహజం. కానీ ఆ పోలికలు నన్నెప్పుడూ ఇబ్బంది పెట్టలేదు. అప్పుడు నా వయసు చాలా చిన్నది, నాలో అహంకారం లేదు. నా అందం గురించి నేనెప్పుడూ పెద్దగా ఆలోచించలేదు' అని చెప్పింది.

Image Credit : Instagram

ఐశ్వర్యతో స్నేహా ఉల్లాల్‌

ఐశ్వర్య రాయ్‌ను కలిసిన క్షణాన్ని స్నేహా గుర్తుచేసుకుంది. 'నేను ఐశ్వర్యను ఒకసారి కలిశాను. ఆమె చాలా ప్రేమగా మాట్లాడారు. 'బాలీవుడ్ కుటుంబంలోకి నీకు స్వాగతం' అని చెప్పారు. కానీ మీడియా నన్ను ఆమెతో పోలుస్తుండటంతో, ఆమెకు కోపం వచ్చిందేమోనని భయపడ్డాను. అందుకే ఆమె దగ్గర 'దయచేసి నన్ను ద్వేషించకండి' అని అడిగాను. కానీ ఆమె చాలా పెద్ద మనసుతో నన్ను ఆప్యాయంగా పలకరించారు' అని స్నేహా చెప్పింది.

Image Credit : Instagram

సల్మాన్‌ ఖాన్‌పై స్నేహా ఉల్లాల్‌

సల్మాన్ ఖాన్‌కు 'ఆటిట్యూడ్' ఎక్కువ అనే ఇమేజ్‌పై స్నేహా మాట్లాడింది. 'షూటింగ్ సమయంలో సల్మాన్ నాకు చాలా సపోర్ట్ ఇచ్చారు. నేను కొత్తదాన్ని అయినా ఆయన ఒక్కసారి కూడా సహనం కోల్పోలేదు. బయట జనాలు సల్మాన్ గురించి చెప్పే ఆటిట్యూడ్ గానీ, ప్రవర్తన గానీ నాకు సెట్‌లో కనిపించలేదు. ఆయన నన్ను చాలా ఓపికగా చూసుకున్నారు' అని స్నేహా తెలిపింది.

Image Credit : Instagram

చిన్నప్పుడే ఐశ్వర్యా రాయ్‌లా ఉన్నావన్నారు

అసలు నటి అవ్వాలనే ఆలోచనే స్నేహాకు లేదట. కాలేజీలో ఉన్నప్పుడు సల్మాన్ ఖాన్ సోదరి అర్పితా ఖాన్ స్నేహితులు ఆమెను చూశారట. వాళ్లే 'లక్కీ' సినిమా ఆడిషన్‌కు పిలిచారట. 'నేనెప్పుడూ నటిని అవ్వాలనుకోలేదు. ఐశ్వర్య రాయ్ మిస్ వరల్డ్ అయినప్పుడు, నా చిన్న ప్రపంచంలో నన్ను ఆమెలా ఉన్నావని అనేవారు' అని స్నేహా చెప్పింది.

Image Credit : Instagram

సినిమాలంటే ఇష్టం లేదని చెప్పిన స్నేహ

'నేనొక 'టామ్‌బాయ్' లాంటిదాన్ని. గ్లామర్ ప్రపంచంపై నాకు అస్సలు ఆసక్తి లేదు. కానీ విధి నన్ను ఇక్కడికి తీసుకొచ్చింది' అని స్నేహా ఉల్లాల్ తన సినీ ప్రయాణం ఎలా మొదలైందో వివరించింది. మొత్తం మీద, ఐశ్వర్య రాయ్ పోలికలతో గుర్తింపు తెచ్చుకున్నా, స్నేహా ఉల్లాల్ తన వినయంతో అందరి మనసులు గెలుచుకుంది. ప్రస్తుతం ఈ ఇంటర్వ్యూ క్లిప్స్ సోషల్ మీడియాలో తెగ వైరల్ అవుతున్నాయి.