Singer Sunitha: 18 ఏళ్ళ వయసులోనే చూశా, అమ్మాయిలకు ఇండస్ట్రీ సేఫ్ కాదు..సంచలన నిజాలు బయటపెట్టిన సింగర్ సునీత

సింగర్ సునీత టాలీవుడ్ ఇండస్ట్రీ గురించి సంచలన నిజాలు బయట పెట్టారు. అమ్మాయిలకు ఇది సేఫ్ ప్లేస్ కాదు అని అన్నారు. ఇండస్ట్రీలో మహిళలకు ఎదురయ్యే కష్టాల గురించి ఆమె మాట్లాడారు. 

Image Credit : Asianet News

Singer Sunitha

టాలీవుడ్ లో స్టార్ సింగర్ గా సునీత దశాబ్దాలుగా గుర్తింపు పొందారు. ఆమె గాత్రం ఎంతో వినసొంపుగా ఉంటుంది. సునీత పాడిన పాటలు ఎక్కువగా సూపర్ హిట్స్ అయ్యాయి. 17 ఏళ్ళ వయసులోనే సునీత కెరీర్ ప్రారంభించారు. ఇండస్ట్రీలో కాస్టింగ్ కౌచ్ వ్యవహారం, మహిళలకు ఎదురయ్యే సమస్యల గురించి ఇప్పటి వరకు చాలా మంది నటీమణులు, సెలెబ్రిటీలు మాట్లాడారు. తాజాగా సింగర్ సునీత తన స్టైల్ లో మహిళల ఈక్వాలిటీ గురించి, ఇండస్ట్రీలో ఎదురయ్యే సమస్యల గురించి ఆసక్తికర వ్యాఖ్యలు చేశారు.

Image Credit : our own

నా బాడీ నా ఇష్టం అని అంటే వాళ్ళు నా కళ్ళు నా ఇష్టం అంటారు

చాలా మంది నా బాడీ నా ఇష్టం, నాకు నచ్చిన బట్టలు వేసుకుంటా అని మాట్లాడుతున్నారు. దానిని ఫెమినిజంలో, ఈక్వాలిటీలో కలిపేస్తున్నారు. మహిళలు సిగరెట్ తాగడం కూడా ఈక్వాలిటీ అంటున్నారు. ఇవన్నీ నాకు నచ్చవు. నీ బాడీ నీ ఇష్టం అని నువ్వంటే.. నా కళ్ళు నా ఇష్టం అని అతడు అంటాడు. నాకు నచ్చిన బట్టలు నేను వేసుకుంటా అని నువ్వు అంటే.. వేసుకో నిన్ను ఎవరు అడ్డుకుంటున్నారు.

Image Credit : our own

సిగరెట్ ని, బట్టలని ఈక్వాలిటీతో ముడిపెట్టొద్దు

కానీ దానిని ఫెమినిజం, ఈక్వాలిటీతో ముడిపెట్టకు. నీకు ఆ బట్టలు వేసుకోవాలనే కోరిక నీకు ఉంది. ఆ కోరికని సమాజం మీదకి రుద్దడం కరెక్ట్ కాదు. ఈక్వాలిటీ పేరుతో ఇలాంటి చెత్త విషయాలు చర్చించడం అస్సలు ఇష్టం లేదు. మహిళలకు ఇంకా చాలా పెద్ద సమస్యలు ఉన్నాయి. వాటి గురించి మాట్లాడాలి కానీ ఇవన్నీ వేస్ట్ అంటూ సునీత అన్నారు. సిగరెట్ నే తీసుకుందాం.. ఆ విషయంలో మగవాళ్ళు ఆడవాళ్ళూ ఇద్దరూ అస్సలు సమానం కాదు. ఒక సిగరెట్ తాగితే మగవాడికి జరిగే నష్టం కంటే ఆడవాళ్లు జరిగే నష్టమే చాలా ఎక్కువ అని సునీత తెలిపారు.

Image Credit : our own

కొత్తగా వచ్చే వారిపై వేధింపులు నిజమే

ఇటీవల బట్టల గురించి ఇండస్ట్రీలో పెద్ద వివాదం సాగిన సంగతి తెలిసిందే. అలా బట్టల గురించి మాట్లాడే సెలెబ్రెటీలకు సింగర్ సునీత ఈ విధంగా కౌంటర్ ఇచ్చారు. ఇక ఇండస్ట్రీలో మహిళలకు జరిగే వేధింపుల విషయానికి వస్తే.. నిజంగానే వేధింపులు జరుగుతున్నాయి అని సునీత అన్నారు. ఇది కొత్తగా ఇండస్ట్రీలో అవకాశాల కోసం వచ్చే అమ్మాయిల విషయంలో ఎక్కువగా ఉంటుంది. ఫేమ్ సాధించిన వారి విషయంలో కాస్త తక్కువగా ఉంటుంది అని సునీత తెలిపారు.

Image Credit : our own

18 ఏళ్ళ వయసులోనే చూశా

నాకు కూడా వేధింపులు ఎదురయ్యాయి. కానీ తీవ్రమైన స్థాయిలో కాదు. 18 ఏళ్ళ వయసులోనే ఇలాంటివి అనుభవించాను. కచ్చితంగా ఒక మాట చెప్పగలను. ఇండస్ట్రీ కొత్తగా వచ్చే వాళ్లకు సేఫ్ ప్లేస్ కాదు. సేఫ్ గా ఉండాలి అంటే మీరు మెంటల్ గా, ఎమోషనల్ గా, ఫిజికల్ గా, ఫైనాన్సియల్ గా స్ట్రాంగ్ గా ఉంటేనే ఇండస్ట్రీలో సేఫ్ గా ఉండే అవకాశం ఉంటుంది అని సునీత అన్నారు.