సింగర్ సునీతకు కాబోయే భర్త ఇతడే... వైరల్ అవుతున్న నిశ్చితార్ధ ఫోటోలు
కొద్దిరోజులుగా సింగర్ సునీత రెండవ వివాహం చేసుకోనున్నారని వరుస కథనాలు రావడం జరిగింది. ఐతే ఈ వార్తలపై సింగర్ సునీత స్పందించలేదు. గతంలో రెండో పెళ్లి ఆలోచన లేదని సునీత చెప్పడంతో ఇవి కేవలం రూమర్స్ మాత్రమే అని చాలా మంది భావించారు.
హఠాత్తుగా నేడు సునీత ఓ వ్యక్తితో నిశ్చితార్ధం జరుపుకొని ఫ్యాన్స్ కి షాక్ ఇచ్చారు. ప్రస్తుతం సునీత ఎంగేజ్మెంట్ ఫోటోలు సోషల్ మీడియాలో వైరల్ అవుతున్నాయి. అలాగే సునీతను వివాహం చేసుకోబోయే ఈ వ్యక్తి ఎవరనే ఆతృత కూడా అందరిలో మొదలైంది.
ఐతే సునీతతో ఎంగేజ్మెంట్ జరుపుకున్న ఆ వ్యక్తి పేరు రామ్ వీరపనేని అని తెలుస్తుంది. ఈ ఆయన ఒక వ్యాపారవేత్తని సమాచారం. వీరిద్దరి మనోభావాలు కలవడంతో పెళ్లి చేసుకోవాలని నిశ్చయించుకున్నారట.
భర్త కిరణ్ తో చాలా కాలం క్రితమే విడిపోయిన సునీత ఒంటరిగా పిల్లలు, తల్లిదండ్రులతో ఉంటున్నారు. ఆర్ధిక విషయాలలో వీరిద్దరికీ విభేదాలు తలెత్తినట్లు తెలుస్తుంది.
నేడు నిశ్చితార్థం జరుపుకున్న రామ్ మరియు సునీత పెళ్లి తేదీ త్వరలో ఖరారు చేయనున్నారు. 1995లో వచ్చిన గులాబీ సినిమాలోని ' ఈ వేళలో నీవు ఏం చేస్తూ ఉంటావో' పాటను పాడిన సునీత, మొదటి పాటతోనే పరిశ్రమలో గుర్తింపు తెచ్చుకున్నారు.
17ఏళ్లకే స్టార్ సింగర్ గా ఎదిగిన సునీత ఇప్పటి వరకు 1000కి పైగా పాటలు అనేక భాషలలో పాడారు. డబ్బింగ్ ఆర్టిస్ట్ గా పదుల సంఖ్యలో హీరోయిన్స్ కి గాత్ర దానం చేశారు.