F3 మూవీకి అదిరిపోయే ఓటీటీ డీల్.. ధర తెలిస్తే మైండ్ బ్లాక్ కావాల్సిందే, కామెడీనా మజాకా

విక్టరీ, వెంకటేష్ , మెగా ప్రిన్స్ వరుణ్ తేజ్ నటించిన ఫన్ ఫ్రాంచైజీ ఎఫ్ 3 చిత్రం నేడు ప్రేక్షకుల ముందుకు వచ్చేస్తోంది. ఎఫ్2 చిత్రం ఎంతటి ఘనవిజయం సాధించిందో ప్రత్యేకంగా చెప్పనవసరం లేదు.

విక్టరీ, వెంకటేష్ , మెగా ప్రిన్స్ వరుణ్ తేజ్ నటించిన ఫన్ ఫ్రాంచైజీ ఎఫ్ 3 చిత్రం నేడు ప్రేక్షకుల ముందుకు వచ్చేస్తోంది. ఎఫ్2 చిత్రం ఎంతటి ఘనవిజయం సాధించిందో ప్రత్యేకంగా చెప్పనవసరం లేదు. ఆ చిత్రానికి సీక్వెల్ గా రాబోతున్న ఎఫ్3 పై భారీ అంచనాలు నెలకొని ఉన్నాయి.   

వెంకటేష్, వరుణ్ తేజ్ కామెడీ పంచ్ లు ఒకెత్తు అయితే.. మెహ్రీన్, తమన్నా, సోనాల్ చౌహన్ లాంటి గ్లామర్ ముద్దుగుమ్మల అందాలు మరో ఎత్తుగా నిలవనున్నాయి. సూపర్ పాజిటివ్ బజ్ తో ఎఫ్3 థియేటర్స్ లో సందడి షురూ చేయనుంది. ఎఫ్3 చిత్రానికి ఉన్న క్రేజ్ తో బిజినెస్ కూడా అదే స్తాయిలో జరుగుతోంది. 

F3 movie

తాజా సమాచారం మేరకు ఎఫ్3 ఓటిటి డీల్ క్లోజ్ అయినట్లు తెలుస్తోంది. ఎఫ్3 చిత్ర ఓటిటి రైట్స్ ని ఫ్యాన్సీ ప్రైజ్ కి సోనీ లివ్ సంస్థ దక్కించుకుందట. అయితే దీనిపై అధికారిక ప్రకటన వెలువడాల్సి ఉంది. ఓటిటి రైట్స్ కోసం అమెజాన్ సంస్థ కూడా పోటీ పడ్డప్పటికీ సోనీ లివ్ దక్కించుకున్నట్లు టాక్. 

సోనీ లివ్ సంస్థ ఎఫ్3 చిత్ర ఓటిటి రైట్స్ కోసం దాదాపు 18 కోట్లు ఆఫర్ చేసినట్లు సమాచారం. ఇది దిమ్మతిరిగే ధరే అని చెప్పాలి. ఎఫ్2 చిత్రంలో కామెడీని చిన్న పిల్లల నుంచి పెద్దల వరకు.. ఫ్యామిలీ, మాస్, యూత్ ఇలా ప్రతి ఒక్కరూ ఎంజాయ్ చేశారు. ఆ క్రేజ్ తోనే ఎఫ్3 మూవీపై సోనీ లివ్ భారీ ధర వెచ్చించింది. పక్కాగా ప్లాన్ చేస్తే కామెడీ చిత్రాలకు ఉండే స్థాయి ఇది అని అంటున్నారు. 

F3 Movie Review

సాధారణంగా స్టార్ హీరోల సినిమాలకు ఓటిటి రైట్స్ 20 నుంచి 30 కోట్ల వరకు పలుకుతుంటాయి. ఆ లెక్కన చూస్తే ఎఫ్3 మూవీ అదిరిపోయే డీల్ అందుకున్నట్లే. కామెడీ చిత్రాలకు రిపీట్ వ్యాల్యూ కూడా ఉంటుంది. సో ఎఫ్ 3 కనుక పాజిటివ్ టాక్ సొంతం చేసుకుంటే సోనీ లివ్ సంస్థ పంట పండినట్లే. 

ఎఫ్3 చిత్రాన్ని దిల్ రాజు నిర్మిస్తున్నారు. ఈ చిత్రం వరల్డ్ వైడ్ గా దాదాపు 60 కోట్ల ప్రీ రిలీజ్ బిజినెస్ చేసింది. ఎఫ్2 చిత్రం ఫుల్ రన్ లో 80 కోట్ల వరకు షేర్ రాబట్టిన సంగతి తెలిసిందే. ఎఫ్ 3 పాజిటివ్ టాక్ అందుకుంటే తప్పకుండా బయ్యర్లకు లాభాలు అందిస్తుందని అంటున్నారు. అనిల్ రావిపూడి ఈ చిత్రాన్ని తెరకెక్కించారు.