కమల్ హాసన్ ని హగ్ చేసుకొని, 3 రోజులు స్నానం చేయలేదన్న స్టార్ హీరో ఎవరో తెలుసా?
కమల్ హాసన్ కు తాను వీరాభిమానిని అన్నారు ఓ స్టార్ హీరో. ఆయనను హగ్ చేసుకుని తాను మూడు రోజులు స్నానం కూడా చేయలేదు అన్నారు. ఇంతకీ ఎవరా స్టార్ హీరో? ఎందుకు స్నానంచేయలేదు.
ఇండియన్ సినిమాలో కోట్లాది ఫ్యాన్స్ ను సంపాదించుకుని, లోకనాయకుడు అనిపించుకున్నాడు కమల్ హాసన్. ఆయనకు సామాన్యుల నుంచి సెలబ్రిటీల వరకూ ఎందరో అభిమానులు ఉన్నారు. స్టార్ హీరోలు కూడా కమల్ హాసన్ నటనకు ఫిదా అవుతుంటారు. ఈ క్రమంలో ఓ స్టార్ హీరో అయితే కమల్ హాసన్ కు హగ్ ఇచ్చి 3 రోజులు స్నానం చేయలేదట. ఇంతకీ ఎవరా స్టార్ హీరో.
కమల్ హాసన్ అంటే స్టార్ నటులు కూడా ఆదర్శంగా తీసుకుంటుంటారు. సామాన్యుల నుంచి సెలబ్రిటీల వరకూ ఎందరో ఫ్యాన్స్ ఉన్నారు లోకనాయకుడికి. రీసెంట్ గా కమల్ పై తనకున్న ఆత్మీయతను అందరి ముందు షేర్ చేసుకున్నారు కన్నడ స్టార్ హీరో శివరాజ్ కుమార్ ఇటీవల ఓ కార్యక్రమంలో భావోద్వేగంగా పంచుకున్నారు. చెన్నైలో జరిగిన కమల్ హాసన్ థగ్ లైఫ్ ఆడియో ఈవెంట్‌ ఈ కామెంట్స్ చేశారు శివరాజ్ కుమార్.
ఈ కార్యక్రమానికి గెస్ట్‌గా హాజరైన శివరాజ్ కుమార్ మాట్లాడుతూ, కమల్ హాసన్‌తో తన తొలి సన్నిహిత అనుభవాన్ని గుర్తు చేసుకున్నారు. "ఒకసారి కమల్ సర్‌ మా ఇంటికి వచ్చారు. నాన్నగారు డాక్టర్ రాజ్‌కుమార్‌గారితో మాట్లాడుతుండగా నేను పక్కన నిలబడి వారిని గమనిస్తూ ఉన్నాను.
ఆ సమయంలో ఆయన నా వైపు తిరిగి చేతులు కలిపారు. నేను ఆయన్ని కౌగిలించుకోవచ్చా అని అడిగితే, ఆయన నవ్వుతూ ఒప్పుకున్నారు. ఆ కౌగిలింత తర్వాత మూడు రోజుల పాటు నేను స్నానం చేయలేదు. ఆయన వాసన నాపై అలాగే ఉండాలని కోరుకున్నాను. ఆయనంటే నాకు అలాంటి అభిమానం," అని చెప్పారు. ఈ మాటలతో ప్రేక్షకులు సైతం ఎమోషనల్ గా ఫీల్ అయ్యి చప్పట్లు కొట్టారు.
ఇక తాను క్యాన్సర్‌తో పోరాడుతున్న సమయంలో కమల్ హాసన్ చేసిన ఓ ఫోన్ కాల్ గురించి చెప్పిన శివరాజ్ కుమార్, "ఆ కాల్ మాట్లాడుతున్నంత సేపు మా నాన్నగారు రాజ్‌కుమార్‌గారి స్వరం విన్నట్లు అనిపించింది. ఆ మాటలు నాకు బలాన్నిచ్చాయి," అని తెలిపారు.
శివరాజ్ కుమార్ చేసిన ఈ ఎమోషనల్ కామెంట్స్ సోషల్ మీడియాలో తెగ వైరల్ అవుతున్నాయి. కమల్ హాసన్‌కి ఉన్న అభిమానం, గౌరవం స్టార్ హీరో మాటల ద్వారా ఇలా మరోసారి వెల్లడైంది. థగ్ లైఫ్ ఆడియో ఈవెంట్‌ సందర్భంగా శివరాజ్ కుమార్ చెప్పిన ఈ సందర్భం అభిమానులకు ఎంతో ఇన్‌స్పిరేషనల్‌ అయ్యింది.
