Shalini Comeback: అజిత్ గ్రీన్ సిగ్నల్ ఇచ్చేశారా? శాలిని రీఎంట్రీ.. కానీ ఓ ట్విస్ట్!

నటుడు అజిత్ కుమార్ భార్య, మాజీ హీరోయిన్ శాలిని చాలా ఏళ్ల విరామం తర్వాత మళ్లీ సినిమా రంగంలోకి అడుగుపెట్టబోతున్నారని వార్తలు వస్తున్నాయి. అయితే ఇందులో ఓ చిన్న మెలిక ఉంది. ఆ వివరాలు ఈ గ్యాలరీలో చూద్దాం.

Image Credit : Instagram

అజిత్, శాలినిల ప్రేమకథ

అజిత్, శాలినిల ప్రేమకథ తమిళ సినిమాలోని అందమైన కథల్లో ఒకటి. 1999లో వచ్చిన 'అమర్​కళం' సినిమా షూటింగ్​లో వీరిద్దరి మధ్య స్నేహం చిగురించింది. ఆ స్నేహం ప్రేమగా మారి, 2000 సంవత్సరంలో ఇరు కుటుంబాల అంగీకారంతో పెళ్లి చేసుకున్నారు.

Image Credit : Instagram

పెళ్లి తర్వాత సినిమాలకు దూరం

పెళ్లి తర్వాత శాలిని పూర్తిగా సినిమాలకు దూరమయ్యారు. కుటుంబానికే తన పూర్తి సమయం కేటాయించారు. అజిత్ కెరీర్​కు, పిల్లల పెంపకానికి పూర్తి సపోర్ట్ గా నిలిచారు. ఈ దంపతులకు అనౌష్క అనే కూతురు, ఆద్విక్ అనే కొడుకు ఉన్నారు.

Image Credit : Instagram

నటనతో పాటు కార్ రేసింగ్

నటనతో పాటు కార్ రేసింగ్ అంటే అజిత్​కు చాలా ఇష్టం. అంతర్జాతీయ మోటార్ రేసింగ్ పోటీల్లో ఆయన తరచుగా పాల్గొంటారు. అజిత్ కలను నిజం చేసే ఈ ప్రయాణంలో శాలిని ఎప్పుడూ ఆయనకు తోడుగా ఉంటారు. రేసింగ్​కు వెళ్లే ముందు అజిత్​కు ఆమె విషెస్ చెప్పే ఫొటోలు చాలాసార్లు వైరల్ అయ్యాయి.

Image Credit : Instagram

శాలిని నిర్మాణ రంగంలోకి..

తాజా సమాచారం ప్రకారం, శాలిని నిర్మాణ రంగంలోకి అడుగుపెట్టాలని ప్లాన్ చేస్తున్నారట. దీనిపై అధికారిక ప్రకటన రాలేదు. కానీ ఈ వార్త నిజమైతే, చాలా కాలం తర్వాత శాలిని కొత్త బాధ్యతతో తమిళ చిత్ర పరిశ్రమలోకి రావడం అభిమానులకు సంతోషాన్నిస్తుంది. ఒకవేళ శాలిని నిర్మాణ సంస్థ ప్రారంభిస్తే, అందులో అజిత్ కచ్చితంగా ఓ సినిమా చేస్తారని అంటున్నారు.

Image Credit : Instagram

చైల్డ్ ఆర్టిస్ట్ గా షాలిని

తమిళ స్టార్ హీరో అజిత్ కుమార్ భార్య శాలిని చిన్నప్పటి నుంచే సినీ రంగంలో తనకంటూ ప్రత్యేక గుర్తింపు తెచ్చుకున్నారు. బాలనటిగా తమిళ, మలయాళ భాషల్లో అనేక చిత్రాల్లో నటించి ప్రేక్షకుల అభిమానాన్ని సంపాదించారు. ముఖ్యంగా మలయాళంలో 'ఎంటే మామట్టికుట్టియమ్మకు', 'నఖక్షతంగల్' వంటి చిత్రాలు ఆమెకు మంచి పేరు తీసుకొచ్చాయి. హీరోయిన్‌గా మారిన తర్వాత తమిళంలో 'కాదలుకు మరియాదై', 'అమర్‌కలం', 'అలైపాయుతే', 'ప్రియాద వరం వేణ్డుం' వంటి సూపర్‌హిట్ చిత్రాల్లో నటించారు. 'అమర్‌కలం' సినిమా సమయంలో అజిత్‌తో ప్రేమలో పడి, 2000లో ఆయనను వివాహం చేసుకున్నారు. పెళ్లి తర్వాత శాలిని సినిమాలకు దూరంగా ఉంటూ కుటుంబ జీవితానికే ప్రాధాన్యం ఇస్తున్నారు. తెలుగులో షాలిని బాల నటిగా మెగాస్టార్ చిరంజీవి జగదేక వీరుడు అతిలోక సుందరి చిత్రంలో నటించారు.