Guppedantha Manasu: మినిస్టర్ తో చివాట్లు తిన్న శైలేంద్ర.. దేవయానికి స్ట్రాంగ్ కౌంటర్ ఇచ్చిన జగతి?

Guppedantha Manasu: స్టార్ మాలో ప్రసారమవుతున్న గుప్పెడంత మనసు సీరియల్ మంచి కథ కథనాలతో ప్రేక్షకుల హృదయాలని గెలుచుకుంటుంది. కొడుకు కన్న కలలను నిజం చేయటం కోసం తపన పడుతున్న ఒక తల్లి కథ ఈ సీరియల్. ఈరోజు జూన్ 24 ఎపిసోడ్ లో ఏం జరిగిందో చూద్దాం. 

ఎపిసోడ్ ప్రారంభంలో మిషన్ ఎడ్యుకేషన్ రన్ చేయడానికి సరి అయిన స్టాప్ కూడా లేరు అందుకే గవర్నమెంట్ చేత ఫెయిల్యూర్ అనిపించకుండా ఇప్పుడే ఈ ప్రాజెక్ట్ ని క్విట్ చేద్దాము అంటాడు శైలేంద్ర. శైలేంద్ర మిగిలిన లెక్చరర్స్ కి సైగ చేయడంతో వాళ్లు కూడా శైలేంద్ర కి సపోర్ట్ చేస్తూ మాట్లాడుతారు. రిషి సర్ వసు మేడం ఉండేటప్పుడు వాళ్ళ గైడెన్స్ లో మాకు ఎలాంటి ప్రాబ్లమ్స్ ఉండేవి కాదు.

ఇప్పుడు ఆ పరిస్థితి లేదు కాబట్టి ప్రాజెక్ట్ ని క్విట్ చేద్దాము అంటారు. ఆ మాటలకి కోపంతో రగిలిపోతుంది జగతి. మిషన్ ఎడ్యుకేషన్ అనేది నా బ్రెయిన్ చైల్డ్ దానిని కంటిన్యూ చేయాలో క్విట్ చేయాలో నిర్ణయించే హక్కు నాకు రిషికి, వసుకి మాత్రమే ఉంది. వాళ్లు లేరు కాబట్టి ఈ ప్రాజెక్టుని నేను ముందుకు తీసుకు వెళ్తాను ఇష్టం లేని వాళ్ళు పక్కకు తప్పుకోవచ్చు నాకు ఎలాంటి అభ్యంతరము లేదు అని మీటింగ్ ముగించి అక్కడ నుంచి వెళ్ళిపోతుంది జగతి.

జగతిని సపోర్ట్ చేస్తూ మాట్లాడుతాడు ఫణీంద్ర. ఫణీంద్ర ఎవరికి సపోర్ట్ చేస్తే నా సపోర్ట్ కూడా వాళ్లకే అంటాడు మహేంద్ర. ఇక మిగిలిన వాళ్ళు కూడా తప్పనిసరి పరిస్థితుల్లో జగతికి సపోర్ట్ చేయవలసి వస్తుంది. కోపంతో రగిలిపోతాడు శైలేంద్ర బయటికి వచ్చిన తర్వాత అలా ఎలా ప్లేట్ ఫిరాయిస్తారు అని అడుగుతాడు. మేము ఏమీ చేయలేం సార్.

చూశారు కదా మహేంద్ర సర్ వాళ్లే జగతి మేడంకి సపోర్ట్ చేస్తున్నారు నేను సపోర్ట్ చేయకపోతే మా లైఫ్ నీ రిస్క్ చేసిన వాళ్ళు అవుతాము ఇంతకుముందు మీ ఫ్యామిలీ ఇష్యూస్ లో ఇన్వాల్వ్ అయ్యి ఇద్దరు లెక్చరర్స్ ఇలాగే జాబ్ పోగొట్టుకున్నారు అని చెప్పి అక్కడ నుంచి వెళ్ళిపోతారు లెక్చరర్స్. ప్లాన్ వర్క్ అవుట్ కాలేనందుకు కోపంతో రగిలిపోతాడు శైలేంద్ర. సీన్ కట్ చేస్తే జగతి మినిస్టర్ తో మాట్లాడుతూ ఉంటుంది. అంతలోనే అక్కడికి వచ్చిన  శైలేంద్ర పర్మిషన్ లేకుండా వచ్చినందుకు మినిస్టర్ కి సారీ చెప్పి మా పిన్ని మిషన్ ఎడ్యుకేషన్ గురించేనా మాట్లాడుతున్నారు ఆవిడ ఆ పని చేయలేరు మీతో చెప్పడానికి మొహమాటపడుతున్నారు అందుకే ఈ ప్రాజెక్ట్ క్విట్ చేసి వేరే కాలేజీకి ఈ ప్రాజెక్టు సబ్మిట్ చేయండి అని చెప్తాడు.

శైలేంద్ర చెప్పింది నిజమేనా అని జగతిని అడుగుతాడు మినిస్టర్. ఈ ప్రాజెక్ట్ ని నేను హ్యాండిల్ చేస్తాను సార్ దీన్ని ముందు తీసుకెళ్లే బాధ్యత నాది ఇందులో ఎలాంటి మార్పు లేదు అని కాన్ఫిడెంట్ గా చెప్తుంది జగతి. అప్పుడు మినిస్టర్ శైలేంద్ర కి చివాట్లు పెట్టి మీ పిన్ని కెపాసిటీ నీకు తెలియనట్లుగా ఉంది. ఆవిడ దేన్నైనా హ్యాండిల్ చేయగలరు అని చెప్తాడు.

 సీన్ కట్ చేస్తే కోపంగా ఇంటికి వచ్చిన శైలేంద్ర ఆ వెనకే వచ్చిన జగతి తో ఏంటి నీ ధైర్యం మిషన్ ఎడ్యుకేషన్ ఎలా రన్ చేద్దామనుకుంటున్నావు అంటూ కోప్పడతాడు. నన్ను నమ్ముకున్న వాళ్లే నా ధైర్యం. నా కొడుకు కోసమే నేను లొంగిపోయాను ఇప్పుడు ఎట్టి పరిస్థితుల్లోనూ మీకు తలోగ్గేది లేదు అంటుంది జగతి. దేవయాని కూడా జగతికి సపోర్ట్ చేస్తూ మాట్లాడుతుంది.

తల్లి కనుసైగ అర్థం చేసుకున్న శైలేంద్ర మీరు అందరూ ఒకటే అన్నమాట అంటూ కోపంగా వెళ్ళిపోతాడు. అప్పుడు దేవయాని జగతితో నువ్వు మేము చెప్పినట్లు చేయాలి ఎందుకంటే ఇది మా టైం అంటుంది. ఇన్నాళ్లు మీ టైం కానీ ఇప్పుడు నా టైం. నేను ఏది చెప్తే అదే జరగాలి. డి బి ఎస్ టి కాలేజ్ ఎప్పటికీ మీ చేతుల్లోకి రాదు ఒకవేళ నన్ను చంపి కాలేజీని వశం చేసుకోవాలి అనుకుంటే అది కూడా జరగదు.

 సమయం వచ్చినప్పుడు ఎలాంటి ఏర్పాట్లు చేశానో మీకే చెప్తాను అంటూ అక్కడ నుంచి వెళ్ళిపోతుంది జగతి. మరోవైపు కాలు నొప్పితో బాధపడుతున్న ఏంజెల్ కి చపాతి చేయడంలో హెల్ప్ చేస్తాడు రిషి. వసు తనకి చపాతీలు చేయటాన్ని నేర్పించిన సంఘటన గుర్తు చేసుకుంటాడు. అది గమనించిన ఎందుకు ఉన్నట్టుండి మూడీగా అయిపోతావు నీకు గతంలో ఏమైనా లవ్ స్టోరీస్ ఉన్నాయా అని అడుగుతుంది. తర్వాత ఏం జరిగిందో రేపటి ఎపిసోడ్ లో చూద్దాం.