Guppedantha Manasu: మరో కన్నింగ్ ప్లాన్ వేసిన శైలేంద్ర.. రిషిని ఇరుకున పెట్టేసిన వసుధార!

Guppedantha Manasu: స్టార్ మా లో ప్రసారమవుతున్న గుప్పెడంత మనసు సీరియల్ మంచి రేటింగ్ ని సంపాదించుకుంటూ టాప్ సీరియల్స్ సరసన స్థానం సంపాదించుకుంటుంది. తను ప్రేమించిన వాడు తనని ప్రేమిస్తున్నాడో లేదో అర్థం చేసుకోలేకపోతున్న ఒక ఆడపిల్ల కథ ఈ సీరియల్. ఇక ఈరోజు ఆగస్టు 30 ఎపిసోడ్ లో ఏం జరిగిందో చూద్దాం. 

ఎపిసోడ్ ప్రారంభంలో రిషి ఇంకా ఇంటికి రాలేదు అందుకే కంగారుగా ఉంది. నీకేమైనా తెలిసేమో అడుగుదామని వచ్చాను అంటుంది ఏంజెల్. ఏదైనా పని పడిందేమో వచ్చేస్తారులెండి అంటుంది వసుధార. ఈ మాటలు పక్కనుంచి వింటున్న రిషి 15 నిమిషాల్లో ఇంట్లో ఉంటాను కంగారు పడకు అని ఏంజెల్ కి మెసేజ్ పెడతాడు. ఆ మెసేజ్ ని చూసిన ఏంజెల్ సంతోషిస్తుంది కానీ మన మాటలు వింటున్నట్లే రిషి మెసేజ్ పెట్టాడు ఇక్కడే ఎక్కడైనా ఉన్నాడా అని అనుమానంగా అడుగుతుంది ఏంజెల్.

 అల్లుడుగారు ఇక్కడ ఎందుకు ఉంటారు అని నోరు జారతాడు చక్రపాణి. ఏమన్నారు అని ఏంజెల్ అడగటంతో బాబు గారు అన్నాను అంటూ కవర్ చేసుకుంటాడు చక్రపాణి. మీరు ఉన్నది ఇద్దరే కదా మూడు భోజనం పళ్ళాలు ఉన్నాయి ఏంటి అని అనుమానం గా అడుగుతుంది ఏంజెల్. ఆమెకి ఏదో సమాధానం చెప్తారు తండ్రి కూతుర్లు. మీ మాటలే అర్థం కాదు ఇంక మీ పనులు ఏం అర్థం అవుతాయి, అయినా రిషి వస్తానని మెసేజ్ పెట్టాడు తను వచ్చేసరికి నేను ఇంటి దగ్గర ఉండాలి అని చెప్పి వెళ్ళిపోతుంది ఏంజెల్.

 అప్పుడు వసుధార  ఏంజెల్ వెళ్ళిపోయింది అని చెప్పి రిషి ని బయటకు పిలుస్తుంది. ఏంజెల్ కంగారు పడుతుంది మీరు ఇంటికి వెళ్ళండి అంటుంది వసుధార. నాకు వెళ్లాలని లేదు, ఏంజెల్ ని  ఫేస్ చేయాలని లేదు అంటాడు రిషి. సమస్య వస్తే పారిపోకండి సార్. విశ్వనాథం గారి కోసమైనా అక్కడికి వెళ్లాలి అని చెప్పటంతో ఇంటికి ఏం బయలుదేరుతాడు రిషి. మరుసటి రోజు పొద్దున్నే విశ్వనాథం దగ్గరికి వచ్చి విష్ చేస్తాడు రిషి. అప్పటివరకు అక్కడే ఉన్న ఏంజెల్ అక్కడ నుంచి వెళ్ళిపోతుంది.

 అప్పుడు విశ్వనాథం మీ ఇద్దరికీ గొడవ ఏమైనా జరిగిందా అని అడుగుతాడు. అలాంటిదేమీ లేదు అని చెప్పి ఏంజెల్ ని పిలిచి మనిద్దరి మధ్య ఏమైనా గొడవ జరిగిందా అని అడుగుతాడు. నీకు అలా ఏమీ అనిపించడం లేదా అంటుంది ఏంజెల్. నాకు అలా ఏమీ అనిపించడం లేదు మన మధ్య స్నేహం తప్పితే గొడవలు ఏమీ లేవు అని ఒత్తు పలుకుతూ అక్కడ నుంచి వెళ్ళిపోతాడు రిషి. రిషి తప్పించుకోవాలని చూస్తున్నాడు.

 ఎలాగైనా వదలకూడదు అని చెప్పి అతని వెనకాతలే వెళ్లి నేను నిన్ను పెళ్లి చేసుకోవాలనుకున్న విషయం విస్వానికి చెప్పాలనుకుంటున్నాను అంటుంది ఏంజెల్. నేను నా నిర్ణయాన్ని ఎప్పుడో చెప్పేశాను అయినా విశ్వనాథం గారికి చెప్పి బాధ పెట్టాలనుకుంటే చెప్పు. ఒకవేళ నువ్వు చెప్పినా కూడా నా నిర్ణయం మారదు అని చెప్పి అక్కడ నుంచి వెళ్ళిపోతాడు రిషి. మరోవైపు శైలేంద్ర కాలేజీ మేనేజర్ నరేష్ దగ్గరికి వచ్చి అతని కూతురికి పెళ్లి కుదిరిందని తెలుసుకొని డబ్బు సాయం చేస్తానంటూ తనకి కావాల్సిన పని చేసి పెట్టమని తన కన్నింగ్ ప్లాన్ అతనికి చెప్తాడు.

భయంగా ఉంది సార్ అంటాడు మేనేజర్ నరేష్. భయంగా ఉన్నప్పుడే పనులు చక్కగా పూర్తవుతాయి. ఈ భయంతోనే నేను చెప్పిన పని కూడా చేసేయండి అంటాడు శైలేంద్ర. మరోవైపు వసుధార ని పిలిచి నా ప్రపోజల్ని రిషి సీరియస్గా తీసుకోవడం లేదు నువ్వే అతనికి ఎలాగైనా నా గురించి చెప్పాలి అంటుంది ఏంజెల్. నన్ను ఇబ్బంది పెట్టొద్దు నేను అలా మాట్లాడలేను అంటుంది వసుధార. అలా అనకు ఇది నా లైఫ్ అండ్ డెత్ మేటర్ అని చెప్తుంది ఏంజెల్.

ఇంతలో అక్కడికి రిషి వస్తాడు. ఇక్కడికి ఎందుకు రమ్మన్నావు అని ఏంజెల్ ని అడుగుతాడు. నువ్వు నా ప్రపోజల్ ని సీరియస్గా తీసుకోవడం లేదు కదా అందుకే వసుధార ఈ విషయాన్ని నేను ఎంత సీరియస్గా తీసుకున్నానో నీకు చెప్తుంది అంటుంది ఏంజెల్. అప్పుడు వసుధార మాట్లాడుతూ ఒక ఆడపిల్ల సిగ్గు విడిచి అడిగినప్పుడు మీ నిర్ణయం ఏంటో చెప్పండి. మీ మనసులో ఎవరైనా ఉన్నారా అంటూ నిలదీస్తుంది. సమాధానం చెప్పలేక ఇరుకున  పడిపోతాడు రిషి. తర్వాత ఏం జరిగిందో రేపటి ఎపిసోడ్ లో చూద్దాం.